Последние новости

Վանեցյան․ Իշխանությունները զբաղված են հարկատուների հաշվին քաղաքական հետապնդումներով

Քիչ առաջ ՀՔԾ ներկայացավ ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը: Լրագրողների հետ զրույցում նա ասաց, որ իրեն կանչել են մեղադրանք առաջադրելու՝ ռազմական դրության պայմաններում հանրահավաք կազմակերպելու համար, տեղեկացնում է Aysor.am-ը:

«Նպատակը մեկն է՝ կասեցնել քաղաքական ընդդիմախոսների գործունեությունը: Սա հստակ քաղաքական հետապնդում է: Իշխանությունը, փոխարեն կարևոր գործերով զբաղվի՝ զոհված, գերեվարված և անհետ կորած զինծառայողների ցուցակը հրապարակի, րոպե առաջ անհապաղ միջոցներ ձեռնարկի գերեվարված զինծառայողներին գերությունից ազատելու համար, զբաղված է մեր հարկատուների հաշվին քաղաքական հետապնդումներ իրականացնելով», - նկատեց Վանեցյանը:

Անդրադառնալով վարչապետի ճանապարհային քարտեզին՝ ասաց, որ 2.5 տարի բոլոր ուղղություններով ձախողված մարդը չի կարող որևէ ճանապարհային քարտեզ հրապարակել:

Ըստ ԱԱԾ նախկին տնօրենի՝ այս ծանր վիճակում մեզ պրոֆեսիոնալ, հայրենասեր, ազգային հայացքներ ունեցող մարդիկ են պետք երկիրը, Վանեցյանի ձևակերպմամբ, ամոթալի վիճակից հանելու համար:

Նա նաև ավելացրեց.

«Պայմանավորվենք՝ Փաշինյանին վարչապետ չկոչենք: Նա այսօր բարոյական իրավունք չունի կոչվելու վարչապետ: Նա մարդ է, ով զավթել է պաշտոնը և իր գործունեությամբ խորը փոսի մեջ է տանում ՀՀ-ն ու Արցախը: Ընդդիմությունն իր գործն անում է, և հանրային պահանջի բարձրացման հետ նա անպայման հրաժարական կտա»:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ