Փորձագետները կանխատեսում են դրամի հետագա արժեզրկում ևս 10-20 տոկոսով
Ներկայումս Կենտրոնական բանկն ակտիվորեն ինտերվենցիա է իրականացնում դրամի փոխարժեքը պահելու համար՝ վաճառելով արժույթը պահուստներից: Դա, ըստ էության, պետական ծախս է, բացի այդ, պահուստները ևս անչափելի չեն: Այս մասին News.am-ին ասաց ՀՀ աշխատանքի և սոցիալական հարցերի նախարարի նախկին տեղակալ, տնտեսագետ Թադևոս Ավետիսյանը:
Նրա խոսքով՝ այդ միջոցները երկարաժամկետ արդյունք չեն ունենա, և դրամի փոխարժեքը կշարունակի աճել, քանի որ բացասական գործոնները շարունակում են խորանալ. տնտեսական անկում, ներդրումների կրճատում (ուղիղ ներդրումների անկում 20 տոկոսով), պետական եկամուտների կրճատում, սպեկուլյացիա, քաղաքական ապակայունացում, բացասական սպասումներ:
«Բացի այդ, բացառված չէ, որ ֆիզիկական և իրավաբանական անձինք կսկսեն հանել իրենց դրամային դեպոզիտները և փոխանակել դրանք դոլարով, ինչը կարող է աղետալի հետևանքների հանգեցնել: Ներկայիս իշխանություններն այդ խնդիրը լուծել չեն կարող, քանի որ ղեկավարվում են բացառապես իրենց նեղ կուսակցական և անձնական շահերով, իսկ նրանց կողմից ընդունված որոշումների հիմքում ընկած է ոչ թե իրավիճակի օբյեկտիվ գնահատական, այլ բացարձակ պոպուլիզմ: Դրամի փոխարժեքի շարժը կախված է նրանից, թե ինչ հրաման կտա վարչապետը Կենտրոնական բանկին, և կախված է նաև պահուստային պաշարներից»,-նշեց փորձագետը:
Իր հերթին, տնտեսագետ Հրանտ Միքայելյանը News.am-ի հետ զրույցում նշեց, որ դժվար է կանխատեսել, թե ինչպես իրեն կդրսևորի դրամի փոխարժեքը:
«Դրամի փոխարժեքի վրա լուրջ զսպող ազդեցություն է գործում ԿԲ-ի քաղաքականությունը: Դրամի արժեզրկումը, անկասկած, ունի օբյեկտիվ և սուբյեկտիվ պատճառներ: Հայաստանում դոլարացումը կազմում է 50-55 տոկոս, օրինակ, դեպոզիտային հաշիվների տեսքով, և դրամի փոխարժեքը կախված է նաև այդ ցուցանիշից: Ցնցումների ժամանակ մարդիկ սկսում են դրանք փոխանակել: Սուբյեկտիվ գործոնների դեպքում դրամի արժեզրկումը կանխվում է ԿԲ-ի ինտերվենցիաներով: Սակայն ամենից հաճախ պատճառներն օբյեկտիվ են: Կարծում եմ՝ փոխարժեքի նվազեցումը կլինի էական, սակայն ոչ աղետալի. ներկայիս ցուցանիշից արժեզրկում 10-20 տոկոսով, ոչ ավել»,-նշեց նա:
Միքայելյանը պարզաբանեց, որ ամեն ինչ կախված է արտաքին առևտրային հավասարակշռությունից, այլ տնտեսական ցուցանիշներից, օրինակ՝ տուրիզմի ոլորտում, որի ցուցանիշները, քիչ հավանական է, որ կաճեն, ինչպես նաև քաղաքական կայունությունից, ինչը Հայաստանում չի նկատվում:
ПОСЛЕДНИЕ ОТ АВТОРА
-
2024-09-27 12:14
Правящая фракция "Гражданский договор" собрала 30 подписей в пользу смещения с должности министра юстиции Армении Григора Минасяна. Об этом пишет газета "Жоговурд".
-
2024-09-27 11:45
«Признания Пашиняна о том, что его вина заключалась лишь в том, что он не был честен с общественностью в 2018 году и не сказал, что, по его мнению, Арцах должен быть в составе Азербайджана, достаточно для того, чтобы убедиться, что цели не ставилось победить в войне 2020 года и поражение было гарантировано.
-
2024-09-27 11:44
Президента Арцаха Самвела Шахраманяна спросили о переговорах с азербайджанской стороной в преддверии учиненной Баку этнической чистки в Арцахе в сентябре 2023 год.
-
2024-09-27 11:42
Считаю, что итоги 44-дневной войны положили начало предопределению судьбы Арцаха, а произошедшее в 2023 году считаю ее следствием. Об этом в беседе с журналистами в пантеоне "Ераблур" заявил президент Республики Арцах Самвел Шахраманян.