ԸՆՏՐՈՒԹՅՈՒՆՆԵՐԻ ԱՐԴՅՈՒՆՔՆԵՐՈՎ՝ ՀԻՆԳԵՐՈՐԴ ՇԱՐԱՍՅՈՒՆԸ ԿՏԵՂԱՎՈՐՎԻ ԽՈՐՀՐԴԱՐԱՆՈՒՄ

Խորհրդարանում առաջադրվում են թուրքական ազդեցության գործակալները

Դատելով նրանից, թե ինչպես են կազմվում արտահերթ նախընտրական մրցավազքի մասնակից կուսակցությունների ցուցակները, հաջորդ գումարման խորհրդարանում մեծամասնությունը կպատկանի Ջորջ Սորոսին:

Արդեն հայտնի է, որ Փաշինյանի գլխավորած ցուցակում գերակշռելու են Բաց հասարակության հիմնադրամի հետևորդները, լավ կազմակերպված թուրքական գործակալական ցանցը խորհրդարան կանցնի ոչ միայն վարչապետի կուսակցության ցուցակով, այլև ապագա գրպանային ընդդիմության ցուցակներով: Իսկական ընդդիմություն, ըստ Փաշինյանի ծրագրերի, հաջորդ գումարման խորհրդարանում չի լինի, ինչպես որ չկա պատգամավորական կորպուսի ներկայիս կազմում։ 2021 թվականի հունիսյան թորվածքի հայոց խորհրդարանում լինելու է պարոն Սորոսի քաղաքական մեծամասնություն և պարոն Սորոսի ընդդիմություն:

Ապրիլի 23-ին «Էլիտ Պլազա» հյուրանոցում տեղի կունենա «Ինքնիշխան Հայաստան» կուսակցության հիմնադիր համագումարը՝ Պետական վերահսկողական ծառայության նախկին պետ Դավիթ Սանասարյանի նախագահությամբ: Հայտնի է, որ Սանասարյանը Հայաստանում Սորոսի հինգերորդ շարասյան առանցքային կերպարներից մեկն է։ Այդ շարասյան մյուս ներկայացուցիչը՝ Արման Բաբաջանյանը, ներկա գումարման խորհրդարան անցավ «Լուսավոր Հայաստան» կուսակցության ցուցակով, որից հետո լքեց խմբակցությունը և իբրև անկախ պատգամավոր հիմնեց սեփական կուսակցությունը՝ «Հանուն հանրապետության» անվանումով։

Այդ կուսակցությունների միջև արդեն բանակցություններ են ընթանում ընտրություններին համատեղ մասնակցելու շուրջ, բայց դա ամենևին էլ Սանասարյան-Բաբաջանյանի ծրագիրը չէ, դա նույնիսկ Փաշինյանի մտահղացումը չէ. դա Ջ.Սորոսի սցենարն է, որին թուրքական ծրագրերի վերջնական իրականացման համար անհրաժեշտ է սեփական խորհրդարանական մեծամասնություն, ինչպես նաև սեփական ընդդիմություն։ Այդ հանրության մի մասը խորհրդարան կանցնի Նիկոլ Փաշինյանի գլխավորած ցուցակով, մյուսները կանցնեն արտախորհրդարանական կուսակցությունների ցուցակներով, որոնց հետ դավաճան վարչապետն արդեն համապատասխան բանակցություններ է վարել։ Դրանք են՝ Բաբաջանյանի կուսակցությունը, Գուրգեն Արսենյանի Միավորված աշխատանքային կուսակցությունը, Սանասարյանի հիմնած կուսակցությունը, ինչպես նաև Արամ Զավենիչի «Հանրապետություն» կուսակցությունը, որը դեռ փորձում է ինչ-որ մեկին ապացուցել, թե ոչ մի կերպ կապված չէ այդ հանրության հետ։ Նախընտրական ցուցակների ձևավորման փուլում որպես խորհրդատու հանդես է գալիս Բաց հասարակության հիմնադրամի ղեկավար Լարիսա Մինասյանը:

Վճռորոշ խոսքը Անկարայինն է լինելու

Հաղորդակցության ուղիների, ռուսական ռազմական ներկայության, ինչպես նաև տնտեսական համագործակցության հեռանկարների հետ կապված խնդիրները ենթակա են օրենսդրական կարգավորման, խորհրդարանական մեծամասնության դերն այս համատեքստում կասկածից վեր է, ինչպեսև գրպանային ընդդիմության դերը:

Փաշինյանը պատրանք ունի, թե ինքը գնում է ընտրությունների, որպեսզի ձևավորի իր մեծամասնությունը, բայց այդ մեծամասնությունը նրան ենթարկվելու է լոկ ձևականորեն, իրականում դա լինելու է պարոն Սորոսի մեծամասնությունը, որը վերջնականապես ավարտին կհասցնի երկրի զավթման գործընթացը թուրք-սորոսական հինգերորդ շարասյան կողմից: Եթե հանկարծ ինչ-որ փուլում նոր խորհրդարանի շահերը հակասության մեջ մտնեն Փաշինյանի անձնական շահերի հետ, ապա վճռորոշ խոսքը կլինի Սորոսինը, այսինքն Անկարայինը։

Հունիսի 20-ի խորհրդարանական ընտրությունները կոչված են վերջակետ դնելու ազգային պետության պատմությանը։ Սորոսական մեծամասնությունը կսպասարկի Բաքվի և Անկարայի շահերը։ Ինչ վերաբերում է գումարին, որ ներդրել է Սորոսի հիմնադրամը արտահերթ նախընտրական քարոզարշավի նախապատրաստման գործում, կան տարբեր տեղեկություններ. ոմանք խոսում են մի քանի միլիոն գումարի մասին, մյուսները՝ տասնյակ միլիոնավոր կանաչ փողերի, ինչն ավելի մոտ է ճշմարտությանը. իրոք որ, հո հանաք բան չէ, երկիր են գնում՝ խորհրդարանական կառավարման համակարգով:

Основная тема:
Теги: