Տիգրան Աբրահամյան․ Ադրբեջանն ագրեսիայի միջոցով փորձում է հայաթափել Արցախը
«Այսօր կա զուգահեռ երկու գործընթաց՝ Ադրբեջանը մի կողմից ագրեսիայի միջոցով փորձում է հայաթափել Արցախը, Հայաստանի իշխող ուժը իր հայտարարություններով կանաչ լույս է վառում դրա համար»,- ՀՀ արտաքին գործերի նախարարության դիմաց ակցիայի ժամանակ հայտարարեց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Նա ընդգծեց՝ այսօր հավաքվել են այստեղ ոչ ասելու Հայաստանի և Արցախի թուրքացմանը, ադրբեջանացմանը, ևս մեկ անգամ վերահաստատելու իրենց այն մոտեցումը, որ Արցախը երբեք չի լինելու Ադրբեջանի կազմում։
«Մենք ամեն ինչ անելու ենք դա թույլ չտալու համար»,- ասաց Տիգրան Աբրահամյանը։
Նա հիշեցրեց, որ արդեն երկու շաբաթ է Արցախի Հանրապետությունում ապրող մեր հայրենակիցները գտնվում են ադրբեջանական սադրանքների, տեղեկատվական, քարոզչական և հոգեբանական գրոհների ներքո, շփման գծի հարակից հատվածներում գտնվող մեծ թվով բնակավայրեր կրակահերթերի, արկակոծության, տարբեր սպառնալիքների ներքո են։
«Ադրբեջանական կողմը Արցախի տարբեր բնակավայրերում բարձրախոսների միջոցով կոչեր և սպառնալիքներ է հնչեցնում մեր հայրենակիցների նկատմամբ, կոչ են անում թողել Արցախն ու հեռանալ, հակառակ դեպքում սպառնում են դա անել ուժի կիրառման միջոցով»,- ասաց ընդդիմադիր պատգամավորը։
Նա հիշեցրեց նաև, որ շուրջ 10 օր է պայթեցված է Հայաստանից Արցախ գնացող գազատարը, մեր հայրենակիցները գտնվում են բավականին ծանր վիճակում։
«Ըստ էության, Արցախում կա էներգետիկ ճգնաժամ։ Անկախ այն հանգամանքից, որ նշում են՝ բանակցում են գազատարը վերականգնելու ուղղությամբ, ադրբեջանցիները որևէ երաշխիք չեն տալիս, որ հետագայում նմանատիպ իրավիճակ չի ստեղծվի»,- ասաց Աբրահամյանը։
Նա ընդգծեց, որ բոլորիս համար ակնհայտ է, որ Ադրբեջանի նպատակը Արցախի հայաթափումն է, Արցախի՝ այս պահին հայկական վերահսկողության տակ գտնվող հատվածի նկատմամբ ամբողջությամբ օկուպացիայի իրականացումը։
«Սրան զուգահեռ՝ Հայաստանում իշխող ուժը ներկայացնող տարբեր քաղաքական գործիչներ հայտարարում են, որ իրենց համար քննարկելի է Արցախի հարցը Ադրբեջանի տարածքային ամբողջականության շրջանակներում կարգավորելու հարցը։ Սրանք պատահական սայթաքումներ չեն, սրանք պատահական հայտարարություններ չեն, սրանք բխում են նրանց պարագլխի՝ Փաշինյանի՝ հատկապես վերջին շրջանում հնչեցրած հայտարարության տրամաբանությունից»,- ասաց Տիգրան Աբրահամյանը, տեղեկացնում է Panorama.am-ը։
ПОСЛЕДНИЕ ОТ АВТОРА
-
2024-05-23 19:33
Министр обороны Армении Сурен Папикян 23 мая принял чрезвычайного и полномочного посла Бельгии в РА Эрика де Муйнка.
-
2024-05-23 19:31
В любом случае в переходном правительстве должно быть надпартийное управление, оно должно иметь в повестке 3 важных вопроса - внутренние, внешние и определенные будущие обязательства. Об этом заявил на встрече со специалистами сферы ИТ 23 мая предстоятель Тавушской епархии Армянской апостольской церкви, архиепископ Баграт Галстанян. По его словам, они встречаются со специалистами из разных областей и просят привлечь по 3 специалиста из каждой сферы - по их желанию и способностям.
-
2024-05-23 19:29
Сотрудники армянской авиакомпании «Fly Arna» (ЗАО «Национальные авиалинии Армении) бьют тревогу по поводу того, что после марта этого года, когда их уведомили о приостановке деятельности компании, они не получили зарплату, хотя им обещали в соответствии с законом за 2 последующих месяца выплатить зарплату и выходное пособие. Об этом пишет «Этк», передает NEWS.am.
-
2024-05-23 19:28
Ситуация в селе Киранц напряженная. Жители, чья недвижимость и земельные участки в результате «демаркации» перейдут врагу, сжигают и разрушают их, передает NEWS.am.