2024-04-17 19:48
Информагентства
0
Իսրայելի հնարավոր հարվածի ֆոնին ԻՀՊԿ սպաները լքում են Սիրիայի տարածքը
Իսրայելի կողմից հարված հասցնելու սպառնալիքի պատճառով Իրանի Իսլամական հեղափոխության պահապանների կորպուսի (ԻՀՊԿ) հրամանատարությունը սպաների մի մասին դուրս է բերել Սիրիայից։ Տեղեկությունը հայտնում է «The Wall Street Journal» թերթը՝ հղում անելով սեփական աղբյուրներին:
Լրատվամիջոցի տվյալներով ՝ Սիրիայում կմնան միջին օղակի սպաները, բայց նրանք, անվտանգության նկատառումներից ելնելով, կտեղափոխվեն:
«Թեհրանը նաև սկսել է անձնակազմին դուրս բերել Սիրիայի այն օբյեկտներից, որտեղ մեծ ներկայություն ունի Իսլամական հեղափոխության պահապանների կորպուսը», - պարբերականին հայտնել են սիրիացի և իրանցի պաշտոնյաներն ու խորհրդականները:
Սիրիայի անվտանգության ծառայության ներկայացուցիչները «Wall Street Journal»-ին հայտնել են, որ ԻՀՊԿ-ն և լիբանանյան «Հզբոլլահ» խմբավորումը կրճատել են իրենց բարձրաստիճան սպաների ներկայությունը Սիրիայում:
Թերթը նշում է, որ Սիրիայում իրանական օբյեկտների վրա հարձակումը Իսրայելին թույլ կտա «վրեժխնդրության հարված» հասցնել` միաժամանակ խուսափելով տարածաշրջանում լայնամասշտաբ պատերազմից։ Արաբ պաշտոնյաները պարբերականին հայտնել են, որ Իսրայելը նախքան Իրանի դեմ պատասխան քայլեր ձեռնարկելը հավանաբար կզգուշացնի արաբական երկրների իր տարածաշրջանային դաշնակիցներին:
Հիշեցնենք` Իրանը ապրիլի 14–ի գիշերը կամիկաձե դրոններով հարձակվեց Իսրայելի վրա։ Ավելի ուշ հայտնի դարձավ, որ նաև բալիստիկ և թևավոր հրթիռներ են արձակվել։
Իրանը հայտարարեց, որ հարձակումը Դամասկոսում Իրանի դիվանագիտական օբյեկտների դեմ արված ագրեսիայի պատասխանն է և հիմնված է ՄԱԿ-ի կանոնադրության 51-րդ հոդվածի վրա։
Իսրայելը հայտարարել է, որ կպատասխանի Իրանի հարձակմանը։
Sputnik Արմենիա
ПОСЛЕДНИЕ ОТ АВТОРА
-
New2024-05-01 14:33Всеармянский совет дипломатов распространил заявление в поддержку движения «Тавуш во имя Родины». В заявлении говорится:
-
New2024-05-01 14:06Тавушская епархия Армянской Апостольской церкви потребовала от члена "Гражданского договора" Вазгена Манукяна публичных извинений из-за его высказываний в адрес архиепископа Баграта Галстаняна. Об этом сам Манукян сообщил в соцсети.
-
New2024-05-01 14:04Армения и Иран планируют углубить сотрудничество в авиационной сфере. Более того, в Тегеране ждут представителей армянской авиации для изучения иранского опыта на месте.
-
New2024-05-01 14:01В Ереване 1 мая проходит учредительный съезд новосозданной партии «Новая сила». С приветственным словом на съезде выступил бывший мэр Еревана Айк Марутян, который и возглавит партию.
