Последние новости

Թուրքական անօդաչուները կուժգնացնեն Ուկրաինայի «ռազմական հզորությունը»

Այդ մասին Անթալյայում լրագրողների հետ զրույցում հայտարարել է Ուկրաինայի արտաքին գործերի նախարար Դմիտրի Կուլեբան, News.am-ի փոխանցմամբ, այս մասին հաղորդում է Sabah-ը:

«Ռազմավարական առումով մենք ցանկանում ենք երկու բան. մենք ցանկանում ենք, որ թուրքական դրոնները համալրված լինեն ուկրաինական շարժիչներով, և մենք ցանկանում ենք տեղայնացնել դրոնների արտադրությունն Ուկրաինայում»,-նշել է նա:

2019 թվականին Ուկրաինան ձեռք է բերել Թուրքիայից վեց Bayraktar TB2 մարտական անօդաչու թռչող սարք և կառավարման ցամաքային կայանների երեք համակարգ: 2021 թվականին երկիրը մտադիր է ձեռք բերել ևս հինգ Bayraktar TB2 ԱԹՍ:

«Ռուսաստանը շարունակւոմ է ջանքեր գործադրել, որ համոզի երկրներին զենք չվաճառել Ուկրաինային, քանի որ Ռուսաստանը ցանկանում է տեսնել թույլ Ուկրաինա: Դրոններն անհրաժեշտ է Ռուսաստանին զսպելու համար, որպեսզի Մոսկվան երկու անգամ մտածի նախքան էսկալացիա կամ Ուկրաինայի վրա խոշորամասշտաբ հարձակում ծրագրելը: Դա վերաբերում է ոչ միայն դրոններին, այլ նաև ցանկացած այլ տեխնիկային, որն Ուկրաինան ձեռք է բերում: Մենք գնում ենք անօդաչուները ոչ թե հարձակման, այլ պաշտպանվելու համար»,-նշել է Կուլեբան՝ հայտարարելով, որ Կիևը կօգտագործի դրանք «ուկրաինական տարածքի ցանկացած մասում պաշտպանության համար»:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ