Էդգար ԷԼԲԱԿՅԱՆ․ 29.800-Ի ՄԱՍԻՆ

Ոչնչացնել հայ-ռուսական ամեն ինչ, հայտարարել, որ հայ-ռուսական ժառանգությունից ավելի կարևոր են հայ-թյուրքական առնչությունները, և միաժամանակ հույս ունենալ պահել ԽՍՀՄ տարիների Հայաստանի սահմանները գիտակցված դավաճանություն են։

Եթե քեզ համար հայ-ռուսական հարաբերություններից ավելի կարևոր է հայ-թյուրքական պատմական ժառանգությունը, ապա թյուրքերը քեզ դեմ կտան իրենց ժառանգությունից բխող սահմաններ, որտեղ դու չկաս, և կասեն «ցտեսություն»։

Նույնիսկ 29.800-ը հայ ազգի զոհողությունների, մաքառումների միջոցով է կյանքի կոչվել, օդից չի ընկել։ Բացի այդ՝ 29.800-ը հետևանք է եղել կոնկրետ համատեքստի, այն է՝ Մոսկվայի՝ Անդրկովկասում թյուրքական/մուսուլմանական Ադրբեջանին Հայաստանով բալանսավորելու ազգային քաղաքականության։

Եթե այս հավասարումից հանում ես Մոսկվային, ուրեմն չկա ոչ մի 29.800․ դա ընդամենը մի փլուզված պետության ներքին վարչատարածքային բաժանում է։ Սա է հենց ասելու Ադրբեջանը՝ շարունակելով իր դրածո ՀՀ դե-ֆակտո թուրքական իշխանությունների շնորհիվ Հայաստանի զավթումը։

Էդգար ԷԼԲԱԿՅԱՆ, ֆեյսբուքյան էջ