2022-01-13 13:40
Информагентства
0
Զասը՝ Ղազախստանում առաքելության մասին
ՀԱՊԿ խաղաղապահ առաքելությունը Ղազախստանում ցույց տվեց, որ կազմակերպության պաշտպանական ներուժը բարձր արդյունավետություն ունի ու իսկապես գործող է: Ղազախստանում խաղաղապահ գործողության ավարտի արարողության ժամանակ Ալմաթիում ելույթ ունենալով` նման կարծիք է հայտնել ՀԱՊԿ գլխավոր քարտուղար Ստանիսլավ Զասը։
Կառույցի գործողությունն ավարտվում է հունվարի 13-ին, ինչից հետո սկսվում է զորակազմի փուլային դուրսբերումը։ Գործընթացը 10 օր կտևի: Ըստ Զասի՝ ՀԱՊԿ Հավաքական անվտանգության խորհրդի միաձայն որոշմամբ ստեղծված Հավաքական խաղաղապահ ուժերը պատվով են կատարել իրենց առջև դրված խնդիրները:
«Ղազախստանի տարածքում խաղաղապահ գործողությունը դարձավ ՀԱՊԿ հավաքական ուժերի առաջին իրական կիրառումը, դուք ձեր պրոֆեսիոնալիզմով ու համակարգված գործողություններով հստակ ցույց տվեցիք, որ մեր պետությունները պատրաստ են ցանկացած պայմաններում ուս–ուսի, միասնական մարտական շարքով պաշտպանել անվտանգության ընդհանուր տարածքը: Ցույց տվեցին, որ ՀԱՊԿ-ի պաշտպանական ներուժը բարձր արդյունավետություն ունի և իսկապես գործող է», - նշել է նա՝ դիմելով զինծառայողներին։
Գլխավոր քարտուղարը կարծում է, որ գործողության ընթացքում ձեռք է բերվել ՀԱՊԿ անդամ պետությունների խաղաղապահ զորակազմերի սերտ փոխգործակցության անգնահատելի փորձ ահաբեկչությանն ու պետության ներսում ապակառուցողական ուժերին հակազդելու գործում:
Զասն առանձնացրել է ռուսական ռազմատրանսպորտային ավիացիայի լավ համակարգված գործողությունները։ Ռուսաստանի օդատիեզերական ուժերի ինքնաթիռները գրեթե անդադար ռեժիմով գործողության անցկացման շրջան են տեղափոխել ավելի քան 2000 խաղաղապահների ու շուրջ 250 միավոր տեխնիկա: Իրականացվել է ավելի քան 108 չվերթ։
«ՀԱՊԿ-ը՝ մեր կազմակերպությունը, ապացուցել է իր պահանջարկն ու արդյունավետությունը, ցույց է տվել, որ կարող է գործել արագ, վճռական և արդյունավետ, առանց ուշացումների` որոնք, ինչպես հայտնի է, երբեմն «մահվան են հավասար», - ավելացրել է նա:
Զասն ընդգծել է, որ ղազախական կողմի կամարտահայտությանը համապատասխան` խաղաղապահները ծրագրած ժամկետներում դուրս կբերվեն իրենց մշտական տեղակայման կետեր: Նա նաև խոստացել է, որ հատկապես աչքի ընկած անձինք կպարգևատրվեն ՀԱՊԿ Հավաքական անվտանգության խորհրդի ու կազմակերպության անդամ պետությունների պաշտպանության նախարարությունների պարգևներով, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2024-04-19 11:10Атака Израиля по Ирану была предупредительным посланием Тегерану о том, что израильские силы могут с легкостью обойти иранские ПВО․ Об этом заявил телеканалу CNN отставной генерал-майор сухопутных сил США Марк Маккарли. Его слова приводит РИА Новости.
-
New2024-04-19 11:08Соединенные Штаты применили в Совете Безопасности (СБ) ООН право вето и заблокировали проект алжирской резолюции по принятию Палестины в качестве полноправного члена всемирной организации.
-
New2024-04-19 11:05Города Ирана, включая Исфахан, не подвергались атакам со стороны какого-либо иностранного государства. Об этом сообщил телеканал Press TV со ссылкой на источники.
-
New2024-04-19 11:05Директор ЦРУ Уильям Бернс предупредил 18 апреля американских конгрессменов: если они не одобрят помощь Украине сейчас, Киев может проиграть войну до конца года. Об этом сообщает издание Politico.
