2021-09-20 18:14
Информагентства
Իշխան Սաղաթելյան․ Պետք է կանխել Հայաստանի թուրքացումը
Ազգային ժողովի նախագահի տեղակալ, «Հայաստան» խմբակցության անդամ Իշխան Սաղաթելյանը Facebook-ի իր էջում գրառում արել և Հայաստանի իշխանություններին մեղադրել թուրքական շահերը սպասարկելու մեջ:
Դրա առիթը Թուրքիայի նախագահի վերջին հայտարարությունն էր, որում Էրդողանը հայտարարել է, որ Վրաստանի վարչապետ Իրակլի Ղարիբաշվիլին իրեն է փոխանցել ՀՀ վարչապետ Նիկոլ Փաշինյանի՝ հանդիպելու առաջարկը: Նրա խոսքով, որպեսզի նման քննարկումներ կայանան, հայկական կողմը պետք է քայլեր անի։ Մասնավորապես, թուրքական կողմն ակնկալում է, որ Հայաստանը Ադրբեջանին միջանցք կտրամադրի դեպի Նախիջևան։
Սաղաթելյանի խոսքով`Էրդողանի կողմից միայն այդ նախապայմանի հիշատակումը, ինչպես նաև ՀՀ կառավարության գործունեության ծրագիրը բավարար հիմքեր են տալիս ենթադրելու, որ Հայաստանին պարտադրվող թուրքական այլ նախապայմանները՝ Հայոց ցեղասպանության միջազգային ճանաչումից հրաժարումը, Հայաստան-Թուրքիա ներկա սահմանի դե յուրե ընդունումը և Արցախից հրաժարումը, Հայաստանի իշխանությունները բավարարել են։
«Հայաստանի՝ միակողմանիորեն տարածաշրջանային խաղաղություն հաստատելու ինքնահռչակ և անհեռանկար գաղափարներով տարված իշխանությունը, իր ղեկավարով հանդերձ, ակնհայտորեն չի հասկանում, թե իրենցից ինչ են ներկայացնում պանթյուրքական անթաքույց նկրտումներով առաջնորդվող ժամանակակից Թուրքիան և դրա նախագահը, որը տարված է օսմանյան սուլթանների երբեմնի վարքով։ Բայց Էրդողանն ու մեր ժողովրդի թշնամիները շատ հստակ պետք է հասկանան՝ Հայաստանի վարչապետի պաշտոնը զբաղեցնողին չի՛ կարելի նույնացնել հայկական պետության հետ»,–գրել է Սաղաթելյանը։
Նրա խոսքով` հայ ժողովուրդն ապրում է իր պատմության դժվարագույն ժամանակներից մեկը, բայց դա չի նշանակում, որ հայ ժողովուրդը հրաժարվելու է «իր անժամանցելի իրավունքներից» և, տեղի տալով ադրբեջանաթուրքական սպառնալիքներին՝ հարցականի տակ է դնելու մեր պետության գոյությունը։ Նա հիշեցրել է, որ անցյալ դարում ցեղասպանված ժողովուրդը կարճ ժամանակում ի զորու եղավ մեջքը շտկել և անհավանական ջանքերով, հարյուրամյակների ընդմիջումից հետո, պետություն ստեղծել, արվեստ ու մշակույթ զարգացնել, Արցախ ազատագրել։
«Սիրելի՛ հայրենակիցներ, մենք համախմբված կերպով պետք է մերժենք այս՝ չարիքի իշխանության առաջ բերած կործանարար օրակարգը և կանխենք Հայաստանի թուրքացումը. սեղանին է դրված հայկական պետականության գոյության հարցը, և մենք համակերպվելու, նահանջելու իրավունք չունենք»,–գրել է նա։
Սաղաթելյանը հիշեցրել է, որ պատերազմի ընթացքում Փաշինյանն Արցախի նկատմամբ սանձազերծված ագրեսիան որակում էր ադրբեջանաթուրքական ահաբեկչություն։ «Հետաքրքիր է ինչ փոխվեց, այլևս ահաբեկիչ չե՞ն»,–շեշտել է նա, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.