Ջերմուկում ընթանում է Հայկական ուռուցքաբանական ամենամյա 4-րդ կոնգրեսը
Ջերմուկում մեկնարկել է Վ․Ա․ Ֆանարջյանի անվան Ուռուցքաբանության ազգային կենտրոնի ամենամյա գիտագործնական միջոցառումը՝ Հայկական ուռուցքաբանական 4-րդ կոնգրեսը: 2024 թվականի կոնգրեսի խորագիրն է՝ «Հայկական ուռուցքաբանություն. ընթացիկ հաջողություններ և նոր մարտահրավերներ»:
Կոնգրեսի նպատակն է Հայաստանում քաղցկեղի դեմ պայքարի քաղաքականության և ռազմավարության քննարկումը, քաղցկեղի կանխարգելման, վաղ ախտորոշման, բուժման նոր մեթոդների և մոտեցումների ներկայացումը հայ և արտերկրյա ճանաչված մասնագետների մասնակցությամբ։
Իր ողջույնի խոսքում Ուռուցքաբանության ազգային կենտրոնի տնօրեն Նարեկ Մանուկյանն ասաց. «Վերջին 4 տարում գումարային վերցրած Հայաստանում ուռուցքային հիվանդություններից մահացությունը նվազել է 6,4 տոկոսով: Նման հաջողության հասել ենք երեք կարևոր օղակների քրտնաջան աշխատանքի արդյունքում: Դրանցից առաջինն ուռուցքաբաններն են, որոնք աշխարհի լավագույն կլինիկաներում վերապատրաստվելով հասել են այս արդյունքներին: Նման ցուցանիշների հասնելու գործում կարևոր դեր է ունեցել ՀՀ կառավարությունը՝ ի դեմս առողջապահության նախարարության, երբ 2019-ից պետպատվերի շրջանակներում սկսեց կատարվել հաստատում ունեցող չարորակ ուռուցքների վիրահատությունը, ճառագայթային բուժումը, իսկ դեղորայքային բուժումը սկսեց կատարվել համավճարի սկզբունքով: Պացիենտներն իմանալով, որ բուժումը գրեթե անվճար է, սկսեցին կարիքի դեպքում ավելի հաճախ դիմել ուռուցքաբաններին: Սա բերեց վիրահատությունների, ճառագայթային բուժման կուրսերի կտրուկ ավելացման:
Հաջորդ օղակը, որ բերել է այս արդյունքներին, դա մեծ բուժհաստատությունների կողմից ուռուցքաբանությանն ավելի շատ ուշադրություն դարձնելն է»:
Նա հավելեց, որ Ջերմուկն ընտրվել է որպես կոնգրեսի անցկացման վայր, քանի որ սրանով ցանկացել են ասել՝ մենք մուր կանգնած ենք մեր հողի վրա, մենք չենք գնում, մենք այստեղ ենք և կլինենք մեր սիրելի Ջերմուկում:
Զեկույցներով հանդես կգան ավելի քան 50 մասնակիցներ՝ Հայաստանից, Ռուսաստանից, ԱՄՆ-ից, Մեքսիկայից, Եվրոպայից, Հնդկաստանից, Արգենտինայից, Վրաստանից և Իրանից:
Ներկա կլինեն ավելի քան 300 պատվիրականեր` ՀՀ առողջապահության նախարարության, Երևանի պետական բժշկական համալսարանի և Առողջապահության ազգային ինստիտուտի ներկայացուցիչներ, հանրապետության ԲԿ-ների ղեկավարներ, տարբեր մասնագիտացման բժիշկ-ուռուցքաբաններ, հարակից մասնագիտացումներով բժիշկներ, հանրային առողջապահության մասնագետներ, ազգային առողջապահական ծրագրեր իրականացնողներ, գիտահետազոտական աշխատանքով զբաղվող մասնագետներ և այլն:
Ավանդույթի համաձայն` 2024 Հայկական ուռուցքաբանական կոնգրեսի լավագույն 3 հայաստանյան զեկուցողները կստանան գիտաթոշակ: Դրա գումարը չի տրվի հաղթողներին առձեռն, այն կամրագրվի և կտրամադրվի բացառապես հետագա գիտական առաջխաղացման նպատակով՝ բարձր վարկանիշով գիտական հանդեսներում տպագրվելու, արտերկրում գիտաժողովներին և թրեյնինգներին մասնակցության վճարը հոգալու և այլնի համար։
News.am
ПОСЛЕДНИЕ ОТ АВТОРА
-
2024-04-27 14:59
Глава Тавушской епархии Армянской апостольской церкви, архиепископ Баграт Галстанян, говоря о акциях неповиновения, проходящих в последние дни близ села Киранц, а также о процессе делимитации госграницы между Арменией и Азербайджаном в Тавуше, призвал граждан Армении законными способами выразить свой протест.
-
2024-04-27 14:54
Вчера ночью неизвестные на автомобиле с тонированными стеклами, без номеров, вероятно, позже в сопровождении губернатора области и других чиновников, тайно приехали, проникли на «подлежащие сдаче территории» и совершили какие-то неизвестные действия. Об этом в беседе с журналистами заявил предстоятель Тавушской епархии, архиепископ Баграт Галстанян.
-
2024-04-27 14:49
Власть, которая в 2018 году прославляла, восхваляла и поощряла выход на улицы и присоединение к политическому шествию некоторых солдат миротворческой бригады, сегодня говорит о недопустимости этого. Об этом на своей странице в Facebook написал депутат Национального собрания Армении Тигран Абрамян.
-
2024-04-27 14:15
Россия выступает за продолжение контактов между Баку и Ереваном, они необходимы для полной разрядки и урегулирования спорных вопросов, сообщил пресс-секретарь президента России Дмитрий Песков, передает РИА Новости.