2021-11-17 09:26
Рубен МАРГАРЯН
0
ՆԻԿՈԼ ԻՋԵՎԱՆՑՈՒ ՏԵՍԼԱԿԱՆՆԵՐԸ
Պաշտպանության նախարարությանը ներկայացնելով գերատեսչության նոր ղեկավարին՝ Փաշինյանը պահանջել է, որ ոչ ոք չկասկածի. երկրի կառավարությունը հստակ տեսլական ունի, թե ինչպես պաշտպանել երկիրը ռազմավարական մարտահրավերներից և դուրս բերել բարգավաճման ուղի:
Նիկոլը հստակ տեսլական ունի... Վստահ եմ, նրան չեն հավատում անգամ իր իսկ կառավարության ողջամիտ անդամները։ Ինչո՞ւ։ Հենց այն պատճառով, որ սա Նիկոլ Իջևանցու բնավ առաջին «տեսլականը» չէ։ Եվ նախորդներից ոչ մեկը ոչ մի օգուտ չի բերել ո՛չ Հայաստանի ժողովրդին, ո՛չ էլ հայոց պետականությանը։
Տարբեր տեսլականներ է ունեցել Նիկոլը։ 2008-ին, օրինակ, նա տեսիլք էր ունեցել, որ ինքը ապստամբության ղեկավար է, և ահավասիկ հրամաններ էր տալիս, օժանդակ ուժեր ուղարկում... Այդ տեսիլքն ավարտվեց 10 մարդու մահով։
Հետագայում էլ Փաշինյանը բազմաթիվ այլ տեսլականներ է ունեցել։ Մի անգամ նրան տեսիլք այցելեց, թե ինքը պետական պանծալի այր է, և սկսվեց երկրի կործանման գործընթացը։ Նիկոլը տեսլական ունեցավ, թե ամեն գնով պետք է նստեցնի Քոչարյանին, իր մարդկանց մտցնի Սահմանադրական դատարան, թե տնտեսական աճ կա, կա սփյուռքահայերի զանգվածային հայրենադարձություն, իսկ զբոսաշրջության զարգացման համար պետք է արմատից հատել «նախկին» պտղատու այգիներն ու տնկել կառավարության տրամադրած սերտիֆիկացված տնկիներ։
Նրա աչքին երևաց, թե անցկացնելու է դատական մեծ բարեփոխում, թե ինքը մեծ զորավար է և կարող է հաղթել պատերազմում, թե իր կառավարությունը հաղթել է կորոնավիրուսին: Նույն այն վիրուսին, որից մենք արդեն երկու անգամ ավելի շատ կորուստներ ունենք, քան պատերազմից։
Նիկոլի ձախողված տեսլականները կարելի է թվարկել ու թվարկել... Իմաստ ունի՞։ Ինչ վերաբերում է վերջինին, որի մասին նա բարբառեց ՊՆ-ում, դա բլեֆ է։ Իրականում ամեն ինչ շատ պարզ է։
Վերջին կադրային փոփոխությունների հետևում կանգնած է ոչ թե «տեսլականը», այլ Իլհամ Ալիևի որոշումը։ Արշակ Կարապետյանի Արցախ կատարած այցից հետո Ադրբեջանի ԱԳՆ-ը հանդես եկավ խիստ հայտարարությամբ և նախազգուշացմամբ։ Դա հրահանգ էր Նիկոլին՝ հեռացնել Արշակին, որպեսզի ոչ ոք այլևս չհանդգնի կրկնել նրա «սխրանքը»։ Միանգամից հեռացնել Փաշինյանը չէր կարող, կապը շատ ակնհայտ կլիներ։ Եվ նրան օգնության եկավ Ալիևը՝ գրավելով նոր դիրքեր, որպեսզի Նիկոլի համար ավելի հեշտ լինի հիմնավորել նախարարի հրաժարականը։
Ինչ վերաբերում է ռազմական ոլորտի հետ առնչություն չունեցող Պապիկյանի նշանակմանը, ապա այստեղ էլ տեսլականները կապ չունեն։ Սոցիալական ցանցերում արդեն հիշել են այն պատմությունը, թե ինչպես Հարավսլավիայի նախագահ Իոսիպ Բրոզ Տիտոյին հաղորդեցին, որ կառավարությունում իր տեղակալներից մեկն աշխատում է ամերիկյան ԿՀՎ-ի օգտին։ Նրա հետ անկեղծ զրույցում Տիտոն հետաքրքրվեց. ո՞րն է գլխավոր առաջադրանքը, որ տվել են հավաքագրվածին ամերիկացիները։ Եվ իմացավ, որ գլխավոր հրահանգը պաշտոններում ոչ պրոֆեսիոնալ մարդկանց նշանակելն էր։ Պարզ է, ինչպես ամեն հանճարեղ բան. դա է պետության ոչնչացման լավագույն բաղադրատոմսը։
Հիշենք նաև, թե ինչպես էր տարեսկզբին Ալիևը վրդովվում հայկական բանակի վերազինման ծրագրերի կապակցությամբ։ Եվ խոսում այն մասին, թե Հայաստանին բանակ պետք չէ։ Պապիկյանի նշանակումը պետք է դիտարկել այս համատեքստում. ուրիշ ո՞ւմ կարող էր վստահել Նիկոլը զինված ուժերի դագաղի կափարիչին վերջին մեխը մխելու իրավունքը, եթե ոչ հավատարիմ թիմակցին։
Ի՞ՆՉ ՍՊԱՍԵԼ։ ՈՉ ՄԻ ԼԱՎ ԲԱՆ։ Սա ամենևին էլ հուզական կանխատեսում չէ։ Սա Բաքվի համակարգված և հստակ գործողությունների գնահատականն է, որոնք վկայում են, որ այնտեղ տիրապետում են Հայաստանում տեղի ունեցող գործընթացների մասին ողջ տեղեկատվությանը. առաջնագծում խրամատների խորությունից մինչև քաղաքական բարձրագույն էշելոնում ընթացող կողասրահային խոսակցություններ։ Եվ այստեղ տեղին է հիշել այն հարցը, որ իր ասուլիսներից մեկում տվեց Ռոբերտ Քոչարյանը. ինչո՞ւ էր պատերազմի ժամանակ Բաքուն ռմբակոծում Արցախի և՛բժշկական, և՛ մշակութային օբյեկտները, ռմբակոծում դիպուկ նշանառությամբ, բայց ոչ մի արկ մոտ անգամ չընկավ նախագահական նստավայրին, որտեղ կային երևանյան բազմաթիվ «հյուրեր»։ Ո՞ւմ էին խնայում թուրքական անօդաչու սարքերը։
Ասվածի արդյունքներով, կրկնում եմ, կանխատեսումն անմխիթարական է։ Եթե կատարվող ամենին նայենք կողքից ու առանց հույզերի, ապա սա շատ նման է պետության հոգեվարքի։ Պետության, որը գտնվում է արտաքին կառավարման տակ։ Եվ այդ արտաքին կառավարումն իրականացվում է բնավ ոչ Մոսկվայից։
Հնարավոր է, որ հենց վերոնշյալ հարցերի պատասխանների իմացությունն էլ թույլ տվեց Էրդողանին վերջերս հայտարարել, որ այն ճանապարհը, որը Բաքուն ձգում է դեպի Հայաստանի սահման, իր շարունակությունը կստանա դեռևս հայկական տարածքով։ Եվ եթե նման իրավիճակը շարունակվի ևս մեկ-երկու տարի, ապա ամեն ինչ կլինի այնպես, ինչպես մտածել են Բաքվում ու Անկարայում. դեպի Նախիջևան «միջանցք» կլինի, իսկ Լեռնային Ղարաբաղի խնդիր՝ ոչ:
Միգուցե իրականում հենց դա՞ է Նիկոլի հերթական «տեսլականը»։ Իշխող կուսակցության պատգամավորներն ու թիմի մյուս բոլոր անդամները պետք է լրջորեն մտածեն. պատրա՞ստ են արդյոք շարունակել կիսել իրենց առաջնորդի «տեսլականները»։
ПОСЛЕДНИЕ ОТ АВТОРА
-
2024-05-18 12:21Конечно, сложная задача сковырнуть Пашиняна с кресла премьера. Возглавляемое архиепископом Багратом Движение готовит вторую волну массовых протестов, но каковы возможные результаты? Рассмотрим некоторые сценарии.
-
2024-05-14 12:30Лидер Движения "Тавуш во имя родины", лидер народных протестов против режима Пашиняна архиепископ Баграт сегодня пойдет на Третий участок - некогда "логово" ереванского электората Пашиняна. Говорить с людьми, слушать их. Делать то, чего не сделала привилегированная структурированная оппозиция, которая любит ворчать на "несознательность народа".
-
2024-05-10 14:07Ох, сколько же протоколов об административных правонарушениях составит сегодня никчемная власть против участников народных протестов! Та самая власть, которая позиционирует себя народной, но так и не желающая признавать, как она надоела народу. Своей постоянно ложью. Своей последовательной сдачей интересов армянской государственности.
-
2024-05-09 13:20Была надежда, что визит Никола Пашиняна в Москву позволит изменить нежелательный ход событий если не на желательный, то, по крайней мере, на менее нежелательный. Не случилось. Визит Пашиняна в Москву не привнес позитива, если под этим понятием иметь в виду нормализацию армяно-российских отношений. Путин и Пашинян, выйдя после непродолжительных с учетом накопившихся тем и проблем переговоров, даже не смотрели друг на друга…, не то, чтобы обменяться парой словечек для телекамер.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ: