2019-05-13 15:43
Информагентства
0
ՄԵԿՆԱՐԿԵՑ ՌՈԲԵՐՏ ՔՈՉԱՐՅԱՆԻ և ՄՅՈՒՍՆԵՐԻ ԳՈՐԾՈՎ ԱՌԱՋԻՆ ԴՌՆԲԱՑ ԴԱՏԱԿԱՆ ՆԻՍՏԸ (ՈՒՂԻՂ ԵԹԵՐ)
Երևանի ընդհանուր իրավասության դատարանի Ավան և Նոր Նորք վարչական շրջանների նստավայրում, դատավոր Դավիթ Գրիգորյանի նախագահությամբ այսօր՝ մայիսի 13–ին մեկնարկեց ՀՀ երկրորդ նախագահ Ռոբերտ Քոչարյանի և մյուս նախկին պաշտոնյաների գործով առաջին դռնբաց դատական նիստը։
Ռոբերտ Քոչարյանի հետ մեղադրյալի կարգավիճակում են նախկին փոխվարչապետ Արմեն Գևորգյանը, ՀԱՊԿ նախկին գլխավոր քարտուղար Յուրի Խաչատուրովը, պաշտպանության նախկին նախարար Սեյրան Օհանյանը։
Դատական նիստին մասնակցում է Ռոբերտ Քոչարյանը: Դատարանի դահլիճում են նրա աջակիցները, այդ թվում որդին՝ Լևոն Քոչարյանը:
Ռոբերտ Քոչարյանին դահլիճում գտնվողները դիմավորեցին ծափահարություններով և «ազատություն» վանկարկումով:
Մեղադրանքը ներկայացնում են Երևան քաղաքի դատախազ Գևորգ Բաղդասարյանը և Պետրոս Պետրոսյանը: Դատարանը 10 րոպե ընդմիջել է նիստը, դատախազների ներկայությունը ապահովելու համար, ինչպես նաև դատավորը կարգադրեց դատական կարգադրիչներին լուծել ձայնի խնդիրը, որովհետև լսելի չէ դատաքննության մասնակիցների խոսքը:
Քրեական գործը, որի շրջանակներում մեղադրանք է առաջադրվել չորս նախկին պաշտոնյաներին, վերաբերվում է 2008 թվականի մարտի 1-ից 2-ն ընկած ժամանակահատվածին, ավելի կոնկրետ՝ Հայաստանի Հանրապետության Սահմանադրական կարգը բռնությամբ տապալելու դեպքին։ Հատուկ քննչական ծառայությունում քրեական գործը հարուցվել է նախորդ տարվա հուլիսի 3-ին։
Այս գործով ներկայումս կալանքի տակ է միայն Ռոբերտ Քոչարյանը։
Արմեն Գևորգյանի և Սեյրան Օհանյանի նկատմամբ, որպես խափանման միջոց է ընտրված՝ չհեռանալու մասին ստորագրությունը, իսկ Յուրի Խաչատուրովի նկատմամբ՝ գրավը։
Նշենք, որ այսօրվա դատական նիստին դատավորը պետք է անդրադառնա ամբաստանյալների խափանման միջոցի հարցին և Ռոբերտ Քոչարյանի նկատմամբ ընտրված խափանման միջոց կալանքը փոփոխելու, վերացնելու կամ անփոփոխ թողնելու վերաբերյալ որոշում կայացնի: Նախկինում նման որոշում դատավորը կայացնում էր դատաքննություն նշանակելիս՝ միանձնյա. սակայն Սահմանադրական դատարանը հակասահմանադրական է ճանաչել այս դրույթը: Այժմ այն քննվելու է դռնբաց՝ դատավարության մասնակիցների մասնակցությամբ։
Այսպես. համաձայն մեղադրական եզրակացության՝ Ռոբերտ Քոչարյանը 1998թ․ ապրիլի 9-ից մինչև 2008 թվականի ապրիլի 9-ը զբաղեցնելով ՀՀ Նախագահի պաշտոնը, տապալել է ՀՀ սահմանադրական կարգը, ինչպես նաև իր պաշտոնեական դիրքն օգտագործելով «Թի Էս Էս Սի Արմենիա» ՍՊ ընկերության միակ մասնակից և տնօրեն Սիլվա Համբարձումյանի օգտին գործողություններ կատարելուն նպաստելու, 2008 թվականի փետրվարին և մայիսին Սամվել Մայրապետյանի օժանդակությամբ նրանից ստացել է առանձնապես խոշոր չափերով՝ 927․000․000 ՀՀ դրամին համարժեք 3․000․000 ԱՄՆ դոլար կաշառք։
Սեյրան Օհանյանին մեղադրանք է առաջադրվել այն բանի համար, որ նա 2008 թվականին հանդիսանալով Հայաստանի Հանրապետության պաշտպանության նախարարության Զինված ուժերի գլխավոր շտաբի պետը, այլ անձանց հետ հանցակցությամբ, տապալել է ՀՀ սահմանադրական կարգը։
Ըստ մեղադրանքի՝ Յուրի Խաչատուրովը 2008 թվականին հանդիսանալով Հայաստանի Հանրապետության պաշտպանության նախարարի տեղակալը-Երևանի կայազորի պետը, այլ անձանց հետ հանցակցությամբ, տապալել է սահմանադրական կարգը։
Արմեն Գևորգյանին մեղադրանք է առաջադրվել այն բանի համար, որ նա, 2006 թվականի փետրվարից մինչև 2008 թվականի ապրիլի 21-ը զբաղեցնելով ՀՀ Նախագահի աշխատակազմի ղեկավարի և Ազգային անվտանգության խորհրդի քարտուղարի պաշտոնները, օգտագործելով իր պաշտոնեական դիրքը, խոչընդոտներ վերացնելու և ցուցումներ տալու եղանակով օժանդակել է ՀՀ Նախագահ Ռոբերտ Քոչարյանին՝ տապալելու ՀՀ սահմանադրական կարգը։ Բացի այդ, Արմեն Գևորգյանը, Սիլվա Համբարձումյանի օգտին գործողություններ կատարելուն նպաստելու համար, 2008թ․ ապրիլին Սամվել Մայրապետյանի օժանդակությամբ նրանից ստացել է առանձնապես խոշոր չափերով՝ 309․000․000 ՀՀ դրամին համարժեք 1․000․000 ԱՄՆ դոլար կաշառք, ինչպես նաև նույն ժամանակ թաքցնելով ու խեղաթյուրելով նշված գումարի իրական բնույթն ու ծագումը՝ օրինականացրել է առանձնապես խոշոր չափերով հանցավոր ճանապարհով ստացված եկամուտները։
ПОСЛЕДНИЕ ОТ АВТОРА
-
New2024-05-17 06:09Карьера Винсента Ван Гога в качестве художника была относительно недолгой – всего десять лет. За это время трудолюбивый и вдумчивый мастер создал около 2 тысяч различных произведений (картины, наброски) и разработал свой уникальный стиль. Среди его самых известных работ – «Звездная ночь». Постимпрессионист написал образ ночного неба в 1889 году. Ныне это общепризнанный шедевр, но сам Ван Гог считал работу неудачной, а его брат Тео решил, что стиль в произведении превалирует над содержанием. Сейчас полотно выставлено в Музее современного искусства (MoMA) в Нью-Йорке, который выкупил его у частного коллекционера в 1941 году.
-
New2024-05-17 05:35Секретность и действия втайне от общественности стали для этого правительства заветной ценностью. Только так они могут быть неподотчетными, могут тайно реализовывать незаконные решения, связанные с государственной границей и безопасностью границ, а затем прикрывать решения, основанные на собственных политических интересах, выдуманными «законными основаниями». Об этом на своей странице в Facebook написал бывший омбудсмен Армении Арман Татоян.
-
New2024-05-17 05:27Российский рынок, о котором мечтают США и Европа, сегодня открыт для Армении, поэтому непонятно, почему наша страна должна отказаться от него. Об этом в беседе со Sputnik Армения заявил руководитель исследовательского центра "Альтернатива" Татул МАНАСЕРЯН, комментируя политические заявления о выходе Армении из ЕАЭС.
-
New2024-05-17 05:20Сроки ареста всех незаконно удерживаемых в Баку восьмерых военных и политических деятелей Арцаха на этот раз продлены на пять месяцев. Сначала был продлён арест Аркадия Гукасяна, затем – других шести деятелей, а сегодня – Рубена Варданяна. Представитель военнопленных в Европейском суде по правам человека, президент Центра по международному и сравнительному праву Сирануш СААКЯН ответила на вопросы Новости Армении - NEWS.am.
