2021-02-06 17:30
Информагентства
0
Անդրանիկ ԹԵՎԱՆՅԱՆ․ ՆՈՐ ԸՆՏՐՈՒԹՅՈՒՆՆԵՐԸ ՊԵՏՔ Է ՏԵՂԻ ՈՒՆԵՆԱՆ ՆՈՐ ՎԱՐՉԱՊԵՏԻ ՂԵԿԱՎԱՐՄԱՆ ՊԱՐԱԳԱՅՈՒՄ
Նիկոլ Փաշինյանը սադրեց և երկիրը տարավ կապիտուլյացիայի և միայն իր հեռացումից հետո պետք է նոր Կառավարություն ձևավորվի, որի ներքին և արտաքին որոշակի խնդիրների կարգավորումներից, վիճակը կայունացնելուց հետո պետք է կազմակերպվի նոր ընտրություններ: Այս մասին այսօր Tert.am-ի հետ զրույցում ասաց «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը՝ խոսելով այն արտահերթ ընտրությունների մասին, որոնց մասին խոսում է իշխանությունը:
Նշենք, որ կապիտուլյացիոն ակտի ստորագրումից հետո, երբ ընդդիմադիր ուժերը, հասարակությունը սկսեցին պահանջել Նիկոլ Փաշինյանի հրաժարականը, վերջինս ընդհանրական պատասխանեց, որ բոլոր հարցադրումների պատասխանը ստանալու միայն մի տարբերակ կա՝ արտահերթ խորհրդարանական ընտրությունների անցկացում: Նիկոլ Փաշինյանի խոսքով՝ նրա հրաժարականի պահանջով դեռ ժողովուրդը հանդես չի եկել:
«Նոր ընտրությունները պետք է տեղի ունենան նոր վարչապետի պարագայում: Ես կարծում եմ, որ այս մոտեցումն ամենաօպտիմալն է և քաղաքականը: Թե ինչու իշխանությունը դեռ չի գնացել անգամ իր ասած արտահերթ ընտրություններին, կապված է հանրային ճնշման ճիշտ չափից: Ամեն ինչ կախված է հանրային ճնշման ուժից, քանի որ մեր հանրությունը դեռ հետպատերազմյան շոկի մեջ է և դեռ հարյուրհազարավոր մարդիկ դուրս չեն գալիս փողոց և չեն վռնդում այս իշխանությանը».-ասաց նա:
Սակայն Թևանյանի խոսքով՝ սա դեռ իրավիճակը չի փոխում և բացարձակ չի նշանակում, որ իշխանությունը հանրային աջակցություն ունի: «Իշխանությունը շատ ցածր լեգիտիմության աստիճան ունի և այս պարագայում որևէ կերպ չի կարող պաշտպանել Հայաստանի Հանրապետության շահերը»:
«Պոլիտէկոնոմիա» հետազոտական ինստիտուտի տնօրենը չցանկացավ մեկնաբանել իշխանականների այն խոսքը, թե ժողովուրդը չի պահանջում նրանց հրաժարականը և միայն այդ դեպքում են նրանք գնալու արտահերթ ընտրություններին:
«Ես չեմ մեկնաբանելու նրանց բարբաջանքները: Ամեն դեպքում, սա հասարակության որոշման խնդիրն է, մեր հասարակությունը պետք է որոշում կայացնի, որ պետք է փոխի, ուրեմն հաստատ կփոխի: Կարծում եմ, որ ընդդիմությունն էլ, առնվազն, իր մարտավարության մեջ պետք է փոփոխություններ մտցնի, փորձի ավելի լայն հասարակական, քաղաքական, սոցիալ-տնտեսական մեսիջներով հանդես գալ և տա տեսլականը, թե ինչ է լինելու, առաջարկի նորմալ թիմ, որը երկիրն այս վիճակիս դուրս կհանի»,-ընդգծեց Թևանյանը:
Ըստ նրա՝ եթե այս շտկումները լինեն ընդդիմության կողմից, ապա քայլերը ճիշտ կետի կհասցնեն, քանի որ մեկ բան հստակ է՝ Նիկոլ Փաշինյանի հրաժարականի պահանջով կա համահայկական, համահասարակական և համաքաղաքական կոնսենսուս: «Այդ հարցի շուրջ որևէ մեկը չի վիճում, պարզապես հարցը լուծելու համար պետք է ճիշտ գործիքակազմ ընտրել»:
ПОСЛЕДНИЕ ОТ АВТОРА
-
2024-04-19 19:27Причина нынешней хрупкости безопасности и угрожающей риторики связана с дисбалансом сил в регионе. Мы твердо убеждены, что в регионе Южного Кавказа должен быть установлен баланс сил. Об этом во время международного экспертного форума «Воротан» 19 апреля заявил Чрезвычайный и полномочный посол Ирана в Армении Мехди Собхани.
-
2024-04-19 19:13Опубликованный азербайджанскими СМИ документ касательно трехсторонней встречи Армения-ЕС-США в Брюсселе 5 апреля не имеет ничего общего с реальностью, заявил спикер Службы внешних связей и политики безопасности ЕС Питер Стано.
-
2024-04-19 19:10Начавшийся несколько дней назад процесс вывода российских миротворческих войск с оккупированной Азербайджаном территории Арцаха вызывает тревогу 150 000 арцахцев, которые несколько месяцев назад под реальной угрозой геноцида были вынуждены покинуть свою Родину. Об этом говорится в заявлении, распространенном тремя фракциями парламента Арцаха.
-
2024-04-19 19:10Главы МИД стран G7 на встрече в Италии выступили с заявлением в адрес Армении и Азербайджана с призывом сохранять полную приверженность мирному процессу.
