Բեյրութում տեղի ունեցած պայթյունի հետևանքով զոհերի թիվը հասել է 149-ի

Առնվազն 149 մարդ է զոհվել, ավելի քան 5 հազար մարդ վիրավորվել է հզոր պայթյունի հետևանքով, որը տեղի է ունեցել օգոստոսի 4-ին Բեյրութի ծովային նավահանգստում: Այս մասին հայտնում է լիբանանյան L'Orient-Le Jour թերթը` վկայակոչելով աղբյուրն Առողջապահության նախարարությունում, հայտնում է ՏԱՍՍ-ը:

Պայթյունի ալիքը ոչնչացրել և վնասել է հարյուրավոր շենքեր, ավելի քան 300 հազար մարդ մնացել է անօթևան: Լիբանանի ՆԳՆ-ի փոխանցմամբ` ողբերգության պատճառը 2.7 հազար տոննա ամոնիումի նիտրատի բոցավառումն էր եռակցման աշխատանքների ընթացքում, որը վեց տարի առաջ առգրավվել էր մաքսային ծառայությունների կողմից: Իշխանությունները դեպքի կապակցությամբ նավահանգստի ղեկավարության 16 անդամի են ձերբակալել, այդ թվում` դրա տնօրենին, տեղեկացնում է News.am։