Последние новости

Պեսկով․ Կշտամբանքները Ռուսաստանի հասցեին բացարձակապես անհիմն են

Դավաճանության համար կշտամբանքներն առ այն, որ Ռուսաստանն իբր էական աջակցություն չի ցուցաբերել Հայաստանին Լեռնային Ղարաբաղի հակամարտության կարգավորման գործընթացում, բացարձակապես անհիմն են: Նման կարծիք է հայտնել Ռուսաստանի նախագահի մամուլի քարտուղար Դմիտրի Պեսկովը ուրբաթ օրը RT հեռուստաալիքին հրապարակված հարցազրույցում, տեղեկացնում է News.am-ը:

«Կշտամբանքները Ռուսաստանի հասցեին բացարձակապես անհիմն են»,- պատասխանել է Պեսկովն այն դիտողությանը, թե իբր Ռուսաստանի Դաշնությունն էական աջակցություն չի ցուցաբերել Հայաստանին Ղարաբաղում հակամարտության կարգավորման հարցում, իսկ որոշ հայեր Ռուսաստանի դիրքորոշումը արպես դավաճանություն են որակում:

Մոսկվան թե Ադրբեջանի նախագահ Իլհամ Ալիևին, թե ՀՀ վարչապետ Նիկոլ Փաշինյանին Ռուսաստանի բարեկամներ է համարում, ասել է Պեսկովը: «Իհարկե»,- պատասխանել է Կրեմլի խոսնակը հարցին` արդյո՞ք Մոսկվան շարունակում է միաժամանակ բարեկամ համարել և Ալիևին, և Փաշինյանին:

«Միայն այս վերաբերմունքը, միայն այն փաստը, որ Ռուսաստանը գնահատում է իր հարաբերությունները Հայաստանի հետ (մենք գտնվում ենք ԵԱՏՄ-ում Հայաստանի հետ, մենք ՀԱՊԿ-ում ենք, Հայաստանը մի երկիր է, որի հետ մենք դարեր շարունակ հարաբերություններ ենք կառուցել), և նույնը ադրբեջանցիների հետ է, և մեր բարեկամությունը, պատմական բարեկամությունն Ադրբեջանի ժողովրդի և Հայաստանի ժողովրդի հետ թանկ է մեզ համար, միայն այս մոտեցումը թույլ տվեց հենց Ռուսաստանին անաչառ միջնորդի դեր խաղալ [Լեռնային Ղարաբաղի կարգավորման գործընթացում]»,- ընդգծել է Պեսկովը, փոխանցում է ՏԱՍՍ-ը:

Պեսկովի կարծիքով՝ ԵԱՀԿ Մինսկի խումբն առաջարկել է Լեռնային Ղարաբաղում հակամարտության կարգավորման ձևակերպումներ, որոնց ընդունումը մի քանի տարի առաջ թույլ կտար խուսափել արյունահեղությունից։ Նրա խոսքով՝ տարածաշրջանում ռազմական գործողությանը նախորդել են «երկար տարիներ ԵԱՀԿ Միսկի խմբի համանախագահների և առաջին հերթին Ռուսաստանի կարգավորման ինչ-ինչ ձևակերպումներ առաջարկելու փորձերը»։

«Այդ ձևակերպումները գոյություն ունեին, դրանք լավ հայտնի են միջազգային բանակցային գործընթացի մասնակիցներին, բայց, ցավոք, դրանք այս կամ այն պատճառով չեն գործել,- ասել է Պեսկովը։ - Եթե դրանք իրականացվեին, անգամ երկու տարի առաջ, ապա, հավանաբար, այս արյունահեղ պատերազմը չէր լինի և կհաջողվեր խուսափել հազարավոր հայ երիտասարդների և երիտասարդ ադրբեջանցիների զոհվելուց»։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ