Последние новости

Ոստիկանները բարձրացան տրոլեյբուսի վրա՝ բռնելու Փաշինյանի հրաժարականը պահանջողներին

Մի քանի տասնյակ քաղաքացիներ Մաշտոցի պողոտայում փողոց են փակել ՀՀ վարչապետ Նիկոլ Փաշինյանի հրաժարականի պահանջով։ Ոստիկանները սկսել են նրանց բերման ենթարկել, տեղեկացնում է Sputnik Armenia։

Քաղաքացիներից մի քանիսը բարձրացել էին փակված փողոցի պատճառով կանգնած տրոլեյբուսի վրա՝ «Նիկոլ, դավաճան» վանկարկելով։ Ոստիկանները բարձրացան տրոլեյբուսի վրա՝ բերման ենթարկելու տղաներին։

Նրանց իջեցնելուց հետո մարդկանց միջև սկսվեց հրմշտոց, որի ժամանակ տուժեցին նաև ԶԼՄ–ների ներկայացուցիչներ։ Նրանցից մի քանիսին ոստիկանները փորձում էին անգամ բերման ենթարկել։ Ոստիկանության գնդապետ Արթուր Խուդինյանը միջադեպը մեկնաբանեց՝ ասելով

«Պահի տակ ա ստացվել»։

ՀՅԴ երիտմիության անդամ Քրիստինե Վարդանյանը լրագրողների հետ զրույցում ասաց, որ ակցիաները շարունակվելու են՝ ինչ էլ որ լինի։

«Որքան էլ մարդկանց բերման ենթարկեն ու շինծու գործեր կարեն, իշխանությունները պետք է համակերպվեն, որ իրենց հաշված ժամեր են մնացել։ Եթե նրանք այնպես, ինչպես պաշտպանում են իրենց աթոռը, պաշտպանեին մեր հայրենիքը, մենք այս իրավիճակը չէինք ունենա», - ասաց նա։

Տասնյակ քաղաքացիների բերման ենթարկելուց հետո ոստիկանությանը հաջողվեց Մաշտոցի պողոտան երթևեկելի դարձնել։ Դրանից հետո ակցիայի մասնակիցները սկսեցին քայլել Թումանյան փողոցով, այնուհետև շարժվեցին դեպի կառավարության շենք։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ