Գյումրու ավագանու ՔՊ խմբկացության միանգամից 5 անդամ վայր է դրել մանդատը

Գյումրի համայնքի ավագանու արտահերթ նիստի մեկնարկին նիստը վարող համայնքի ղեկավար Վարդգես Սամսոնյանը հայտնեց, որ Ավագանու «Քաղաքացիական պայմանագիր» խմբակցության 5 անդամ վաղաժամկետ վայր է դրել մանդատները և դրանք փոխանցվում են ընտրական ցուցակի հաջորդ 5 անձանց՝ Անժելա Մաթևոսյանին, Նարեկ Բեգզադյանին, Վոլոդյա Հակոբյանին, Հայկ Ստեփանյանին և Պարգև Գևորգյանին։

Արտահերթ նիստում մեկ հարց էր ընդգրկված՝ «Պետական շահերի պաշտպանության հայցեր ներկայացնելու մասին» որոշում, որով ՔՊ խմբակցությունն առաջարկում է հայցով դատարանում վիճարկել Գյումրու նախկին քաղաքապետերի որոշումները 26 հողի և շինության օտարման օրինականությունը վիճարկելու համար։

Հայցերը վերաբերում են 1998 թվականից կայացած որոշումներին, որոնց մի մասը վերաբերում է Սամվել Բալասանյանին և Վարդան Ղուկասյանին։ Քննարկման արդյունքում ՔՊ-ն և «Բալասանյան» դաշինքները կողմ քվեարկեցին նախագծին։

News.am