Էրդողանը պարտվեց Ստամբուլում և Անկարայում
Թուրքիայի նախագահ Ռեջեփ Թայիփ Էրդողանը հայտարարել է տեղական ինքնակառավարման մարմինների ընտրություններում հաղթանակի մասին, սակայն առանցքային քաղաքներում ընդդիմության հաջողությունը զգալի վնաս է հասցրել «Արդարություն և զարգացում» կուսակցության գերիշխանությանը: Ոչ պաշտոնական արդյունքներով՝ իշխող կուսակցությունը կորցրել է Անկարան, իսկ Թուրքիայի ընտրական հանձնաժողովի նախագահը հայտարարել է, որ ընդդիմությունն առաջին տեղում է Ստամբուլում, հայտնում է AP-ն:
Մարտի 31-ի ՏԻՄ ընտրությունները դիտարկվում էին որպես Էրդողանին աջակցության փորձարկում, քանի որ 81 մլն բնակչությամբ երկիրը բախվում է երկնիշ ինֆլյացիայով վիթխարի տնտեսական անկման, սննդամթերքի գնաճի և գործազրկության բարձր մակարդակի հետ: Ձայների հաշվարկը դեռևս շարունակվում է՝ Թուրքիայի խոշորագույն քաղաք և առևտրային կենտրոն Ստամբուլում արդյունքների տագնապալի սպասմամբ: Երկու թեկնածուներն էլ՝ աշխարհիկ Ժողովրդադեմոկրատական կուսակցությունից Էքրեմ Իմամօղլուն և իշխող կուսակցությունից երկրի նախկին վարչապետ Բինալի Յըլդըրըմը հայտարարել են հաղթելու մասին:
Ընտրական հանձնաժողովի ղեկավար Սադի Գուվենն ասել է, որ ձայների հաշվարկը դեռևս չի ավարտվել և առարկությունների վրա ուշադրություն են դարձնում: Նրա խոսքով՝ Իմամօղլուն մոտ ժամը 07:00-ի դրությամբ ձայների հաշվարկով առաջինն էր:
Անկարայի քաղաքապետի պաշտոնի մրցապայքարում հաղթած հիմնական ընդդիմադիր կուսակցությունը նշանավորում է խորհրդանշական տեղաշարժ: Մայրաքաղաքը պահում էր Էրդողանի և նրա նախորդի «Արդարություն և զարգացում» կուսակցությունը, որը 25 տարի իսլամի կողմնորոշվածություն ունի:
Ոչ պաշտոնական արդյունքները, որոնց մասին հայտնում է «Անադոլուն», ցույց են տվել, որ Ժողովրդահանրապետական կուսակցության թեկնածու Մանսուր Յավասը Անկարայում առաջին տեղն է զբաղեցրել: Ընդ որում՝ «Արդարություն և զարգացում» կուսակցությունը, ինչպես նախկինում, տիրապետում է Անկարայի 25 շրջաներից մեծ մասում:
Կառավարությունը Յավասի ու նրա կուսակցության դեմ թշնամական արշավ է անցկացրել՝ նրան մեղադրելով կեղծման և հարկերի վճարումից խուսափելու մեջ:
ՏԻՄ ընտրություններին իրավունք ունեին մասնակցելու 57 միլիոնից ավելի ընտրողներ: Մեծ քաղաքներում ընտրողները քվեարկում են 4 քվեաթերթիկով՝ մայրաքաղաքի քաղաքապետ, շրջանի և համայնքային ժողովի ու շրջանային վարչակազմի ղեկավար ընտրելու համար:
Չնայած անհաջողությանը, Էրդողանի իշխող կուսակցությունը և դաշնակից ազգայնական կուսակցությունը աբողջ Թուրքիայում ստացել են ձայների կեսից ավելին:
Անկարայում կուսակցության շտաբի պատշգամբից ելույթ ունենալով՝ Էրդողանը հայտարարել է, որ ԱԶ կուսակցությունը և նրա դաշնակիցները հաղթել են: Նա նշել է, որ կուսակցությունը կաշխատի, որ հասկանա իրավիճակն ու ուղղի այնտեղ, որտեղ պարտություն է կրել:
Եվրոպական խորհրդի դիտորդական առաքելության ղեկավար Էնդրյու Դոուսոնը հայտարարել է, որ իրենք «լիովին համոզված չեն, որ ներկայումս Թուրքիայում գոյություն ունի ազատ և արդարացի ընտրական միջավայր, որն անհրաժեշտ է եվոպական արժեքներին ու սկզբունքներին համապատասխանող իրապես ժողովրդավարական ընտրությունների համար»: Նա շնորհակալություն է հայտնել թուրք հանրությանը բարձր՝ 84 տոկոս մասնակցության համար և սա անվանել է «առողջ ժողովրդավարական հետաքրքրության ու իրազեկվածության նշան»:
Գերազանցապես քրդերով բնակեցված նահանգներում քրդամետ կուսակցությունը հաղթել է քաղաքապետի 7 պաշտոնում, բայց ԱԶԿ-ին պարտվել է շրջաններում՝ այդ թվում կորցնելով Սիրնաք հարավարևելյան նահանգը:
Թուրքիայի կառավարությունը 2016 թվականից 95 ընտրված ՏԻՄ, նահանգային կամ շրջանային քաղաքապետերին իշխանությունների ներկայացուցիչներով էր փոխարինել քուրդ գրոհայինների հետ ենթադրյալ կապերի պատճառով Ժողովրդադեմոկրատական կուսակցության դեմ բռնաճնշումների շրջանակում:
ԺԴԿ-ն երդվել էր դրանք վերադարձնել: Արդյունքում նրան հաջողվել է վերցնել քրդերի խորհրդանշական մայրաքաղաք Դիարբեքիրի քաղաքապետի պաշտոնը: Կառավարական պաշտոնյաները նախկինում սպառնում էին, որ արդյունքները չեն ճանաչի, եթե հաղթեն «ահաբեկչական» կապերով ԺԴԿ թեկնածուները:
Եվրոպական խորհուրդը ընդունել է անվտանգության վերաբերյալ Թուրքիայի մտահոգությունը, բայց հայտարարել է, որ Անկարայի ահաբեկչության սահմանումը չի համապատասխանում եվրոպական ստանդարտներին: Դոուսոնը թուրքական կառավարությանը կոչ է արել հարգել ընտրությունների արդյունքները. «Մենք չենք ընդունում այն պնդումները, որ ԺԴԿ-ից յուրաքանչյուր քաղաքապետ ահաբեկիչ է կամ կարող է այդպիսին լինել, կամ ահաբեկչության հետ կապեր ունի»:
Աշխարհիկ ընդդիմությունը զգալի հաջողությունների է հասել նաև Միջերկրական ծովի նահանգներում, այդ թվում՝ ազգայնականներից «խլել» է Ադանան և իշխող կուսակցությունից՝ հանգստավայրային քաղաք Անթալիան: Նա պահպանել է վերահսկողությունը նաև Իզմիրում, որը մեծությամբ Թուրքիայի երրորդ քաղաքն է: Եթե Ստամբուլում հաղթի Իմամօղլուն, ընդդիմությունը կղեկավարի 3 ամենախիտ բնակեցված քաղաքներում:
Քրդամետ կուսակցության ռազմավարական որոշումը՝ խոշոր քաղաքներում կրիտիկական մրցավազք անցկացնելու մասին, հնարավոր է, նպաստել է ԺՀԿ ձայների աճին:
Թուրքիան կունենա նաև առաջին կոմունիստ քաղաքապետը Թունջելի արևելյան նահանգում:
Քաղաքական կուսակցությունները կարող են արդյունքները բողոքարկել 3 օրվա ընթացքում:
ПОСЛЕДНИЕ ОТ АВТОРА
-
2024-05-11 14:56
В Алматы завершились переговоры между министрами иностранных дел Армении и Азербайджана - Араратом Мирзояном и Джейхуном Байрамовым, передает Sputnik Армения.
-
2024-05-11 14:24
Представители омбудсмена Армении выехали в отделения полиции, чтобы навестить подвергнутых приводу граждан и на месте ознакомиться с тем, как обеспечиваются их прав.
-
2024-05-11 14:20
Николу придется ответить за сдачу земель, на которых лежит кровью наших парней. Об этом в беседе с журналистами 11 мая заявила мать пропавшего без вести военнослужащего Гоар Давтян, которая также присоединилась к мирной акции неповиновения и закрыла мост Победы в Ереване, передает NEWS.am.
-
2024-05-11 14:15
Задержанного в России лидера партии "Альянс" и бывшего депутата Тиграна Уриханяна уже отпустили, сообщает газета "Грапарак", передает Sputnik Армения. Ранее блогер Вардан Гукасян (более известный как "Дог") утром сообщил, что Уриханяна задержали в России по просьбе армянской стороны.