2020-12-02 16:11
Информагентства
0
Գագիկ Խաչատրյանը բուժվելու համար չի մեկնի Գերմանիա, դատարանը մերժել է
ՀՀ ֆինանսների նախկին նախարար Գագիկ Խաչատրյանի և նրա եղբորորդու՝ Կարեն Խաչատրյանի գործով դատական նիստը հետաձգվել է, քանի որ Խաչատրյանը առողջական խնդիրների պատճառով չի կարողացել ներկա գտնվել։ Տեղեկությունը լրագրողներին հայտնեց Խաչատրյանի պաշտպան Երեմ Սարգսյանը, տեղեկացնում է Sputnik Armenia-ն։
«Թե ինչու Գագիկ Խաչատրյանի առողջականը թույլ չի տալիս նրան նիստին մասնակցել, ասեմ`որովհետև այս մեկ տարվա ընթացքում պետական մարմիններն ամեն ինչ արեցին, որ միայն բացասական դինամիկա տեղի ունենա։ Նույնիսկ նույն դիրքում երկարաժամկետ նստելուց ուժեղ ցավեր են առաջանում, ինչն անհնարին է դարձնում նրա մասնակցությունը»,–ասաց պաշտպանը։
Սարգսյանը նշեց, որ դատական նիստի ընթացքում իրենք ներկայացրել են բժշկական փաստաթուղթ, որում արձանագրված էր, որ Խաչատրյանի առողջական վիճակում կա բացասական դինամիկա, այդ պատճառով չի ներկայացել։
Նրա խոսքով`իրենք դատարանին միջնորդել են, որ թույլ տա` Գագիկ Խաչատրյանը բուժման համար մեկնի Գերմանիա, բայց դատարանն անհասկանալի պատճառաբանություններով մերժել է այդ միջնորդությունը ։
«Նշվել է, որ Հայաստանում կարող են պատշաճ բժշկական օգնություն ստանալ, բայց մոռանում են՝ հենց պետությունը նախաձեռնել է 2 բժշկական կոնսիլիումներ՝ ՀՀ լավագույն մասնագետների ներգրավմամբ, որոնք արձանագրել են, որ Հայաստանում այս վիրահատությունը հնարավոր չէ կատարել»,- պարզաբանեց Սարգսյանը։
Պաշտպանը նշեց, որ Խաչատրյանն իր բուժումը ստանում է տնային պայմաններում, բայց բոլոր բժիշկները միաբերան պնդում են, որ այս հիվանդության միակ բուժումը վիրահատությունն է։
«Անձը պետք է վիրահատվի, որպեսզի կարողանա ներկայանալ դատական նիստերին։ Եթե պետությունն այս միջոցները չի ձեռնարկում, նշանակում է, որ դիտավորյալ գործողություններ են կատարվում, այդ թվում՝ խոշտանգման հետ կապված։ Երբ անձն ունի սուր ցավեր, և պետությունն այնպես է անում, որ ինքը պարտադրված այդ ցավերը կրի, սա նշանակում է՝ վատ վերաբերմունք, խոշտանգում»,– շեշտեց նա։
Երեմ Սարգսյանն այս առնչությամբ հայտնեց, որ ՄԻԵԴ-ը նամակ է ուղարկել ՀՀ կառավարությանը, որում հայտնել էր, որ եթե կողմերն այդ հարցում ընդհանուր հայտարարի չգան, ապա ՄԻԵԴ-ը կնախաձեռնի նաև խոշտանգման քննության վարույթ։
Սարգսյանի խոսքով` հաջորդ դատական նիստը տեղի կունենա հունվարի 18-ին, ժամը՝ 12։00-ին։
ПОСЛЕДНИЕ ОТ АВТОРА
-
New2024-04-19 16:30Армянская молодежная организация АРФ «Дашнакцутюн» в преддверии 109-й годовщины Геноцида армян организует факельное шествие в память 1,5 млн этнических армян, ставших жертвами Геноцида армянского народа в Османской империи.
-
New2024-04-19 16:28В Европейском парламенте состоялась конференция «Чтить память жертв Геноцида армян. Дорога к депортации наших дней», которая была проведена по инициативе и при содействии партии Рамкавар-Азатакан. Гостем конференции была депутат Европарламента от Ирландии Клэр Дали.
-
New2024-04-19 16:25Азербайджан нацелен на уничтожение историко-культурного и религиозного наследия в Арцахе, заявил профессор Пьер д'Аржан в ходе рассмотрения Международным судом ООН иска Армении против Азербайджана.
-
New2024-04-19 16:23Израиль и Иран не собираются наносить новые взаимные удары, сообщил телеканал CNN со ссылкой на источник в спецслужбах одной из стран.
