ԱՀԿ-ն հայտնել է անցած շաբաթվա ընթացքում աշխարհում կորոնավիրուսով վարակվելու ռեկորդային ցուցանիշի մասին

Անցած շաբաթվա ընթացքում աշխարհում նոր կորոնավիրուսով վարակվածների թիվն աճել է ավելի քան 3,6 միլիոնով, ինչը համավարակը սկսվելուց հետո ամենաբարձր ցուցանիշն է։ Մահվան դեպքերի թիվն աճել է ավելի քան 54 հազարով, ինչը 9 հազարով ավելի է, քան մեկ շաբաթ առաջ։ Այս մասին լույս չորեքշաբթի գիշերը Ժնևում հայտնել է Առողջապահության համաշխարհային կազմակերպությունը, փոխանցում է ՏԱՍՍ-ը։

«Վերջին շաբաթվա ընթացքում COVID-19 դեպքերի ընդհանուր թիվը նախորդ շաբաթվա համեմատությամբ աճել է 8 տոկոսով՝ կազմելով 3,6 միլիոնից ավելի»,- նշված է ԱՀԿ տեղեկատուում։ Նոյեմբերի 8-ի դրությամբ աշխարհում գրանցվել է վարակման գրեթե 49,7 մլն դեպք և ավելի քան 1,2 մլն մահ։ «Յոթ օրում, ինչպես նախկինում, նոր դեպքերի ամենամեծ բաժինն ընկնում է Եվրոպական տարածաշրջանին, որտեղից տեղեկություններ են ստացվել նոր դեպքերի ավելի քան կեսի վերաբերյալ (54 տոկոս) և մահվան նոր դեպքերի գրեթե կեսի վերաբերյալ (47 տոկոս)»,- նշում է կազմակերպությունը։

Աշխարհում 7 օրում հիվանդացության աճի նախորդ ռեկորդը գրանցվել էր սեպտեմբերի 26-ից նոյեմբերի 1-ը՝ ավելի քան 3,3 մլն դեպք, տեղեկացնում է News.am։