2021-02-03 17:27
Информагентства
0
Արամ Գ.Սարգսյան․ ՆԱԽԻՋևԱՆՈՒՄ ԶՈՐԱՎԱՐԺՈՒԹՅՈՒՆՆԵՐԻ ՖՈՆԻՆ ՀԱՅԱՍՏԱՆՈՒՄ ՁԵՎԱՎՈՐՎՈՒՄ ԵՆ ՀԱԿԱՌՈՒՍԱԿԱՆ ՏՐԱՄԱԴՐՈՒԹՅՈՒՆՆԵՐ
Նախիջևանում թուրք-ադրբեջանական զորավարժությունների ֆոնին Հայաստանում ձևավորվում են հակառուսական տրամադրություններ: Այս մասին փետրվարի 3-ի հանդիպմանն ասաց Հայաստանի Դեմոկրատական կուսակցության ղեկավար Արամ Գ.Սարգսյանը:
Նրա խոսքով՝ եթե հետագայում էլ այսպես շարունակվի, ապա Ռուսաստանը կթքի ամեն ինչի վրա և մարտավարությունը կփոխի, վերջիվերջո՝ Մոսկվայի համար այս տարածքը կարևոր է:
Նա նշեց, որ Նախիջևանը Թուրքիայի ձեռքերով, որն այստեղ 1,5 մլրդ դոլար է ծախսել, արդեն վաղուց զինվորական պոլիգոն է դարձել:
«Զորավարժությունները հարձակողական բնույթ ունեն, զորավարժությունների քարտեզը Հայաստանի տարածքն է, ստեղծվել են դիպուկահարների ստորաբաժանումներ, օգտագործվում է ռազմական տեխնիկայի համատեղ կիրառման մարտավարությունը: Հիմա նրանց միայն պատճառ է պետք, որ պատերազմը սկսեն»,- պարզաբանեց Սարգսյանը:
Նրա համոզմամբ՝ վարչապետ Նիկոլ Փաշինյանը պատրաստվում էր հանձնել ամբողջ Արցախը, և Ռուսաստանի նախագահ Վլադիմիր Պուտինը, ելնելով սեփական աշխարհաքաղաքական շահերից, պատերազմը դադարեցրեց:
«Մենք հիշում ենք, որ Ռուսաստանի արտաքին հետախուզության ղեկավար Նարիշկինը խոսում էր Սիրիայից վարձկանների մասին: Այսինքն՝ անհրաժեշտ էր ընդամենը Հայաստանից նամակ գրել Պուտինին, որ Մոսկվան միանար Արցախը և հարակից տարածքները «մաքրելուն»»,- հավելեց նա:
Քաղաքական գործիչը Հայաստանի իշխանություններին քննադատեց այն պատճառով, որ չկարողացան ապահովել Երևանի մասնակցությունը Աղդամում ռուս-թուրքական մոնիթորինգային կենտրոնի աշխատանքին՝ այն դեպքում, որ Ադրբեջանը միացել է:
«Երևանն ինչո՞ւ սրան չի արձագանքում, ինչո՞ւ այնտեղ չկանք: Այսինքն՝ ագրեսորը պետք է իրականացնի զոհի մոնիթորի՞նգ»,- հարց հնչեցրեց Արամ Սարգսյանը:
Ինչ վերաբերում է ռազմագերիների վերադարձի խնդրին, ապա ինչպես պարզաբանեց ՀԴԿ ղեկավարը, Հայաստանի դիվանագիտական կորպուսը պետք է շուրջօրյա փաստեր ներկայացնի ԱՄՆ-ում, Ռուսաստանում և այլ երկրներում, անհրաժեշտ է դիմել ՄԱԿ ԱԽ և ԵԱՀԿ ՄԽ, դեսպանատները պետք է ԵԽԽՎ-ում նախնական աշխատանք կատարեին, և անհրաժեշտության դեպքում դեմարշ իրականացնեն:
«Այս հարցի լուծումը պետք է դառնա 2020 թվականի նոյեմբերի 9-ի հայատարարության շուրջ բանակցությունների վերսկսման պայմանը»,- շեշտեց նա:
Նրա գնահատմամբ՝ տեղի ունեցածը Հայաստանի դեմ դավադրություն էր, և այս գործընթացը շարունակվում է, այդ թվում՝ մարդկանց միջոցով, որոնք «սորոսական» կազմակերպություններից դրամաշնորհներ են ստանում:
«Ակամայից այդպիսի մարդիկ են դառնում նաև ոստիկանները, որոնք կոպիտ կերպով ձերբակալեցին աշխարհահռչակ բռնցքամարտիկ Իսրայել Հակոբկոխյանին: Նրանք էլ են վաճառվել, բայց արդեն այն կերպ, որ աշխատավարձի բարձրացում են ստացել: Սա էլ հենց ներկայիս իշխանության հենարանն է: Ժողովուրդը պետք է հասկանա, որ խաղադրույքի է դրված մեր պետության գոյությունը, և ելք կարող է լինել հանրության ու քաղաքական ուժերի կոնսոլիդացիան այդ սցենարը թույլ չտալու գաղափարի շուրջ: Առանցքայինը սա է, այլ ոչ թե փողոց դուրս եկած մարդկանց թիվը: Կարևոր է միավորվել, օրինակ, այն բանի շուրջ, որ ընտրությունների չգնան, քանի դեռ վարչապետ Փաշինյանն իշխանության է»,- հայտարարեց քաղաքական գործիչը:
Նա պարզաբանեց, որ հանրահավաքները շարունակվելու են այնքան ժամանակ, մինչև բոլոր ազդակները հասնեն հանրությանը:
ПОСЛЕДНИЕ ОТ АВТОРА
-
2024-04-18 20:23Церковь Сурб Ованнес Мкртич (Св. Иоанна Крестителя) в Шуши полностью разрушена. Об этом свидетельствуют снимки со спутника, опубликованные в сети Karabakh Records, передает Sputnik Армения.
-
2024-04-18 18:48Россия говорит полуправду, потому что тяжелая российская государственная машина не принимает исторические, геополитические решения на основе лишь одного заявления. Об этом в беседе с корреспондентом NEWS.am заявил член группы «Альтернативные проекты» Ваге Ованнисян.
-
2024-04-18 18:45Вывод российских ВС из Карабаха ставит последнюю точку над «и». Об этом написал в открытом письме на своей странице в Facebook бывший премьер-министр Армении Вазген Манукян, которое адресовано первому заместителю председателя комитета Государственной думы РФ по делам СНГ Константину Затулину, передает News.am.
-
2024-04-18 18:42Нарушая моральные нормы, некоторые политические и общественные деятели не постеснялись обвинить Армянскую Церковь во лжи и мошенничестве. Об этом говорится в заявлении директора Информационной системы Первопрестольного Святого Эчмиадзина Есаи Артеняна в ответ на запросы относительно заявления епископов от 9 апреля.
