Հայաստանի ՊՆ-ն` ադրբեջանական կողմում հայտնված հայ սպայի մասին. «Մոլորվել է»
ՀՀ ՊՆ խոսնակ Շուշան Ստեփանյանը տեղեկացնում է, որ օգոստոսի 22-ին` ժամը 19:30-ի սահմաններում, մարտական հենակետը ստուգելու գնացած սպա Գուրգեն Ալավերդյանը եղանակային խիստ անբարենպաստ պայմանների պատճառով շփոթվել և մոլորվել է:
Նշենք, որ Ադրբեջանի պաշտպանության նախարարությունը հայտարարել է, թե այսօր «Ադրբեջանի ԶՈՒ–ն գերի է վերցրել ՀՀ ԶՈՒ ավագ լեյտենանտ Գուրգեն Ալբերյանին»։
Ըստ հաղորդագրության` օգոստոսի 23-ին ' ժամը 05:45-ի սահմաններում, «ՀՀ զինված ուժերի դիվերսիոն-հետախուզական խումբը Գերանբոյի շրջանի ուղղությամբ փորձել է սադրանք իրականացնել, սակայն կորուստներ կրելով, նահանջել է»։
«Ադրբեջանի պաշտպանության նախարարության` դիվերսիայի մասին տարածած հաղորդագրությունը ապատեղեկատվություն է, որով մոլորվածը ներկայացվում է որպես դիվերասանտ»,–Facebook–ի իր էջում գրել է Ստեփանյանը։
ՀՀ ՊՆ խոսնակի խոսքով` իրականացվում են որոնողական աշխատանքներ, տեղեկացնում է Sputnik Armenia-ն: