2021-10-25 16:14
Информагентства
Իրանի դեսպան․ Իրանական բեռնատարներից վճարների գանձումը դեմ է եռակողմ համաձայնությանը
Հայաստանում ԻԻՀ դեսպան Աբբաս Բադախշան Զոհուրին հայտարարել է, որ ըստ Ռուսաստանի, Հայաստանի և Ադրբեջանի եռակողմ հրադադարի համաձայնագրի՝ տարանցիկ ճանապարհը պետք է ունենար իր նախկին կարգավիճակը մինչև նոր ճանապարհի ավարտը: Նա նշել է. «Ցավոք, մենք տեսանք, որ ադրբեջանական կողմն իրանական բեռնատարներից վճար էր գանձում»: Այս մասին ասել է դեսպանը Tasnim լրատվական գործակալությանը տված հարցազրույցում, գրում է Pars Today-ը։
Աբբաս Բադախշան Զոհուրին, նշելով, որ Իրանի անկախության օրվանից Իրան-Հայաստան հարաբերությունները լավ են և ամենաբարձր մակարդակի վրա, և չնայած տարբեր կառավարությունների վերելքներին ու վայրէջքներին, դրանք միշտ դրական են եղել, հավելել է. «Մենք Հայաստանի հետ ունենք մի քանի հազար տարվա երկար պատմություն, և հայ հայրենակիցների առկայության շնորհիվ այդ հարաբերություններն ավելի ամուր են։ Այնուամենայնիվ, երկու երկրների միջև լավ քաղաքական հարաբերություններին զուգահեռ, մենք տնտեսական հարթությունում չենք ունեցել ցանկալի արդյունքներ, ինչպես պետք է ունենայինք»:
Հարավ-հյուսիս տարանցիկ ճանապարհին մասին նա նշել է, որ իրենք ունեն Հնդկական օվկիանոսի ճանապարհը դեպի Չաբահար և Պարսից ծոց, այնուհետև երկաթուղային ճանապարհ դեպի Ջոլֆա-Հայաստան-Վրաստան և Սև ծով, որը անվտանգ և շատ հարմար երթուղի է առևտրի համար, և այս ճանապարհին գտնվող երկրները կարող են օգտվել դրա առավելություններից:
«Տրանսպորտային երթուղու մի մասը կապված է Սիսիանի ճանապարհի հետ, որը 60 կմ երկարություն ունի և գտնվում է Հայաստանի հարավում՝ Սյունիքի մարզում: Ձեռնարկվող միջոցառումների արդյունքում, այս ճանապարհը կարճացնում է նախորդ ճանապարհը: ՀՀ կառավարությունը վերականգում է այս ճանապարհը և Իրանն, ամենայն հավանականությամբ, կմասնակցի կառուցման աշխատանքներին: Հաշվի առնելով, որ ճանապարհաշինության, թունելների և կամուրջների կառուցման ոլորտում Իրանի հնարավորությունները տեսանելի չեն հարակից շատ երկրներում, այս առնչությամբ Իրանի մասնակցության շուրջ բանակցությունները շարունակվում են»,-ասել է դեսպանը։
Բադախշան Զոհուրին հարավ-հյուսիս տարանցիկ ճանապարհի խնդիրների մասին ասել է, որ այս ճանապարհի մի մասը գտնվում է Գորիսի տարածաշրջանում՝ 21 կմ երկարությամբ, որի երկու հատվածը նախկին խորհրդային քարտեզների համաձայն գտնվում են Ադրբեջանի տարածքում:
«Ըստ Ռուսաստանի, Հայաստանի և Ադրբեջանի միջև բանակցությունների, այս ճանապարհը պետք է գործեր նախկին կարգավիճակով, մինչև նոր ճանապարհի ավարտը: Սակայն ցավոք, որոշ ժամանակ առաջ ադրբեջանական կողմը ճանապարհը սկզբում փակեց երկու օրով, իսկ այն բացելուց հետո, իրանի բեռնատարներից վճարներ են գանձվում»,-ասել է դեսպանը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.
-
New2025-07-19 14:25Рейсы из Еревана в Капан в последние месяцы заполняются минимум на 90%. Об этом директор компании, управляющей Капанским аэропортом, Карен Варданян заявил журналистам.
-
New2025-07-19 14:20МИД Армении отреагировал на внесенный в парламент Турции законопроект о переименовании армяно-турецкого пограничного контрольно-пропускного пункта в честь Мехмета Талаата-паши, одного из организаторов Геноцида армян.
-
New2025-07-19 14:17Иран может выйти из договора о нераспространении ядерного оружия (ДНЯО) и начать обогащать уран выше уровня 60% в случае продолжения санкционного давления на ИРИ. Об этом заявил представитель комиссии по национальной безопасности и внешней политике парламента Ирана Эбрахим Резаи.