Последние новости
2019-05-18 15:18
0

«Մեկ Հայաստան» ցենտրիստական կուսակցությունն այսօր հիմնադիր համագումար անցկացրեց

0
Telegram

Համագումարին մասնակցում էին «Բարգավաճ Հայաստան» խմբակցության պատգամավորներ Գևորգ Պետրոսյանը, Արման Աբովյանը, ՀՀԿ-ական նախկին պատգամավոր Արմեն Աշոտյանը և այլ հրավիրվածներ:

Կուսակցության հիմնադիրներից քաղաքագետ Արթուր Ղազինյանը նշեց, որ կուսակցության ստեղծման նպատակն է խթանել Հայաստանում ժողովրդավարական քաղաքական համակարգի կայացումը և նպաստել քաղաքացիական նոր մշակույթի և պետականամետ մտածողության արմատավորմանը:

«Հայաստանի 3-րդ Հանրապետությունը ապրում է իր պատմության ամենակարևոր և վճռորոշ շրջանը, քանզի մեր հայրենիքում տեղի են ունեցել և շարունակում են ընթանալ այնպիսի իրադարձություններ, որոնք ի զորու են փոխել մեր պետության ընթացքը: Կարող ենք շարժվել մի ուղղությամբ և ունենալ ուժեղ պետություն, պետականություն, պետական և ազգային ինստիտուտներ, ամրացնել և կենսունակություն հաղորդել ազգային ինքնության հիմքերին կամ կարող ենք շարժվել մեկ այլ ուղղությամբ և, վերջին հաշվով, հասկանալ՝ ՀՀ-ն որպես ինքնիշխան, իրավական, ժողովրդավարական սոցիալական պետություն, արդյոք կկարողանա՞ դիմագրավել մարտահրավերներին: Մարտահրավերները ընթանում են ինչպես ներսում, այնպես էլ դրսում: Հայաստանի շուրջ ընթանում են ռեգիոնալ և աշխարհաքաղաքական բավականին բարդ գործընթացներ»,-նշեց նա:

Արթուր Ղազինյանը շեշտեց, որ նախորդ իշխանություններին կարելի է անվերջ քննադատել, մեղադրել բոլոր դժվարություններում և դրա վրա ձևավորել, հասունացնել քաղաքական կապիտալ, սակայն պետք է ընդունել, որ այդ քաղաքական կապիտալը նմանվում է ավազի, որն անընդհատ հոսում է:

«Դա ցեմենտավորված ու ամրապնդված չէ ապագային միտված կառուցողական քաղաքականությամբ: Չի խոսվել, չի ասվել, թե ինչ են պատրաստվում անել, այլ բացառապես քննադատել և մեղադրել նախկին իշխանություններին... գիտեք՝ Հայաստանում «ընդդեմ» գաղափարախոսությունն ունենում է բավական մեծ թվով աջակիցներ՝ ի տարբերություն «հանուն» գաղափարախոսության: Մենք փորձ արեցինք ձևավորել մի իրողություն, որտեղ քաղաքականությամբ կզբաղվեն իրենց ոլորտներում հաջողված, ճանաչված, հարգված մարդիկ»,-նկատեց նա:

Արթուր Ղազինյանն ասաց, որ որպես ցենտրիզմի առաջադիմական սկզբունքներով առաջնորդվող կուսակցություն՝ մերժում են գաղափարախոսական բևեռացվածությունը, արմատականությունն ու ծայրահեղականությունը, քաղաքական պայքարի հակամարտային ձևերը, և հանդես են գալիս հօգուտ քաղաքական դաշտում գաղափարախոսական չափավորության, համագործակցային և փոխհամաձայնողական մշակույթի արմատավորման, տեղեկացնում է armeniasputnik.am-ը:

Основная тема:
Հիմնադիր համագումար

Теги:
կուսակցություններ Համագումար

Интерактивный тур

    ПОСЛЕДНИЕ ОТ АВТОРА



    Радио Аврора

    Интерактивный тур

    Migration Resource Centers

    ПОСЛЕДНЕЕ ПО ТЕМЕ

    • ԱՐՄԱՏԱԿԱՆ ՔԱՅԼԵՐ ԵՎ ԲՈՅԿՈՏ…
      2022-01-18 20:26

      Վանաձորում քննարկում են հետագա գործողությունները… Վանաձորում դեկտեմբերի 5-ի ընտրությունների արդյունքներով ձևավորված ավագանու «Հայրենիք» խմբակցության ղեկավար Վահե Դոխոյանն օրերս բնորոշեց քաղաքում տիրող իրավիճակը որպես պայթյունավտանգ, չբացառելով, որ ընդդիմությունը՝ զանգվածների աջակցությամբ, «արմատական քայլեր» կձեռնարկի:

    • ՀԻՄԱՐՈՒԹՅԱՆ ՉԵԶՈՔԱՑՄԱՆ ՕՐԵՆՔԸ
      2019-06-11 13:34

      Ո՞րն է վարչապետի հաջողության գաղտնիքը։ Բնավ ոչ միայն այն հանճարեղ բանաձևը, որ ներկա գտնվողներին տարակուսանքի մեջ գցելով՝ նա հնչեցրեց Պետերբուրգի միջազգային տնտեսական ֆորումում իր ելույթի ժամանակ, հայտարարելով, որ եթե բոլորը դժգոհ են, պետք է անել այնպես, որ բոլորը գոհ լինեն։

    • Խորհրդարանական ընդդիմությունը կարողացավ հրավիրել արտահերթ նիստ
      2019-05-21 12:33

      Ազգային ժողովի արտահերթ նիստ հրավիրելու պահանջով ԱԺ «Լուսավոր Հայաստան» խմբակցությունը խմբակցության նախաձեռնած ստորագրահավաքին միացել են նաև Բարգավաճ Հայաստան խմբակցության 18 պատգամավորներ։ Այս մասին NEWS.am–ին հայտնեց «Լուսավոր Հայաստան» կուսակցության մամուլի խոսնակ Արեն Պետունցը։

    • «ՀԱԿԱՀԵՂԱՓՈԽԱԿԱՆ», ԲԱՅՑ ՍԱՀՄԱՆԱԴՐԱԿԱՆ ՕՐԵՆՔ
      2019-04-25 20:29

      Հայաստանում իրադարձություններն այնքան ուրախ են ծավալվում, որ շատերը հավանաբար արդեն մոռացել են 2018 թվականի հոկտեմբերի 2-ը։ Մինչդեռ դա Նիկոլ Փաշինյանի հերթական հաղթանակի բավական նշանակալի տարեթիվն է։