Անհայտ կորածների որոնողական խմբերի քանակը երեքից հասցվել է հինգի. Դմիտրի Պերեպելկին (ՏԵՍԱՆՅՈՒԹ)
Լեռնային Ղարաբաղում Ռուսաստանի խաղաղապահ զորախմբի կենտրոնի ղեկավարի տեղակալ, գնդապետ Դմիտրի Պերեպելկինը ճեպազրույցի ժամանակ հայտնել է, որ Ստեփանակերտի ռուսական ռազմական դաշտային հոսպիտալում որակյալ բժշկական օգնություն է ցուցաբերվում ոչ միայն խաղաղապահներին, այլև տեղի բնակչությանը: Նրա խոսքով, մինչ օրս այդ հիվանդանոցում ռուս մասնագետներն արդեն օգնություն են ցուցաբերել տեղի 29 բնակիչների, այդ թվում՝ չորս երեխաների: Ճեպազրույցը հրապարակվել է ՌԴ ՊՆ պաշտոնական կայքում:
«Մարտակերտ քաղաքում ավարտվել է երկրորդ ռազմական հիվանդանոցի տեղակայումը, որը սկսում է բժշկական աջակցություն ցուցաբերել ռուս խաղաղապահներին և հարակից բնակավայրերի բնակիչներին: Բացի այդ, տեղի բնակիչներին օգնություն են ցուցաբերում ռազմական բժիշկների շարժական խմբերը: Ընդհանուր առմամբ, արդեն սպասարկվել է 558 մարդ, այդ թվում ՝ 67 երեխա»,- հայտնել է Դմիտրի Պերեպելկինը:
Նրա խոսքերով, դեկտեմբերի 16-ի դրությամբ ապահովվել է ավելի քան 40 հազար փախստականների անվտանգ վերադարձը Լեռնային Ղարաբաղ, խաղաղապահների օգնությամբ ամբողջովին վերականգնվել է էլեկտրամատակարարման համակարգը, որի համար իրականացվել են 18 կմ էլեկտրահաղորդման գծերի և 50 հենասյուների նորոգման աշխատանքներ: Զորախմբի կենտրոնի ղեկավարի տեղակալը հայտնել է, որ վերականգնվել է 24 բնակավայրերի էլեկտրաէներգիայի անխափան մատակարարումը, որոնց ընդհանուր բնակչությունը կազմում է ավելի քան 12 հազար մարդ:
«Մարդասիրական ականազերծման կենտրոնի ռուս սակրավորները չպայթած ականներից և արկերից մաքրել են 195 հա տարածք և 60 կիլոմետր ճանապարհ: Չպայթած զինամթերքի առկայությունը ստուգվել է 405 շենքերում: Հայտնաբերվել և ոչնչացվել է ավելի քան վեց հազար պայթուցիկ օառարկա»,- հայտնել է նա:
Դմիտրի Պերեպելկինը տեղեկացրել է, որ Կարմիր խաչի միջազգային կոմիտեի ներկայացուցիչների հետ միասին հայկական և ադրբեջանական կողմերի միջև շարունակվում է զոհվածների մարմինների փոխանակումը, ինչպես նաև անհայտ կորածների որոնումները և վերջինս ավելի արդյունավետ իրականացնելու համար որոնողական խմբերի քանակը երեքից հասցվել է հինգի:
Ռուս զինվորականը հայտնել է, որ Ռուսաստանի խաղաղապահ զորակազմի շտաբում տեղակայված անհայտ կորած զինծառայողների և քաղաքացիական անձանց վերաբերյալ տվյալների հավաքման թեժ գծին ստացվել է ավելի քան 490 հեռախոսազանգ:
Panorama.am
ПОСЛЕДНИЕ ОТ АВТОРА
-
2024-04-18 15:06
В Следственный комитет Республики Армения поступило сообщение о преступлении, что вечером 15 апреля 2024 года, после проведения соответствующих следственных действий, при доставке задержанного в место содержания задержанных в сопровождении сотрудников полиции, С. Варданян, задержанный по обоснованному подозрению в совершении преступного деяния в рамках уголовного производства, возбужденного с явными признаками хулиганства, подвергся насилию, были совершены действия, унижающие его достоинство.
-
2024-04-18 15:03
У карабахских армян должна быть возможность вернуться домой при условии обеспечения их прав и безопасности. Об этом официальный представитель МИД РФ Мария Захарова заявила на брифинге, передает News.am.
-
2024-04-18 15:02
Совместный российско-турецкий центр по мониторингу за соблюдением режима прекращения огня в Нагорном Карабахе прекращает свою деятельность. Об этом сообщает агентство АПА со ссылкой на министерство обороны Турции, передает Sputnik Армения.
-
2024-04-18 14:57
Россия ожидает четкой реакции властей Армении на сведения о том, что в Брюсселе между Ереваном, Брюсселем и Вашингтоном были оговорены планы по выводу российских войск из Армении. Об этом официальный представитель МИД РФ Мария Захарова заявила на брифинге, передает Aysor.am.