Последние новости

Բեգլարյան․ Արցախը համապատասխանում է պետության բոլոր միջազգային չափորոշիչներին

Աշխարհի համար Արցախի բնակիչները Հայաստանի և Արցախի Հանրապետության քաղաքացիներ են: Այս մասին իր ֆեյսբուքյան էջի ուղիղ եթերում հայտարարել է Արցախի նախագահի աշխատակազմի ղեկավար Արտակ Բեգլարյանը:

«Ճամփորդելիս օգտագործում ենք Հայաստանի անձնագրեր: Դա նորմալ երևույթ է, դեռևս 90-ականներից Հայաստանը այս կերպ երաշխավորել է արցախցիների ազատ տեղաշարժի իրավունքները և հարակից իրավունքները: Արցախի անձնագրերով մենք չէինք կարող դուրս գալ Հայաստանի տարածքից:

Աշխարհը դեռ չի ճանաչել մեր անկախությունը, բայց ընդունել է մեր գոյության, պետական մարմինների, տարածքի և բնակչության փաստը: Այսինքն, մենք համապատասխանում ենք պետության բոլոր չափորոշիչներին: Այսպես թե այնպես, մենք աշխարհի կողմից ընկալվում ենք որպես Արցախի քաղաքացիներ»,- նշել է Արտակ Բեգլարյանը, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ