Հայաստանի Տավուշի մարզում և, մասնավորապես, Կիրանց գյուղի մոտ սահմանի սահմանազատման և սահմանագծման հարցում առաջընթաց է գրանցվել։ Այս մասին հոկտեմբերի 23-ին Ազգային ժողովի նիստում հայտարարեց Հայաստանի վարչապետ Նիկոլ Փաշինյանը՝ պատասխանելով ընդդիմադիր պատգամավորների հարցերին։
Չկա նման առաջարկ, որ «3+3» -ը դառնա Հայաստանի և Ադրբեջանի միջև խաղաղության պայմանագրի քննարկման հարթակ, բայց եթե լինի էլ, պաշտոնական Երևանը դա նպատակահարմար չի գտնի։ Այսօր Ազգային ժողովում կառավարության հետ հարցուպատասխանի ժամանակ նման հայտարարություն արեց ՀՀ ԱԳ նախարար Արարատ Միրզոյանը՝ պատասխանելով «Քաղաքացիական պայմանագիր» խմբակցության քարտուղար Արթուր Հովհաննիսյանի հարցին։
«Ադրբեջանի երկաթուղիներ» ՓԲԸ-ն Իրանի գործընկերների հետ գրեթե համաձայնեցրել է Աղբենդ-Սալամ-Մելիք երկաթուղու առավել ընդունելի երթուղին։ Ինչպես տեղեկացրել է APA-ն, այս մասին լրագրողներին տեղեկացրել է «Ադրբեջանի երկաթուղիներ» ՓԲԸ նախագահ Ռովշան Ռուստամովը։
ՀՀ գլխավոր դատախազությունը պահանջում է Երևան քաղաքի ընդհանուր իրավասության դատարանի դատավոր Արտուշ Գաբրիելյանից և նրան փոխկապակցված անձանցից հօգուտ Հայաստանի Հանրապետության բռնագանձել անշարժ գույք, տրանսպորտային միջոցներ և գումար։ Այս մասին հայտնում է ՀՀ դատախազությունը։
Իրանի նախագահ Մասուդ Փեզեշքիանը ԲՐԻԿՍ-ի երկրներին կոչ է արել համատեղ գործողություններ ձեռնարկել արևմտյան պատժամիջոցների դեմ: Նրա խոսքով՝ այդ պատժամիջոցներին հակազդելը միավորումից քայլեր է պահանջում և կոլեկտիվ մեխանիզմների ստեղծում։ Այս մասին Իրանի նախագահը հայտարարել է ԲՐԻԿՍ-ի անդամ երկրների ղեկավարների նեղ կազմով հանդիպմանը:
ԲՐԻԿՍ–ի երկրները համաշխարհային ՀՆԱ–ի մասնաբաժնով առաջ են անցել G7–ի երկրներից։ Կազանում ընթացող ԲՐԻԿՍ 16–րդ գագաթնաժողովի ժամանակ նեղ կազմով հանդիպումից հետո ընդլայնված նիստի ժամանակ այդ մասին ասաց ՌԴ նախագահ Վլադիմիր Պուտինը։
Ամենայն Հայոց Կաթողիկոս Գարեգին 2-րդը նոյեմբերին Բաքվում կայանալիք համաշխարհային կրոնական առաջնորդների գագաթնաժողովին մասնակցելու հրավեր չի ստացել, լրատվամիջոցներին հայտնել է Մայր Աթոռի տեղեկատվական համակարգի տնօրեն Տեր Եսայի քահանա Արթենյանը:
Վրաստանի խորհրդարանի խոսնակ Շալվա Պապուաշվիլին հայտարարել է, որ երկրում կա խումբ, որը պետական հեղաշրջում է պատրաստում հոկտեմբերի 26-ին նախանշված խորհրդարանական ընտրություններից հետո։
Հոկտեմբերի 22-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Միջազգային քրեական դատարանի (ICC) նախկին նախագահ տիկին Սիլվիա Ալեխանդրա Ֆերնանդես դե Գուրմենդիին։
ՀՀ Ազգային ժողովի «Հայաստան» խմբակցության անդամ Արմենուհի Կյուրեղյանը կարծում է, որ Ընտրական օրենսգրքում առաջարկվող փոփոխությունը կարող է իշխանությունն արհեստականորեն ձգձգելու հնարավորություն դառնալ իշխող ուժի համար։ Նա մտահոգություն հայտնեց Ազգային ժողովում նախագծի քննարկման ժամանակ։