2021-11-12 11:27
Информагентства
Ռուս խաղաղապահները Ղարաբաղում մեկ տարում ապահովել են ավելի քան 8 հազ. ավտոմեքենայի անվտանգ ուղեկցումը
Ռուսաստանի Դաշնության ռազմական ոստիկանության ստորաբաժանումները խաղաղապահ գործունեության մեկ տարում ապահովել են ավելի քան 8 հազար ավտոմեքենաների (մոտ 200 շարասյուն) անվտանգ ուղեկցումը։ Այս մասին տեղեկացնում է ՌԴ պաշտպանության նախարարության մամուլի ծառայությունը։
Շինանյութերով և մթերքով բեռնված մեծ բեռնատար ավտոմեքենաների ուղեկցումը իրականացվում է Շուշի-Կարմիր շուկա-Քաջար երթուղով և հակառակը։
Տեղաշարժն իրականացվում է բարձրլեռնային տեղանքի դժվարանցանելի հատվածներ ունեցող գրունտային ճանապարհով՝ ավելի քան 40 բեռնատար ավտոմեքենաներով։
5 դիտակետերի պատասխանատվության գոտում ռուս խաղաղապահները ապահովում են ավտոմեքենաների անվտանգ տեղաշարժը Լեռնային Ղարաբաղի տարածքում։
«Ռազմական ոստիկանության ավելի քան վեց հարյուր հոգանոց անձնակազմը Լեռնային Ղարաբաղում իր գործունեության առաջին տարում ներգրավված է անվտանգության ապահովման գործում՝ ավելի քան ութ հազար ավտոմեքենաներն ուղեկցելիս, որոնք տեղափոխում են շինանյութ։ Երթուղիները անցնում են լեռնային պայմաններում, բարդ ճանապարհներով»,- ասել է խաղաղապահ զորակազմի ներկայացուցիչ Դմիտրի Լևիկինը։
Բացի քաղաքացիական տրանսպորտի և մարդասիրական բեռների ուղեկցման խնդիրների կատարումից՝ ռուսական խաղաղապահ զորակազմի ռազմական ոստիկանության ստորաբաժանումները կանոնավորապես ներգրավվում են հումանիտար գործողությունների անվտանգության ապահովմանը և Լաչինի միջանցքի պարեկմանը։
Ամեն օր ռուսական խաղաղապահ զորակազմի ռազմական ոստիկանության ստորաբաժանումները երթուղիների պարեկման ժամանակ հաղթահարում են մոտ 200 կիլոմետր։
Ռուսաստանի Դաշնության, Ադրբեջանի Հանրապեության նախագահների և Հայաստանի Հանրապետության վարչապետի համատեղ հայտարարությունում նշված պայմանավորվածությունների համաձայն՝ 2020թ. նոյեմբերի 10-ին, Մքոսկվայի ժամանակով 00.00 ժամից հայտարարվել է լիակատար հրադադար և ռազմական գործողությունների դադարեցում Լեռնային Ղարաբաղում։
Լեռնային Ղարաբաղում հրադադարի և ռազմական գործողությունների դադարեցման վերահսկման համար տեղակայվել է Ռուսաստանի Դաշնության խաղաղապահ զորակազմը։
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.