AI. Չի կարելի Բաքվին թույլ տալ քողարկել հեղինակությունը սպորտի միջոցով
«Amnesty International» իրավապաշտպան կազմակերպությունն ուժեղացրել է ճնշումն ՈՒԵՖԱ-ի վրա՝ հայտարարելով, որ չի կարելի Ադրբեջանին թույլ տալ սպորտի միջոցով մաքրել իր սարսափելի հեղինակությունը մարդու իրավունքների ոլորտում՝ բարձր մակարդակի ֆուտբոլային հանդիպումներ անցկացնելով, գրում է Press Association-ը:
Կազմակերպության բրիտանական գրասենյակի տնօրեն Քեյթ Ալենը նշում է, որ հարկավոր է ապահովել, որ Ադրբեջանում չթույլատրվի սպրոտյաին միջոցառումների միջոցով մաքրել մարդու իրավունքները ոտնահարողի հեղինակությունը:
«Ադրբեջանը մարդու իրավունքների սարսափելի խախտումների իրավիճակում է, երբ դաժանաբար հարձակումների են ենթարկվում լրագրողները, բլոգերները և իրավապաշտպանները: Անարդար դատական գործընթացները և զրպարտիչ արշավները երկրում սովորական երևույթ են»,- նշել է նա:
Նրա խոսքով՝ երկրում ձերբակալում են ԼԳԲՏ համայքնի ներկայացուցիչների և անգամ երկիրը լքող մարդիկ ենթարկվել են հետպանդումների:
«Կառավարությունները շատ հաճախ են հայտնի սպորտային մրցություններն օգտագործում ռեպրեսիվ քաղաքականությունից և մարդու իրավունքների խախտումներից ուշադրությունը շեղելու համար՝ դրա փոխարեն ցուցադրելով ազնիվ երկրի կերպար», - նշել է նա՝ հավելելով, որ այդ իրավիճակը քողարկելու հերթական փորձ է «Արսենալ-Չելսի» հանդիպման անցկացումը:
News.am-ը հիշեցնում է, որ Ադրբեջանի կառավարությունը հրաժարվել է վիզաներ տրամադրել հայկական ծագմամբ բրիտանացի երկրպագուներին: