Տաջիկստանում ՀԱՊԿ հատուկ նշանակության ուժերի մասնակցությամբ սկսվել են «Կոբալտ-2021» զորավարժությունները

Տաջիկստանում Հավաքական անվտանգության պայմանագրի կազմակերպության (ՀԱՊԿ) հատուկ նշանակության ուժերի մասնակցությամբ մեկնարկել են «Կոբալտ-2021» զորավարժությունները։ Այս մասին հայտնում է Կենտրոնական ռազմական օկրուգի մամուլի ծառայությունը, փոխանցում է ՏԱՍՍ-ը։

Նշվում է, որ Ռուսաստանի զինվորականները Հայաստանի, Բելառուսի, Ղազախստանի, Տաջիկստանի և Ղրղզստանի գործընկերների հետ միասին աշխատում են արագ արձագանքման հավաքական ուժերի հատուկ ջոկատայինների կազմում գործող զինյալների ոչնչացման գործողությունների պլանավորման և անցկացման վրա։

Ռուսական կողմից զորավարժություններին մասնակցում են Կենտրոնական ռազմական օկրուգի հատուկ նշանակության ստորաբաժանումները և Տաջիկստանում տեղակայված 201-րդ ռազմաբազայի հետախուզական գումարտակը։

Նշվում է, որ նոյեմբերի 16-ին Կենտրոնական ռազմական օկրուգի զինծառայողները Դուշանբեից 45 կիլոմետրանոց երթ են իրականացրել դեպի Ֆահրաբադի հրաձգարան։ Զորավարժություններին, ընդհանուր առմամբ, ներգրավված է մոտ 60 ռուս զինծառայող և 10 միավոր զինտեխնիկա, այդ թվում՝ 201-րդ ռազմակայանի ավիախմբի երկու Մի-8МТВ5-1 ուղղաթիռ։ Զորավարժությունները կտևեն մինչև նոյեմբերի 19-ը, տեղեկացնում է News.am-ը։