2020-10-22 20:24
Լրատվական գործակալություններ
0
ՆԱՏՕ-ի գլխավոր քարտուղարը Թուրքիային կոչ է արել «նվազեցնել լարվածությունը Լեռնային Ղարաբաղում»
ՆԱՏՕ-ն առաջին անգամ Թուրքիային կոչ է արել օգտագործել «իր զգալի ազդեցությունը տարածաշրջանում»` Լեռնային Ղարաբաղում լարվածությունը թուլացնելու համար: Համապատասխան հայտարարությունը ՆԱՏՕ-ի գլխավոր քարտուղար Յենս Ստոլտենբերգը արել է դաշինքի պաշտպանության նախարարների տեսաժողովի արդյունքներով կայացած մամուլի ասուլիսի ժամանակ, հաղորդում է ՏԱՍՍ-ը:
«Թուրքիան ՆԱՏՕ-ի արժեքավոր անդամ է, բայց ես նաև ակնկալում եմ Թուրքիայից տարածաշրջանում իր զգալի ազդեցության օգտագործում՝ (Ղարաբաղում) լարվածությունը թուլացնելու համար»,- ասել է նա:
ՆԱՏՕ-ի պաշտպանության նախարարները սատարել են Միջերկրական ծովում Թուրքիայի մասնակցությամբ լարվածությունը թուլացնելու ռազմական մեխանիզմի աշխատանքը, ասել է Ստոլտենբերգը, տեղեկացնում է News.am-ը:
