Հայաստանի ո՞ր հատվածներում +41 աստիճան կգրանցվի

Արաբական անապատներից արևադարձային տաք օդային հոսանքների ներթափանցման պատճառով մինչև հունիսի 28-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է նաև բարձր կարգի հրդեհավտանգ իրավիճակ: Տեղեկությունը հայտնում է ՀՀ արտակարգ իրավիճակների նախարարությունը։

Ըստ գերատեսչության հրապարակած աղյուսակի` այսօր +41 աստիճան կգրանցվի Արարատի, Արմավիրի, Վայոց Ձորի մարզերում։

Երևանում ցերեկային ժամերին օդի ջերմաստիճանը կտատանվի +40-ից +41–ի սահմանում, գիշերը կնվազի մինչև +23-ից +25։

Ուլտրամանուշակագույն ճառագայթման ինտենսիվությունը սպասվում է նորմայից բարձր։ Խորհուրդ է տրվում ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից, տեղեկացնում է Sputnik Armenia-ն։