Հասարակական տրանսպորտում «Քաղաքացիական պայմանագիր» խմբակցության պատգամավոր Հակոբ Ասլանյանին վիրավորած քաղաքացու նկատմամբ քրեական գործ է հարուցվել առերևույթ խուլիգանության հատկանիշներով։ Տեղեկությունը հայտնում է ՀՀ քննչական կոմիտեն։
Թեհրանը վայրկյանների ընթացքում կպատասխանի, եթե Իսրայելը փորձի հարձակվել հանրապետության վրա։ Այսպիսի հայտարարություն է արել Իրանի փոխարտգործնախարար Ալի Բաղերի Քանին։
Այն փաստը, որ Իրանը հարստացված ուրանի մեծ պաշարներ է կուտակել, չի նշանակում, որ Թեհրանը միջուկային զենք ունի։ Ատոմային էներգիայի միջազգային գործակալությունը (ՄԱԳԱՏԷ) տեղեկություն չունի Իրանի միջուկային ծրագրի մասին, հայտարարել է գործակալության ղեկավար Ռաֆայել Գրոսսին ՄԱԿ-ի Անվտանգության խորհրդի նիստից հետո։
Իրանից կամիկաձե դրոններով Իսրայելի տարածքի վրա հարձակումն ավելի շատ ցուցադրական բնույթ էր կրում։ Այս մասին Sputnik Արմենիայի հետ զրույցում ասաց իրանագետ Ժաննա Վարդանյանը։
Ընտանեկան բռնության մասին օրենքում կատարված վերջին փոփոխությունների նպատակը ոչ թե ընտանիքում բռնությունը կանխարգելելն է, այլ աստիճանաբար համասեռամոլներին ընտանիք կազմելու և երեխաներ որդեգրելու իրավունք վերապահելը, ինչով էլ թելադրված էր արտաքին ուժերի համառությունն ու ճնշումները: Այս մասին գրել է Գերագույն հոգևոր խորհրդի անդամ, իրավագիտության դոկտոր, պրոֆեսոր Գևորգ Դանիելյանը` Sputnik Արմենիային տրամադրած իր հոդվածում։
Ամեն տարի ապրիլի 24-ին հայերս սպասում էինք ԱՄՆ նախագահների ելույթին և ամեն անգամ, երբ նրանք գործածում էին «ջարդ» եզրույթը, դա համարում էինք ժխտողականության դրսևորում։ News.am-ի թղթակցի հետ զրույցում դրա մասին հայտնել է ցեղասպանությունների ուսումնասիրության փորձագետ Սուրեն Մանուկյանը։ «Այս անգամ լուրջ անհանգստությամբ սպասում եմ Փաշինյանի՛ ապրիլի 24-ի ելույթին: Միևնույն ժամանակ, վստահ եմ, որ ԱՄՆ նախագահը ճիշտ եզրույթ կգործածի, ինչպես դա անում է արդեն երեք տարի»,- ասել է փորձագետը։
Վրաստանի ՆԳՆ-ի տվյալներով՝ ոստիկանները խորհրդարանի մոտ (ընդդեմ օտարերկրյա գործակալների մասին օրենքի) ցույցի ժամանակ ձերբակալել են 14 մարդու: Դրա մասին հայտնել է Վրաստանի հանրային հեռարձակողի Առաջին ալիքը։
Վրաստանի խորհրդարանի իրավական հանձնաժողովը պաշտպանել է «Օտարերկրյա ազդեցության թափանցիկության մասին» օրինագիծը, հայտնում է «Սպուտնիկ Գրուզիան»։
Ուկրաինայում Զապորոժիեի ատոմակայանի վրա անօդաչու թռչող սարքերի վերջին հարձակումները նոր մակարդակի են բարձրացրել միջուկային աղետի վտանգը, նախազգուշացրել է ՄԱԿ-ի միջուկային վերահսկողության գործակալության ղեկավարը՝ կոչ անելով ՄԱԿ-ի Անվտանգության խորհրդին անել առավելագույնը՝ ռիսկերը նվազագույնի հասցնելու ուղղությամբ։
Իրավապաշտպան Ռուբեն Մելիքյանը հայտնել է, որ հանրային տրանսպորտում իշխանական պատգամավոր Հակոբ Ասլանյանին «հակահայ վիժվածք» անվանած Սամվել Վարդանյանին ձերբակալել են: Նա նշել է, որ իր պաշտպանյալը Երևանի քննչականում է: