2021-09-21 12:16
Информагентства
Բայդեն․ ԱՄՆ-ն կշարունակի միջոցներ գործադրել գերիներին ազատելու ուղղությամբ
ԱՄՆ-ն կշարունակի միջոցներ գործադրել Ադրբեջանում պահվող հայ գերիների ազատ արձակման ուղղությամբ։ Հայաստանի անկախության 30-ամյակի կապակցությամբ վարչապետ Նիկոլ Փաշինյանին հղած իր ուղերձում այս մասին ասել է ԱՄՆ նախագահ Ջո Բայդենը, տեղեկանում ենք ՀՀ–ում ԱՄՆ դեսպանատան ֆեյսբուքյան էջից։
«Վերջին տարվա ընթացքում հայ ժողովուրդը մարտահրավերների բախվեց, այդ թվում, եղան մարդկային ողբերգական կորուստներ` պայմանավորված ԼՂ հակամարտության մարտական գործողություններով։ Կիսելով հայ ժողովրդի վիշտը՝ մենք ձեռք-ձեռքի տված կաշխատենք ձեր կառավարության հետ ԵԱՀԿ Մինսկի խմբի և այլ տարածաշրջանային ձևաչափերով՝ խթանելու տարածաշրջանային կայունությունն ու կարգավորելու հակամարտությունը»,–ասված է Բայդենի ուղերձում։
Նրա խոսքով` երկու երկրները միավորված են պատմական, ընտանեկան, բարեկամական կապերով, այդ թվում՝ 1.5 միլիոն ամերիկահայերով, որոնք իրենց ներդրումն են ունենում երկկողմ կապերը հարստացնելու ու ամրապնդելու հարցում։ Բայդենը հիշեցրել է, որ այս տարի երկու երկրները տոնելու են երկկողմ հարաբերությունների 30 տարին։
ԱՄՆ պետքարտուղար Էնթոնի Բլինկենը նույնպես շնորհավորական ուղերձ է հղել ՀՀ անկախության 30-րդ տարեդարձի առթիվ: Նա նշել է, որ որպես ԵԱՀԿ Մինսկի խմբի համանախագահ երկիր` Միացյալ Նահանգները նախկինի պես հավատարիմ է ԼՂ հակամարտության երկարաժամկետ կարգավորմանը։
Բացի այդ, ԱՄՆ–ն պատրաստ է օգնություն ցուցաբերել կողմերին մարտական գործողությունների հումանիտար հետևանքների վերացման շուրջ բանակցություններում, բոլոր ձերբակալվածների ազատ արձակման, անհայտ կորածների հաշվառմանն ու մասունքների փոխանակման գործընթացներում, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.