2021-09-23 18:38
Соб.инф.
0
ՎԻՎԱ-ՄՏՍ-Ի ՀԱՅՏԱՐԱՐՈՒԹՅՈՒՆ-ՀԵՐՔՈՒՄԸ
Վիվա-ՄՏՍ-ը հարկադրված է հանրությանն ու ԶԼՄ-ներին ներկայացնել իր դիրքորոշումը՝ mamul.am կայքում ս.թ. սեպտեմբերի 22-ի հրապարակման առնչությամբ: Ընկերությունը զերծ կմնար լրատվամիջոցի անվանումը հանրայնացնելուց, եթե նշված լրատվամիջոցի կողմից ս.թ. հունիսի 4-ին ու 17-ին՝ Վիվա-ՄՏՍ-ի վերաբերյալ հրապարակումների բովանդակությունը լիովին կեղծ ու շինծու չլիներ, ինչպես նաև լրատվամիջոցը չհրաժարվեր ու չխուսափեր Վիվա-ՄՏՍ-ի պաշտոնական պատասխան-պարզաբանումներն իր կայքէջում տեղադրելուց:
Mamul.am-ի սեպտեմբերի 22-ի հրապարակման վերնագիրն արդեն իսկ պարունակում է զրպարտող պնդումներ ու մեկնաբանություններ, կանխակալ է և իրավիճակը չի ներկայացնում ամբողջությամբ: Վիվա-ՄՏՍ-ը դիմել է mamul.am-ին, որպեսզի լրատվամիջոցը տրամադրի հրապարակման մեջ հիշատակված գնորդի հեռախոսահամարն ու անուն-ազգանունը՝ պաշտոնապես նույնականացնելու նպատակով:
Հրապարակմանն ի պատասխան՝ Վիվա-ՄՏՍ-ն իրականացրել է հրապարակման մեջ նշված ժամկետներում երաշխիքային սպասարկման հետ կապված դիմումների և համապատասխան գործողությունների վերաբերյալ ներքին ուսումնասիրություն: Ըստ այդմ՝ ընկերությունը հայտնում է, որ Samsung A12 հեռախոսի հետ կապված խնդրի, այդ խնդրի լուծման, ինչպես նաև՝ գնորդի ու Վիվա-ՄՏՍ-ի փոխհարաբերությունների մասին՝ հրապարակման մեջ նշված տեղեկությունները ներկայացված են միակողմանի ու կանխակալ կերպով, ոչ ամբողջական են և չեն արտացոլում իրականությունը:
Վիվա-ՄՏՍ-ի սպասարկման սրահներում սարքերի և սարքավորումները վաճառքն իրականացվում է այդ ապրանքատեսականին մատակարարող պաշտոնական ներկայացուցիչների հետ պայմանագրերի հիման վրա: Մասնավորապես՝ Վիվա-ՄՏՍ-ն ինչպես բջջային այլ օպերատորները, իրականացնում է Samsung ապրանքանիշի սարքերի ու սարքավորումների վերավաճառք՝ պայմանագրի շրջանակներում, ինչը նաև նախատեսում է երաշխիքային սպասարկում՝ պաշտոնական ներկայացուցչի կողմից ընտրված՝ սպասարկում իրականացնող ընկերությունում: Վիվա-ՄՏՍ-ը ո՛չ արտադրող է, և ո՛չ էլ ունի իրավասություն՝ ընտրելու սպասարկում իրականացնող ընկերություն: Վիվա-ՄՏՍ-ը խստորեն վերահսկում է երաշխիքային սպասարկման գործընթացը՝ կապ պահպանելով թե՛գնորդի, և թե՛ սպասարկում իրականացնող ընկերության միջև:
Գնորդների ու պաշտոնական ներկայացուցիչների հետ հարաբերություններում Վիվա-ՄՏՍ-ը խստորեն հետևում է Սպառողների իրավունքների պաշտպանության մասին ՀՀ օրենքի պահանջներին:
Որպես պատասխանատու ընկերություն, Վիվա-ՄՏՍ-ը կաշկանդված է գնորդին վերաբերող տվյալներ հրապարակելու հարցում: Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:
Շնորհակալություն:
ПОСЛЕДНИЕ ОТ АВТОРА
-
2024-05-09 09:40В длинном перечне провалов во внешней и внутренней политике во время нахождения у власти Пашиняна особое место занимает признание Пашиняном Арцаха частью Азербайджана. Этот политический акт явился несомненно ошибочным по многим причинам, в том числе по следующим:
-
2024-05-05 10:11В храме Гроба Господня в Иерусалиме сошел благодатный огонь.
-
2024-05-03 16:23Ардшинбанк ввел новый вид рефинансирования бизнес-кредитов на льготных условиях с возможностью дополнительного финансирования текущих расходов. Продукт предназначен для малых и средних предприятий - резидентов Республики Армения, которые имеют действующие кредиты в банках Армении и хотят облегчить свою кредитную нагрузку.
-
2024-05-01 10:36Погода продолжает преподносить нам сюрпризы. Прошедшая зима получилась удивительно мягкой. Весна рванулась с места в карьер, взметнув вверх столбики термометров. Апрель вообще побил все рекорды. Может, хочет поменяться местами с маем? Деревья раньше оделись в зеленый наряд. Даже в моем, самом северном 9-м Норкском массиве Еревана. Ну а приходу тепла больше всех рады птицы.
ПОСЛЕДНЕЕ ПО ТЕМЕ
-
2023-09-18 18:43«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: