Последние новости
2021-04-30 18:19
0

ՀՀԿ-Ն ԸՆԴԴԵՄ ԿԱՊԻՏՈՒԼՅԱՆՏԻ ԵՎ ՍԻՄՈՒԼՅԱՆՏԻ

0
Telegram

ՀՀԿ-ն ներկայացրեց իր հայտը. ընդդիմության ճնշման տակ Փաշինյանի հայտարարած ընտրություններին հանրապետականները կմասնակցեն Արթուր Վանեցյանի «Հայրենիք» կուսակցության հետ միասին։ Չենք կարծում, թե այդ որոշումը հրճվանք է պատճառել Նիկոլին ու իր թիմին։

Հնարավոր է, որ նրանք գաղտնի հույս էին փայփայում, թե ՀՀԿ-ն ձեռնպահ կմնա ընտրարշավին մասնակցելուց։ Մանավանդ որ հանրապետականներից ժամանակ առ ժամանակ ստացվում էին այդօրինակ մեսիջներ՝ ընտրությունների անթույլատրելիության մասին հայտարարությունների տեսքով կամ Սերժ Սարգսյանի հայտարարության, որ ինքն անձամբ չի առաջադրվելու։ Բայց, ինչպես ասում են, իրավիճակ է փոխվել։

Իհարկե, բոլորն էլ կցանկանային, որ ամեն ինչ ընթանար Հայրենիքի փրկության շարժման առաջարկած սցենարով։ Այն է՝ Նիկոլն իր թիմով հրաժարական է տալիս և ձևավորվում է հակաճգնաժամային ժամանակավոր կառավարություն։ Բայց, չնայած բազմահազարանոց բողոքի ցույցերին ու նրա հրաժարականի պահանջով ամենատարբեր կառույցների կոչերին, Նիկոլը չհեռացավ։ Նա ցույց տվեց, որ պատրաստ է քաղաքացիական պատերազմ սանձազերծել, բայց հոժարակամ չի հեռանա։ Ընտրությունների այլընտրանք կարող էր դառնալ թերևս միայն ռազմական հեղաշրջումը՝ դժվար հաշվարկելի հետևանքներով։

Իհարկե, պետական այրը հրաժարական կտար և չէր ենթարկի երկիրն ընտրարշավի ռիսկերին այս բարդ իրավիճակում։ Հանուն պետության շահերի։ Վերջերս այդ մասին իր կողմնակիցների հետ հանդիպման ժամանակ խոսել է նաև Ռոբերտ Քոչարյանը։ Այն մասին, որ ներկա իրավիճակում ընտրություններ անցկացնելը, այո, ճիշտ չէ, բայց ինչ արած, եթե մեր գլխին այսպիսի պատուհաս է եկել՝ հանձին Նիկոլի։ Պետականության գենը այս թիմի մոտ իսպառ բացակայում է։

Մի առիթով դա անուղղակիորեն խոստովանեց նաև ինքը՝ Նիկոլը, հայտարարելով, որ իր դեմ հանդես է գալիս էլիտան... Այսինքն՝ այն կառույցները, այն մարդիկ, որոնց համար ազգը, պետությունը դատարկ խոսքեր չեն, և որոնց համար կա շատ ավելի կենսական բան, քան լոկ հացն ու թամաշան։ Նիկոլին, այսպիսով, սատարում է ժեխը։ Այսինքն նրանք, ում համար «պետական շահ» հասկացությունը դատարկ հնչյուն է, ում համար կարևոր է, որ իրենց որդին բանակում չծառայի, սպառողական զամբյուղը էժան լինի, իսկ անաշխատ փողը՝ լիառատ։

Ստեղծված իրավիճակն ինչ-որ չափով իսկապես հիշեցնում է դեռևս հին հռոմեական դիմակայությունը պատրիկների և պլեբեյների միջև, որոնց երջանիկ կյանքի համար միանգամայն բավարար էին լոկ հացն ու թամաշան: Եվ պետությունը նրանց սրտին հաճո է միայն այն դեպքում, երբ ապահովում է թե՛ մեկով, թե՛ մյուսով։

ԵՎ ԱՀԱ ԱՅԴՊԻՍԻ ՄՏԱԾԵԼԱԿԵՐՊ ՈՒՆԵՑՈՂ ՄԱՐԴԻԿ ՀԱՅՏՆՎԵԼ ԵՆ ԻՇԽԱՆՈՒԹՅԱՆ ՂԵԿԻՆ։ Նրանց համար և՛ պետությունը, և՛ պետական ինստիտուտները ոչ այլ ինչ են, քան կթու կով։ Եվ նրանք կթում են պետությանը ողջ թափով։ Հենց միայն պարգևավճարների համար ավելի քան 200 միլիոն դոլար է ծախսվել նիկոլյան տարիներին: Իսկ հիմա հաշվարկեք, թե այդ գումարով քանի զրահաբաճկոն կարելի էր գնել զինվորների համար։ Հենց այն զրահաբաճկոններից, որոնք Նիկոլը կամավորներին խորհուրդ էր տալիս փնտրել նկուղներում ու հարևանների տանը... Այդ թիմն իսկապես պատրաստ է ամեն ինչի, որպեսզի շարունակի մնալ լափամանի մոտ ու կթել պետությանը, և եթե նրանց ձրի փող առաջարկեն թուրքական վիլայեթ դառնալու համար, նրանք առանձնապես չեն վարանի։

Վերադառնանք ՀՀԿ-ի որոշմանը։ «Կթվորներին» հաղթելու համար բավական մեծ ջանքեր են պետք, և ՀՀԿ-ի որոշումը ճիշտ է։ Նրանք լավ թիմ ունեն, և ուղղակի ափսոս կլիներ չօգտագործել ՀՀԿ-ի ու «Հայրենիք»-ի ռեսուրսը Նիկոլի դեմ պայքարում։

Իսկ ինչ վերաբերում է այն տեսակետին, թե ՀՀԿ-ի որոշումը կնպաստի ընդդիմության օգտին տրվելիք ձայների ցաքուցրմանը, ապա այդ մասին կարելի է խոսել միայն այն դեպքում, եթե ՀՀԿ-ն չհաղթահարի անցողիկ շեմը։ Տվյալ դեպքում դա գործնականում բացառված է։ Նույնիսկ նիկոլական էյֆորիայի մոլեգնության ժամանակ՝ 2018-ի դեկտեմբերի խորհրդարանական ընտրություններում ՀՀԿ-ն ընդհուպ մոտ էր խորհրդարան մտնելուն։ Իսկ Փաշինյանի կառավարության աղետալի ձախողումներից հետո ակնհայտ է, որ բարձր կազմակերպվածություն ունեցող ՀՀԿ-ի համար անցողիկ շեմը հաղթահարելը խնդիր չի լինելու։ Այսպիսով, ընտրություններին մասնակցելու մասին ՀՀԿ-ի հայտարարությունից հետո Փաշինյանը կբախվի ևս մեկ հզոր ուժի, որն իր ներդրումը կունենա գլխավոր կապիտուլյանտին ու սիմուլյանտին իշխանությունից հեռացնելու գործում։

Основная тема:
Արտահերթ ընտրություններ Հայաստանում

Теги:
հայտարարություն

Интерактивный тур

    ПОСЛЕДНИЕ ОТ АВТОРА

    • ПРИМИРЕНИЕ ПРОТИВ ЛЖИВЫХ ОБЕЩАНИЙ И МАНИПУЛЯЦИЙ
      2024-05-06 14:25

      Спикер парламента Армении Ален Симонян официально заявил, что Никол Пашинян не примет участия в церемонии инаугурации президента РФ Владимира Путина. Хотя в церемонии инаугурации выставляющего Армении условия президента Турции, страны не отрицающей своего участия в 44-дневной войне, армянский премьер принял участие не только с радостью, но и с подарком для Реджепа Эрдогана. В принципе, спикер мог бы ничего и не говорить, не только потому, что участие Пашиняна в этом мероприятии было бы верхом лицемерия, но еще и потому, что ранее уже было заявлено, что 7 мая Никол Пашинян проводит очередную пресс-конференцию.

    • ТРАГИЧНОСТЬ ЛОГИЧНОСТИ ПРОИСХОДЯЩЕГО
      2024-05-04 12:46

      Когда гражданин перекрывает улицу - понятно: так выражается протест против того или иного решения власти. Когда улицу перекрывает власть, не разрешая гражданам пройти из одного населенного пункта в другой… Не разрешая депутату пройти к избирателям, священнослужителю к прихожанам…

    • КИРАНЦ
      2024-05-02 10:58

      Архиепископ Баграт Галстанян сказал, что мы еще долго будем помнить о победах Киранца. Прав он, или нет, покажет ближайшее время. Пока можно говорить только об одной победе. Киранц вывел многих людей разных политических взглядов на улицы в поддержку приграничного армянского села, часть территорий которого по какой-то непонятной карте власти намерены в ближайшее время передать Азербайджану. Ради того, чтобы семь дней, по словам Никола, жить без войны, а что там будет на 8-й день, никто ничего гарантировать не может. Будут ли у Киранца другие победы, которые действительно золотыми буквами впишут название села в историю Армении - решаться вопросу в Ереване. Либо Киранц станет символом возрождения Армении, либо символом начала процесса, итогом которого станет утрата независимой армянской государственности, преобразование ее в протекторат Турции и Азербайджана.

    • ОЧЕНЬ ОГРАНИЧЕННЫЙ ВЫБОР
      2024-04-30 10:51

      Из России все чаще упрекают официальную Армению за откровенно антироссийскую политику. Задаются вопросом: как долго это может продолжаться, как долго Москва должна делать вид, что не замечает откровенно антироссийские шаги армянского руководства и, тем паче, еще более откровенные антироссийские заявления официального Еревана? И что будет, если Россия начнет отвечать адекватно? Пашинян говорит, что он ни в чем не виноват: его политика - следствие бездеятельности России и ОДКБ, потому он так себя и ведет.



    Радио Аврора

    Интерактивный тур

    Migration Resource Centers

    ПОСЛЕДНЕЕ ПО ТЕМЕ