2022-01-31 13:02
Информагентства
0
ՀՀ ՄԻՊ–ն ամփոփել է կանանց իրավունքների գծով աշխատանքները
Հայաստանյան ընտանիքներում կանանց նկատմամբ բռնության արատավոր դեպքերը հատկապես տարածված են մարզերում, ֆեյսբուքյան էջում հայտարարել է ՀՀ մարդու իրավունքների պաշտպան Արման Թաթոյանը։
Նա կանանց իրավունքների պաշտպանության վերաբերյալ տեսանյութ է հրապարակել, որտեղ ամփոփել է պաշտոնավարման 6 տարվա ընթացքում այդ ոլորտի ուղղությամբ կատարած աշխատանքները։
ՄԻՊ–ն ընդգծում է, որ կանանց իրավունքների պաշտպանությունը մշտապես եղել է իր անմիջական ուշադրության առարկան։
«Դեպքեր են եղել, երբ կինը բռնության է ենթարկվել, դիմել է ոստիկանություն, սակայն պարզվել է, որ այնտեղի ծառայողն ընկերական կամ մտերիմ հարաբերությունների մեջ է նրա ամուսնու հետ, ով բռնության է ենթարկել։ Ստացվում է, որ տվյալ ոստիկանն արդյունավետ քննություն տանելու փոխարեն գործը փորձում է փակել։ Լինում են դեպքեր, երբ կանայք գալիս են մեր աշխատակազմ` չիմանալով, թե որտեղ կարող են գիշերն անցկացնել կամ ինչ անել»,- պատմում է ՀՀ մարդու իրավունքների պաշտպանը։
Թաթոյանն օրինակներից մեկում ընդգծում է, որ դեպքեր են եղել, երբ ամուսինը բռնություն է գործադրել կնոջ նկատմամբ, ապա ծեծի ենթարկել երեխաներին, ինչից հետո բոլորին վտարել է տնից։ ՄԻՊ–ի աշխատակիցները նմանատիպ դեպքերում անմիջական կապ են պահպանում բարեգործական հիմնադրամների, պետական համապատասխան մարմինների հետ, ու միանգամից աշխատանքներ են սկսում` այդ կանանց ու երեխաներին օգնելու համար։
Շատ խնդիրներ կապված են կանանց վերաբերյալ կարծրատիպային մտածողության, աշխատանքային իրավունքների խախտումների, ընտանիքում բռնության դեպքերի, մարզերում առողջապահական ծառայությունների անհասանելիության և այլնի հետ: Նրա խոսքով` դրանք պահանջում են հրատապ լուծումներ։
Թաթոյանի ուշադրության ներքո են եղել նաև այն կանայք, ովքեր փակ հաստատություններում են գտնվել` քրեակատարողական հիմնարկներում, հոգեբուժարաններում, տուն–ինտերնատներում։ Հատկապես ուշադրություն է դարձվել պահման պայմաններին։
Մարդու իրավունքների պաշտպանի գրասենյակը ՀՀ մարզերում կանանց համար նաև դասընթացներ է կազմակերպել` բիզնեսում նրանց մասնակցությունն ավելի ակտիվ դարձնելու համար։
«Իմ աշխատանքային գործունեությունն ապացուցել է հստակ փաստ` որքան բարձր են պաշտպանված կնոջ իրավունքները հասարակությունում, այնքան բարձր է հասարակության առաջընթացը»,– ասում է Թաթոյանը, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2024-04-18 15:06В Следственный комитет Республики Армения поступило сообщение о преступлении, что вечером 15 апреля 2024 года, после проведения соответствующих следственных действий, при доставке задержанного в место содержания задержанных в сопровождении сотрудников полиции, С. Варданян, задержанный по обоснованному подозрению в совершении преступного деяния в рамках уголовного производства, возбужденного с явными признаками хулиганства, подвергся насилию, были совершены действия, унижающие его достоинство.
-
New2024-04-18 15:03У карабахских армян должна быть возможность вернуться домой при условии обеспечения их прав и безопасности. Об этом официальный представитель МИД РФ Мария Захарова заявила на брифинге, передает News.am.
-
New2024-04-18 15:02Совместный российско-турецкий центр по мониторингу за соблюдением режима прекращения огня в Нагорном Карабахе прекращает свою деятельность. Об этом сообщает агентство АПА со ссылкой на министерство обороны Турции, передает Sputnik Армения.
-
New2024-04-18 14:57Россия ожидает четкой реакции властей Армении на сведения о том, что в Брюсселе между Ереваном, Брюсселем и Вашингтоном были оговорены планы по выводу российских войск из Армении. Об этом официальный представитель МИД РФ Мария Захарова заявила на брифинге, передает Aysor.am.
