2021-01-14 14:24
Информагентства
Լարիսա Ալավերդյան․ Ռազմագերիների և անհետ կորածների հարցը քաղաքականացվում է
ՀՀ իշխանությունների հայտարարությունն այն մասին, թե ռազմագերիների և անհետ կորածների թվի մասին տեղեկությունը գաղտնի է, խոսում է հարցի քաղաքականացման մասին: Այն փաստարկը, թե դա արվում է մարդասիրական նպատակով, համոզիչ չէ: Այս մասին այսօր՝ հունվարի 14-ին, լրագրողների հետ հանդիպման ժամանակ հայտարարեց ՀՀ առաջին օմբուդսմեն, իրավապաշտպան Լարիսա Ալավերդյանը:
Նա պարզաբանեց, որ պետք է լինեն ռազմաճակատ մեկնածների, վերադարձածների, վիրավորների ցուցակներ, ինչպես նաև հայտնի ռազմագերիների ցուցակներ, և բացի նրանցից բոլոր մնացածը պետք է անհետ կորած համարվեն:
«Հայաստան 44 գերիների վերադարձից հետո Բաքուն հայտարարեց նոր գերիների մասին: Ադրբեջանն այդպիսով ոչ միայն խախտում է միջազգային նորմերը, այլ նաև հակասում է ինքն իրեն: Բաքուն ոչ միայն քաղաքականացնում է այդ հարցը, այլ նաև զբաղվում է մանիպուլյացիայով՝ դա կապելով տրանսպորտային հաղորդակցությունների բացման հետ»,-նշեց Ալավերդյանը:
Նրա խոսքով՝ Հայաստանի բոլոր գործողությունները պետք է ուղղված լինեն այդ երևույթի դեմ, պետք է նաև քաղաքական աշխատանք տանել, ինչը չի արվում:
«Երկրում միակ աշխատող մարմինը մարդու իրավունքների պաշտպանի գրասենյակն է: Մենք գրագետ մասնագետներ ունենք, իսկ ահա համակարգային աշխատանք չի տարվում»,-նշեց Ալավերդյանը:
Նա պարզաբանեց, որ մինչ այս պատերազմը անհետ կորածների ընտանիքներին (որոնց թիվն ավելի քան 200 է) ևս պետք է օգնություն ցուցաբերել:
«Որքան էլ որ տարօրինակ է, վերջերս կառավարության ընդունած աջակցության միջոցները նրանց վրա չեն տարածվում»,-եզրափակեց առաջին օմբուդսմենը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
New2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
New2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.
-
New2025-07-19 14:25Рейсы из Еревана в Капан в последние месяцы заполняются минимум на 90%. Об этом директор компании, управляющей Капанским аэропортом, Карен Варданян заявил журналистам.