Հանձնաժողովը դրական եզրակացություն է տվել

ՀՀ ԱԺ պետաիրավական հարցերի մշտական հանձնաժողովը սեպտեմբերի 24-ին դրական եզրակացություն է տվել կառավարող «Իմ քայլը» դաշինքի՝ Սահմանադրական դատարան դիմելու նախաձեռնությանը՝ նախագահ Հրայր Թովմասյանի լիազորությունները դադարեցնելու համար, տեղեկացնում է NEWS.am-ի թղթակիցը։

Հիշեցնենք, որ «Իմ քայլը» դաշինքը պատրաստել էր դիմում Սահմանադրական դատարանին՝ Հրայր Թովմասյանի լիազորությունների դադարեցման մասին։ Սակայն ՀՀ Ազգային ժողովը կարող է ՍԴ դիմելու որոշում կայացնել միայն գաղտնի քվեարկությամբ հարցը քննարկելուց հետո՝ ձայների 3/5 հարաբերակցության դեպքում։ Միևնույն ժամանակ, վերջնական որոշումն ընդունում է ինքը՝ Սահմանադրական դատարանը։

Նախաձեռնությանը հավանություն է տվել «Լուսավոր Հայաստան» կուսակցության խմբակցությունը։ «Բարգավաճ Հայաստանն» առայժմ որոշում չի կայացրել։