Последние новости

ԱԺ պատգամավորը հաստատում է․ Ադրբեջանցիները հերթական անգամ կրակել են Կարմիր շուկայի ուղղությամբ

Հակառակորդի կողմից Արցախի Կարմիր Շուկայի ուղղությամբ կրակոցները կրում են պարբերական բնույթ։

«Փաստինֆո»-ի հետ զրույցում Արցախի ԱԺ պատգամավոր Մետաքսե Հակոբյանը հաստատել է, որ այս գիշեր կրկին ադրբեջանցիները կրակել են հայկական բնակավայրի ուղղությամբ։

«Կրակոցները միշտ էլ կան, հիմնականում ամեն օր լսվում են, արդեն սովորական բնույթ են կրում, կարևորը տուժածներ չկան»,- ասել է Մ. Հակոբյանը։

Նրա փոխանցմամբ՝ կրակոցները ամեն անգամ տարբեր ժամերի են լինում, տարբեր ուղղություններով, մի անգամ օդ են կարկում, մեկ ուրիշ անգամ արձակում թիրախավորած կրակոցներ։

Հիշեցնենք, որ հունվարի 10-ին ադրբեջանցիները հրաձգային տարբեր տեսակի զինատեսակներից կրկին կրակահերթ էին արձակել Մարտունու շրջանի Կարմիր շուկա-Թաղավարդ համայնքների ուղղությամբ: Խաղաղ բնակչությանը թիրախավորելու հերթական սադրանքից բռնկվել ու այրվել էր՝ Կ.Շուկայի համայնքային գործող մանկապարտեզի հարևանությամբ կայանված «ՈւԱԶ» մակնիշի ավտոմեքենա:

Այս գիշեր արձակված կրակոցների հետևանքով բարեբախտաբար բնակիչները չեն տուժել։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ