2019-06-28 07:14
Марина МКРТЧЯН
0
ԻՆՉԻ՞ ՄԱՍԻՆ Է ԼՌՈՒՄ ՆԱԽԱԳԱՀԸ
Երկրի ամենաբարձր ամբիոնից հնչում են հայտարարություններ, որոնք ոտնահարում են ՍԴ նախագահի իրավունքները, իսկ նախագահ Արմեն Սարգսյանը, որը, համաձայն 123 հոդվածի 2-րդ կետի, պարտավոր է հետևել Սահմանադրության պահպանմանը, լռում է, ասես այդպես էլ պետք է լինի։ Տպավորություն է ստեղծվում, թե նախագահը ինչ-որ պատճառներով որոշել է չմիջամտել իր իսկ գործերին։
Երբ Փաշինյանը կոչ արեց արգելափակել դատարանների շենքերը և անձամբ մասնակցեց ակցիաներից մեկին, նախագահը սահմանափակվեց ոչինչ չնշանակող հայտարարությամբ։ Համաձայն հիշատակված հոդվածի 3-րդ կետի, «Հանրապետության նախագահն իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով»։ Ներեցեք, ինչ-որ չի երևում…
Նախագահը լռում է ի պատասխան «Երկիր ծիրանի» կուսակցության առաջնորդ Զարուհի Փոստանջյանի կշտամբանքի՝ այն առիթով, որ չունի Մեծ Բրիտանիայի քաղաքացիությունից հրաժարվելու ժամկետները հաստատող փաստաթուղթ։ Նա լռեց նաև Վահե Գրիգորյանի կշտամբանքից հետո, որը նախագահին հայտարարեց ոչ լեգիտիմ։ Ճիշտ է, այդ ժամանակ Սարգսյանն այնուամենայնիվ բարեհաճեց բացատրել, որ առաջադրել է նրա թեկնածությունը, որպեսզի չձգձգի գործընթացը, իմանալով խորհրդարանական մեծամասնության տրամադրությունների մասին։ Հանուն դրա արժե՞ր գնալ օրենքի բացահայտ խախտման, որը ՍԴ դատավորի պաշտոնում թեկնածության մերժման դեպքում նախատեսում է ՆՈՐ թեկնածուի առաջադրում։ Այն մասին, որ Գրիգորյանը չէր կարող համարվել նոր թեկնածու՝ երկրորդ անգամ առաջադրվելուց հետո, միաձայն հայտարարեցին բոլոր անվանի իրավաբանները։ Սարգսյանը կրկին լռեց։
Նախագահը լռեց 2018թ. հոկտեմբերի 2-ին, երբ գործադիր իշխանության ղեկավարը կոչ արեց պաշարել խորհրդարանը, իսկ այնուհետ նա իրեն թույլ չտվեց ստորագրել խորհրդարանի կանոնակարգում շտկումներ նախատեսող բացարձակ անվնաս օրենքը և փաստաթուղթն ուղարկեց ՍԴ, որտեղից, ինչպեսև պետք էր սպասել, եկավ որոշումը ՀՀ Սահմանադրությանը խորհրդարանի ընդունած օրենքի համապատասխանության մասին։ Նախագահն անտեսեց ոչ միայն «տխմարագույն ճառերի» վերաբերյալ Գրիգորյանի մակդիրները, այլև բազմիցս հնչած մեղադրանքները, թե նախագահի պաշտոնում լուծում է իր անձնական խնդիրները, օգտագործելով համաշխարհային խաղացողների ակումբ իր ելումուտի հնարավորությունը։
Նա լռեց նաև «Ազգային անվտանգություն» կուսակցության առաջնորդ Գառնիկ Իսագուլյանի այն հրապարակային հայտարարությունից հետո, թե «արժե, որ Վազգեն Սարգսյանը մի անգամ էլ ապտակեր, ու թող նորից գնա իր Անգլիան»։ Հիշեցնեմ, որ մինչ նախագահի պաշտոնում ընտրվելը Արմեն Սարգսյանը հավաստիացնում էր, թե ոչ մի ապտակ չի եղել…
Նախագահի լռությունը կարելի է տարբեր կերպ մեկնաբանել. ոմանք արդեն հայտարարել են, թե իբր՝ Սարգսյանը լռում է այն պատճառով, որ Փաշինյանը նրա դեմ կոմպրոմատ ունի և դա կապված է դարձյալ Մեծ Բրիտանիայի քաղաքացիությունից հրաժարվելու նույն չարաբաստիկ փաստաթղթի հետ։ Մյուսները նախագահի լռությունը բացատրում են մեծամտությամբ ու քննադատության հետ հաշվի նստելու ցանկության բացակայությամբ։ Սարգսյանը գիտի, որ քանի դեռ իր քաղաքական պահվածքը գոհացնում է վարչապետին, ինքը լիակատար անվտանգության մեջ է, բայց իրավիճակը կարող է փոխվել օրեցօր։
Եթե Լևոն Տեր-Պետրոսյանը որոշի վերադառնալ նախագահի պաշտոնին, ապա Սարգսյանը շատ շուտով կհայտնվի այնտեղ, որտեղից ժամանել է, այսինքն՝ մառախլապատ Ալբիոնում։ Գուցե այդժամ նա զղջա, որ լինելով նախագահի պաշտոնում, չասաց ամենագլխավորը. չէ՞ որ լռությունը բնավ ոչ միշտ է ոսկի, իսկ լռել, տեսնելով այն ամենը, ինչ այսօր կատարվում է երկրում, առհասարակ հավասարազոր է սեփական ժողովրդի և ժողովրդավարության դեմ հանցագործության։
Հենց որ նախագահի հասցեին քննադատությամբ հանդես գան խորհրդարանական մեծամասնության ներկայացուցիչները, կարելի է թեթև սրտով եզրակացնել, որ Լևոն Հակոբիչը հասունացել է և որոշել կրկին նստել նախագահի աթոռին։ Մի շարք նախանշաններով կարելի է ենթադրել, որ այդ օրը սարերի հետևում չէ, իսկ Գրիգորյանի արտահայտությունները լոկ առաջին զանգն էին։
ПОСЛЕДНИЕ ОТ АВТОРА
-
2024-05-11 10:48Специалист по международному праву адвокат Арам Орбелян указал на грубейшие нарушения Конституции в действиях Пашиняна и его правительства. В частности, правительство и человек на посту премьера не вправе сдавать территории в обход референдума, между тем Пашинян открытым текстом дает понять, что за 4 деревнями в Тавуше последует Тигранашен. У Орбеляна нет сомнений, что после Тигранашена речь пойдет о предоставлении так называемого Зангезурского коридора.
-
2024-05-09 10:10Дискредитация национальных ценностей в Армении началась сразу после захвата власти сектой в 2018 г. Такое мнение высказал политолог Степан Даниелян. По его словам, истинные ценности стали уничтожаться умышленно, одновременно в народе насаждали ложные представления, в том числе, об армянской семье.
-
2024-05-08 11:25В 1990 г. в Советском Союзе не было армянина, который не знал бы о 21-дневной голодовке народных депутатов СССР. Академику Виктору Амбарцумяну во время голодовки исполнилось 82 г. На 19-й день резко ухудшилось состояние журналиста Зория Балаяна, который незадолго до того перенес тяжелую операцию на сердце. В тот же день в Москву вылетел глава Армянской Апостольской Церкви Католикос Вазген Первый.
-
2024-05-08 10:49Пока длился начатый 4 мая поход главы церковной епархии Тавуша архиепископа Баграта Галстаняна из Тавуша в Ереван, политизированная публика окончательно убедилась в том, что он не может стать политическим лидером на долгую перспективу, так как имеет двойное гражданство. Закон также требует, чтобы кандидат на пост премьера жил в РА последние 4 года. Очевидно, что архиепископ не ставит перед собой задачу прийти к власти, он лишь консолидирует народ в борьбе против предательских планов правящего режима.
ПОСЛЕДНЕЕ ПО ТЕМЕ
-
2022-02-19 09:01Դադարը մոտենում է ավարտի՞ն Գեղարքունիքում իրենց դիրքերի գնդակոծման մասին ադրբեջանցիների ապատեղեկատվությունը չի կարելի գնահատել այլ կերպ, քան սադրանք և նախապատրաստություն նոր պատերազմի: Քաղաքագետներն արդեն նշում են ժամկետը. վաղ գարնանը։ Բացառված չէ, որ սողացող բռնազավթմանը փոխարինելու գան դիրքային մարտերը, որոնք կոչված են արագացնել խաղաղ պայմանագրի ստորագրումը՝ Ադրբեջանի տարածքային ամբողջականության ճանաչումով…
-
2021-11-09 10:53Կապիտուլյացիային գումարվեց օկուպացիան Կապիտուլյացիայի խայտառակ հայտարարության ստորագրումից մեկ տարի անց իշխանությունը դեռ չի լուծել ոչ մի խնդիր և չի կատարել ոչ մի խոստում։
-
2021-11-04 20:31«Պատգամավորը ներկայացնում է ամբողջ ժողովրդին...» ՀՀ Սահմանադրության 94-րդ հոդվածն ասում է. «Պատգամավորը ներկայացնում է ամբողջ ժողովրդին, կաշկանդված չէ հրամայական մանդատով, առաջնորդվում է իր խղճով և համոզմունքներով»: Դա նշանակում է, որ պատգամավորի նկատմամբ ցանկացած ֆիզիկական ոտնձգություն Հիմնական օրենքի բացահայտ խախտում է։
-
2021-10-13 08:54«Աբսոլյուտիզմը» կարագացնի միջկուսակցական բանակցությունները Երրորդ նախագահ, ՀՀԿ առաջնորդ Սերժ Սարգսյանի հայտարարությունն այն մասին, որ իշխանափոխության գործընթացը հաջողությամբ կպսակվի, եթե պայքարն ուղղված լինի այս իշխանությանը հեռացնելուն, այլ ոչ թե իշխանության գալուն, մնում է քաղաքական ուժերի ուշադրության կենտրոնում։ Իրավիճակը պահանջում է արտակարգ մոտեցումներ, միայն այդ դեպքում փողոցային պայքարի նոր ալիքը կհասնի նպատակին և հաջողությամբ կպսակվի։ Հունիսի 20-ի ընտրություններից հետո հասունացել է միասնական նպատակի շուրջ իրական ընդդիմությանը միավորելու կոնկրետ քայլերի անհրաժեշտություն։