Последние новости

Ո՞Վ Է ՊԱՇՏՊԱՆԵԼՈՒ ՀԱՅԱՍՏԱՆԻ ՇԱՀԵՐԸ ՍՈՉԻՈՒՄ

Վաղը Սոչիում տեղի է ունենալու Հայաստանի, Ադրբեջանի և Ռուսաստանի նախագահների հերթական հանդիպումը: Քննարկվելու է անցած տարվա նոյեմբերի 9-ի և այս տարվա հունվարի 11-ի հայտնի եռակողմ հայտարարությունների կատարման ընթացքը։ Է՛լ ավելի ստույգ՝ հաղորդակցության ապաշրջափակման ու Ադրբեջանի և Հայաստանի միջև սահմանագծման ու սահմանազատման իրականացման «ճանապարհային քարտեզի» հարցերը։

Հաղորդակցության ուղիների ապաշրջափակման հարցը, ըստ հաղորդագրությունների, մշակման, երթուղիների հստակեցման և դրանց բացման հերթականության ճշգրտման փուլում է: Այդ առնչությամբ երեկ Բաքու և Երևան է այցելել Ռուսաստանի փոխվարչապետ Ալեքսեյ Օվերչուկը՝ եռակողմ աշխատանքային խմբի համանախագահը։ Դժվար թե արժե սպասել կոնկրետ ժամկետների հայտարարման. Օվերչուկի խնդիրն ավելի շուտ ճանապարհի երթուղին համաձայնեցնելն էր, որը կկապի Ադրբեջանի արևմտյան շրջանները Նախիջևանի հետ։ Այստեղ Երևանն ու Բաքուն տարբեր պատկերացումներ ունեն, բայց, ինչպես բազմիցս հայտարարել է պաշտոնական Երևանը, հայկական կողմի ինքնիշխանությունն իր տարածքով անցնող ճանապարհի նկատմամբ վիճարկման ենթակա չէ, Ադրբեջանը կստանա այն երթուղին, որը կառաջարկի ՀՀ կառավարությունը, և ոչ այլ ճանապարհ։

Ինչ վերաբերում է երկրների միջև սահմանի հստակեցմանը, ապա, ինչպես օրերս ասաց Փաշինյանը, կարելի է ակնկալել Ռուսաստանի միջնորդությամբ երկկողմ (Հայաստան-Ադրբեջան) կամ եռակողմ (Ադրբեջան-Հայաստան-Ռուսաստան) հանձնաժողովի ստեղծման կողմերի պատրաստակամության մասին հայտարարության, որը կզբաղվի սահմանի որոշման մեթոդաբանության մշակմամբ և այլն ... Եվս մեկ անգամ շեշտենք. ըստ Փաշինյանի, եթե անգամ Սոչիում ստորագրվի ինչ-որ փաստաթուղթ, ապա դա կլինի առավելագույնը հայտարարություն այդպիսի երկկողմ կամ եռակողմ հանձնաժողովի ստեղծման կամ դա ստեղծելու պատրաստակամության մասին։ Այլ հարց է, թե ինչ իմաստ կներդնեն այդ հայտարարության մեջ Երևանն ու Բաքուն։

Ադրբեջանը կսկսի խոսել այն մասին, թե դա նշանակում է միմյանց տարածքային ամբողջականության ճանաչում, հետևաբար՝ նաև Լեռնային Ղարաբաղի խնդրի վերացում որպես այդպիսին։ Ըստ էության, նաև Լեռնային Ղարաբաղ բուն հասկացության վերացում, ինչի մասին բազմիցս խոսել է Իլհամ Ալիևը։

Երևանի դիրքորոշումը երկակի է։ Մի կողմից, Հայաստանի իշխանությունները հայտարարում են, որ Արցախի հիմնախնդրի հետ կապված բոլոր հարցերը պետք է լուծվեն ԵԱՀԿ Մինսկի խմբի հովանու ներքո ընթացող բանակցությունների ձևաչափով։ Մյուս կողմից՝ Փաշինյանը հայտարարում է, թե Հայաստանն ու Ադրբեջանը միմյանց տարածքային ամբողջականությունը ճանաչել են դեռևս 1991-ին, ասել է թե՝ էլ ի՞նչ են պահանջում իրենից։ Եվ այնուհետ դեմքի ողբերգական-քնարական արտահայտությամբ փիլիսոփայում է այն թեմայով, թե գուցե իր թիմի գլխավոր սխալն այն էր, որ իրենք ավելի շուտ չե՞ն ասել Հայաստանի ժողովրդին. անկախության, պայքարի 30 տարիներն իզուր էին, լոկ բաց թողնված ժամանակ էին…

Այսինքն նախ պնդում է, որ Արցախի հարցը նրա բնակիչների իրավունքների խնդիրն է, իսկ հետո հարց է տալիս, թե պե՞տք էր արդյոք ավելի վաղ ասել Հայաստանի ժողովրդին, որ այդ իրավունքների համար պայքարի 30 տարիները զուր են անցել։ Հեշտ է ենթադրել, որ ըստ Փաշինյանի՝ ավելի ճիշտ կլիներ Արցախը ճանաչել Ադրբեջանի կազմում և բարեկամանալ Թուրքիայի ու Ադրբեջանի հետ. մեկ ազգի՝ երկու պետության։ Այն, որ Նիկոլը նկատի ունի «բաց թողնված ժամանակի» հենց այդ այլընտրանքը, հաստատում է նաև վերջին ասուլիսում նրա արտահայտած այն վստահությունը, թե Հայաստանի գլխավոր խնդիրը նրա բնակիչների մեծամասնության դիրքորոշումն է, որոնք համարում են, որ թուրքն իրենց թշնամին է։ Դե, բացի «Քաղաքացիական պայմանագրի» թիմից ու մի քանի օլիգարխներից՝ ի դեմս Գուրգեն Արսենյանի և Խաչատուր Սուքիասյանի, որի ավիաընկերությունն արդեն ծանուցել է, որ շաբաթական երեք անգամ չվերթներ է իրականացնելու Երևան-Ստամբուլ։

ՎԵՐԱԴԱՌՆԱՆՔ, ՍԱԿԱՅՆ, ՍՈՉԻՈՒՄ ՎԱՂԸ ԿԱՅԱՆԱԼԻՔ ՀԱՆԴԻՊՄԱՆԸ։ Եվ այսպես, Բաքուն պնդելու է, որ սահմանազատման և սահմանագծման հանձնաժողովի ստեղծման մասին հայտարարության մեջ ներառվի տարածքային ամբողջականության փոխադարձ ճանաչման կետը։ Կարո՞ղ է արդյոք Երևանը պնդել այն վերապահումը, որ Ղարաբաղյան հիմնախնդրի հետ կապված բոլոր հարցերը պետք է լուծվեն Մինսկի խմբի ձևաչափով, և որ սահմանի հստակեցումը որևէ կապ չունի Արցախի հետ։

Տեսականորեն Փաշինյանը կարող է դա պնդել։ Մանավանդ որ ռուս միջնորդը կարծես թե համամիտ է այդ դիրքորոշմանը։ Նախ՝ այն պատճառով, որ Մինսկի խմբի համանախագահ է, երկրորդ՝ Մոսկվային ավելի ու ավելի են ձանձրացնում Անկարայի «ճանկողական բնազդները», ինչպես բնորոշել է Կոնստանտին Զատուլինը։ Ինչի մասին է վկայում նաև Դմիտրի Պեսկովի արձագանքը «թուրքական աշխարհի քարտեզի» խորապատկերին Էրդողանի լուսանկարի առնչությամբ, որտեղ ներառված էին նաև ռուսական տարածքները: Պուտինի մամուլի քարտուղարը քաղաքավարի հիշեցրեց, որ թուրքերի հայրենիքը, ըստ էության, Ալթայում է…

Մի խոսքով, Մոսկվային թուրքական նկրտումնները նյարդայնացնում են, և նա ավելի ու ավելի հաճախ է խոսում այդ մասին։ Այլ հարց է, որ Ռուսաստանը չի կարող «Հռոմի պապից ավելի կաթոլիկ լինել» և հայկական կողմի համար պահանջել այն, ինչն ինքը՝ Երևանը, իր համար չի պահանջում։ Ուրեմն կդնի՞ արդյոք Փաշինյանը սահմանի հստակեցման և Արցախի կարգավիճակի խնդիրները հնարավոր հայտարարության պարագայում տարանջատելու հարցը։ Ամենայն հավանականությամբ՝ դժվար թե։

Հենց թեկուզ այն պատճառով, որ ավելի վաղ խոսել էր այն մասին, որ Ադրբեջանի հետ ոչ մի պայմանավորվածություն չի կարող լինել, քանի դեռ լուծված չէ գերիների հարցը, բայց հիմա գնում է կնքելու այդ պայմանավորվածությունները, չնայած Բաքվից հնչող հայտարարություններին, որ այլևս ոչ մի գերի Հայաստանին չի վերադարձվելու:

Հենց թեկուզ այն պատճառով, որ ավելի վաղ Փաշինյանն ասում էր, թե Բաքվի հետ ոչ մի պայմանավորվածություն չի լինի, քանի դեռ ադրբեջանական զորքերը չեն հեռացել Հայաստանի տարածքից։ Իսկ հիմա գնում է պայմանավորվելու, չնայած որ հենց ինքն է խոսում Ադրբեջանի կողմից ՀՀ 41 քառակուսի կիլոմետր տարածքի զավթման մասին, քանի որ, իբր, հանրապետության սահմանները հայտնի են միլիմետրի ճշգրտությամբ։ Եվ չնայած ինքը շատ լավ գիտի, որ սահմանի հստակեցման գործընթացը կարող է ձգվել տարիներ, որոնց ընթացքում Բաքուն շարունակելու է է՛լ ավելի ամրապնդվել զավթած հայկական տարածքում…

Ի դեպ, հիշենք, թե ինչպես էր նախքան ընտրությունները Փաշինյանը գերիների անունից ասում, թե, իբր՝ ոչինչ, նրանք կհամբերեն ևս մեկ-երկու ամիս: Անցել է ոչ թե երկու, այլ հինգ ամիս։ Փաշինյա՛ն, չե՞ս ուզում գերիների անունից ճշտել, թե դեռ որքան պիտի համբերեն: Այնուհետ, ըստ էության, պետք է հաջորդի տպագրության ոչ ենթակա բառապաշար

Основная тема:
Теги:

    ПОСЛЕДНИЕ ОТ АВТОРА

    • КТО ОСТАНОВИТ ПАШИНЯНА?
      2024-03-28 10:02

      В интернете гуляет ролик, в котором очередной гонец Пашиняна Степа Сафарян рассказывает жителям Воскепара об ультиматуме, который предъявил Николу Ильхам Алиев: 4 известных села с прилегающими территориями в апреле должны быть переданы Азербайджану. Иначе будет война. Отметим, что ранее в Воскепаре уже успел побывать другой прислужник Никола – Левон Ширинян, известный своей откровенной русофобией. Побывал с той же миссией - убеждать жителей в неизбежности сдачи приграничных территорий…

    • ВСЕ САМ
      2024-03-23 09:58

      Есть такой старый анекдот. Приходит муж за полночь пьяный. Следы помады. Запах духов. На вопрос жены, где был, пытается что-то выговорить, но ничего на ум не приходит, ноги не держат, валится на кровать и говорит: «Ну ты же умная женщина, придумай сама что-нибудь...».

    • В ПОВЕСТКЕ СОЮЗНОЕ ГОСУДАРСТВО
      2024-03-20 10:12

      Никол Пашинян в Тавуше уговаривал жителей приграничья поддержать его "борьбу за суверенитет", а потому добровольно и с улыбкой согласиться на сдачу четырех сел, требуемых Азербайджаном. Использовал кнут и пряник. Обещал тем, кто потеряет дома или земли, квартиры в Иджеване. Дескать, живите себе спокойно. Это был пряник. Кнут был в виде угроз, что Турция и Азербайджан начнут войну. Жители, и не только Тавуша, уже давно поняли, что Пашиняна не остановить. Потому как только новыми уступками можно заставить людей забыть ранее потерянное. Сегодня с подачи Пашиняна и его агитационной команды мы говорим "только" о четырех селах.

    • ТРУДНО БЫТЬ НИКОЛОМ ПАШИНЯНОМ
      2024-03-15 09:48

      Трудно быть Николом Пашиняном. Три с половиной часа давать пресс-конференцию, чтобы сообщить, что Азербайджану будут сданы 4 требуемых села, но так и не сказать об этом прямо. То ли трусил, то ли стыдно было. И так подводил к этому, и этак, карту какую-то из ближайшего детского сада притащил. Сказал, что не проблема перенести тот участок дороги, который проходит через требуемые Азербайджаном территории. Советскую энциклопедию вспомнил. Но прямо так и не сказал.






    ПОСЛЕДНЕЕ ПО ТЕМЕ

    • ԻԶՈ՞ՒՐ ԵՆՔ ԱՊՐԵԼ
      2022-03-16 19:42

      Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։

    • ԱՐՑԱԽԸ՝ ՆՈՐ ՄԱՐՏԱՀՐԱՎԵՐՆԵՐԻ ԱՌՋԵՎ
      2022-03-11 19:57

      Արդեն քանի օր շարունակ Արցախում անհանգիստ է։ Ըստ էության, ոչ ոք՝ ո՛չ Հայաստանում, ո՛չ էլ Արցախում, առանձնապես չի զարմացել։ Բնական է, որ ֆաշիստական պետությունը փորձելու է օգտվել Ուկրաինայի հետ կապված ճգնաժամից, որպեսզի ձեռնարկի Արցախի Հանրապետությունը վերացնելու նոր փորձ։

    • ԵԹԵ ԵՐԿԻՐՆ ՈՒՆԻ ԱՌԱՋՆՈՐԴ ԵՎ «ՊԱՆՑԻՐ»
      2022-03-07 20:00

      Մի «ըմբոստ» միտք, որը ցանկանում եմ կիսել ձեզ հետ։ Այն ամփոփված է նրանում, որ Ուկրաինայում ռազմական գործողություն անցկացնելու Պուտինի որոշման վրա, ի թիվս այլ գործոնների, ազդել է նաև 2020-ի աշնան 44-օրյա պատերազմը Լեռնային Ղարաբաղում։ Փորձեմ պարզաբանել։

    • ՓԼՈՒԶՄԱՆ ՀԱՅԵՑԱԿԱՐԳ՝ «ԽԱՂԱՂՈՒԹՅԱՆ ԴԱՐԱՇՐՋԱՆՈՒՄ»
      2022-01-26 20:02

      Խորհրդակցություն Գորիսում Արցախի հետ շփման գծի ողջ երկայնքով 2016 թվականի ապրիլյան ագրեսիայի արդյունքում Ադրբեջանը չիրականացրեց ռազմավարական ոչ մի խնդիր և կրեց կենդանի ուժի և ռազմական տեխնիկայի շատ ավելի մեծ կորուստներ, քան Արցախի Պաշտպանության բանակը: