Մարտակերտ-Վարդենիս ճանապարհով երթևեկում են ադրբեջանցիները․ Հնարավոր է՝ նոր պայմանավորվածություն կա
Արցախի Մարտակերտ-Վարդենիս ճանապարհի՝ հայկական վերահսկողության տակ գտնվող շուրջ 45-50 կմ ճանապարհահատվածով ռուս խաղաղապահների ուղեկցությամբ երթևեկում են նաև ադրբեջանցիները։ Այս մասին Tert.am-ի հետ զրույցում ասաց Մարտակերտի շրջանի վարչակազմի ղեկավարի տեղակալ Գարի Վանյանը։
«Ադրբեջանցիները Ադրբեջանի վերահսկողության տակ հայտնված Մատաղիս գյուղից այդ ճանապարհով գնում են Քարվաճառ՝ ռուս խաղաղապահների ուղեկցությամբ։ Հայերը հայկական վերահսկողության տակ գտնվող ճանապարհահատվածից օգտվում են առանց ռուս խաղաղապահների ուղեկցության»,-մանրամասնեց նա։
Նրա տեղեկացմամբ՝ ադրբեջանցիները նշված ճանապարհահատվածից օգտվում են արդեն 15-20 օր, սակայն Մարտակերտի բնակիչները որևէ պաշտոնական աղբյուրից նախապես չեն տեղեկացվել այդ մասին։ Եռակողմ հայտարարության մեջ այդ ճանապարհահատվածի վերաբերյալ նման կետ գոյություն չունի, սակայն, Վանյանի կարծիքով, բանավոր պայմանավորվածություն է ձեռք բերվել, որի մասին բնակիչները չեն տեղեկացվել։ Պաշտոնապես ոչ մի նամակ, գրություն չի եղել ո՛չ ԱՀ նախագահի կողմից, ո՛չ այլ կառույցից։ Մենք ևս չենք դիմել ԱՀ նախագահին, կառավարությանը։ Ենթադրում ենք՝ բանավոր պայմանավորվածություն է եղել»,-ասաց Վանյանը։
Նրա խոսքով՝ շուրջ 2 շաբաթ առաջ Մարտակերտի շրջանի Դրմբոն համայնքի բնակիչները փակել են ճանապարհն ու խաղաղ ակցիա արել՝ նշելով, որ եթե ադրբեջանցիները կարողանում են օգտվել հայկական ճանապարհահատվածից, արցախցիներն էլ ռուս խաղաղապահների ուղեկցությամբ օգտվեն Ադրբեջանի վերահսկողության տակ անցած ճանապարհահատվածից ՀՀ, մասնավորապես՝ Վարդենիս հասնելու համար։
«Քաղաքացիներն այդ պահանջը փոխանցել են ռուս խաղաղապահներին, վերջիններս էլ խոստացել են այն ներկայացնել ղեկավարներին։ Օրինակ՝ Մարտակերտի Գետավան համայնքից Վարդենիս հեռավորությունը 60 կմ է, բայց որ այսօր գետավանցին գնա Վարդենիս, 400-500 կմ ճանապարհ պետք է անցնի։ Եթե ադրբեջանցուն կարելի է, մեր համայնքների միջով անցնելով, գնալ Քարվաճառ, մեր բնակիչներն էլ ուզում են այդ ճանապարհով հասնել ՀՀ»,-նշեց Վանյանը։
Նրա խոսքով՝ նշված 15-20 օրվա ընթացքում անվտանգային խնդիրներ չեն առաջացել։
ПОСЛЕДНИЕ ОТ АВТОРА
-
2024-04-19 13:27
Беспилотники, сбитые над Исфаханом, по всей вероятности, запущены с территории Ирана. Такую запись сделал в соцсети X представитель иранского Национального центра киберпространства Хосейн Далириан.
-
2024-04-19 13:26
Сотрудники мэрии Еревана проводят рейды по борьбе с уличной торговлей, в рамках которых проводится конфискация товара. Торговцы, которые устроились на тротуаре возле супермаркета "Ереван Сити" на проспекте Маштоца, попытались не допустить изъятия товара, что привело к небольшому столкновению.
-
2024-04-19 13:24
Азербайджан в оккупированном Шуши сравнял с землей армянскую церковь Сурб Ованнес Мкртич (Святого Иоанна Крестителя), известную как Канач Жам, сообщает ресурс Karabakh Records в соцсети X.
-
2024-04-19 13:23
Несколько часов назад иранские системы ПВО работали по израильским БПЛА, обнаруженным в небе над Исфаганом и Тавризом. Об этом написал в своем Telegram-канале иранист Вардан Восканян.