Սաֆարյան․ Հայաստանում աղքատության մակարդակը տարեվերջին գրեթե կկրկնապատկվի՝ 48% հասնելով
2022-ին Հայաստանն աննախադեպ տնտեսական աճ է գրանցել հետխորհրդային հանրապետությունների շրջանում։ Ընդ որում, մինչև տարեվերջ երկրում աղքատության մակարդակը գրեթե կկրկնապատկվի՝ հասնելով 48 տոկոսի։ Այս մասին Երևանում Եվրասիական փորձագիտական ակումբի մամուլի ասուլիսին, ամփոփելով յոթերորդ տնտեսական ուսումնասիրության արդյունքները, հայտարարեց քաղաքական վերլուծաբան, Եվրասիական փորձագիտական ակումբի համակարգող Արամ Սաֆարյանը։
Այդ ցուցանիշները, նրա խոսքով, ռեկորդային են Հայաստանի համար։ Այդպես, առաջին 6 ամիսների ընթացքում տնտեսական ակտիվությունն աճել է 10.5 տոկոսով։
«Դա շատ բարձր ցուցանիշ է և ուստի շատերի համար՝ անսպասելի։ Բանն այն է, որ խոշորագույն միջազգային վարկանիշային գործակալությունները, Համաշխարհային բանկը, Արժույթի միջազգային հիմնադրամը, Վերակառուցման և զարգացման եվրոպական բանկը, ինչպես նաև Եվրասիական զարգացման բանկը, նախորդ տարեվերջին և այս տարվա սկզբին կիսամյակի ընթացքում մեկ տարի շատ ավելի համեստ ցուցանիշներ են արձանագրել։ Այնուամենայնիվ, Հայաստանի կառավարությունն արդեն այն ժամանակ հայտարարեց ակնկալվող 7 տոկոս տնտեսական աճի մասին»,- ասաց Սաֆարյանը։
Այդուհանդերձ, ինչպես նշեց քաղաքագետը, չնայած այդ վարդագույն թվերին և ծայրահեղ աղքատության աննշան նվազմանը, աղքատության ընդհանուր մակարդակը հանրապետությունում 27 տոկոսից 48 տոկոսի կհասնի։
«Դա մեզ մոր լրջագույն մտահոգություն է առաջացնում։ Կոչով դիմում ենք Հայաստանի իշխանություններին, նրա քաղաքական դաշտին, հասարակական կազմակերպություններին, մասնավորապես՝ գիտական հանրությանը, որպեսզի նրանք լարեն իրենց բոլոր ուժերը, համախմբվեն, և ինտելեկտուալ փնտրտուքի օգնությամբ կարողանան մեղմել այդքան անբարենպաստ ցուցանիշները և հնարավոր բացասական հետևանքները»,- հայտարարել է Եվրասիական փորձագիտական ակումբի համակարգողը։
News.am
