2022-02-03 17:12
Информагентства
0
Փաստաբանների պալատ․ Բախշիյանի կայացրած դատական ակտի ապօրինի լինելը սուբյեկտիվ է
Սյունիքի մարզի առաջին ատյանի ընդհանուր իրավասության դատարանի դատավոր Բորիս Բախշիյանի կայացրած դատական ակտի ակնհայտ ապօրինի լինելու մասին բոլոր դատողությունները սուբյեկտիվ են` հատկապես հաշվի առնելով այն հանգամանքը, որ դատախազությունն այն չի բողոքարկել։ Նման հայտարարությամբ է հանդես եկել ՀՀ փաստաբանների պալատը։
Փետրվարի 2-ին Փաստաբանների պալատի խորհուրդը հրատապ նիստ էր հրավիրել, որի ժամանակ քննարկել էին Բախշիյանին քրեական հետապնդման ենթարկելու և լիազորությունները կասեցնելու վերաբերյալ հարցը:
ՀՀ փաստաբանների պալատի խորհուրդը խիստ մտահոգիչ է համարել այն հանգամանքը, որ դատախազությունը չի բողոքարկել ակտի ոչ օրինական լինելը, սակայն այդ հիմքով դատավորի նկատմամբ քրեական հետապնդում իրականացնելուն համաձայնություն է տվել։ Մտահոգիչ են համարել նաև Բախշիյանին ազատությունից զրկելու և լիազորությունները կասեցնելու Բարձրագույն դատական խորհրդի որոշումները, որոնք կարելի է դիտարկել ոչ միայն որպես ուղղակի միջամտություն, այլ նաև դատավորի կարգավիճակից բխող իրավունքներ իրականացնելիս դատավորի անկախության ոտնահարում:
Այս ամենով պայմանավորված պալատի խորհուրդը որոշել է կոչով դիմել մի քանի պատկան մարմնի։
Պետական մարմիններին և բարձրաստիճան պաշտոնատար անձանց հորդորել են զերծ մնալ դատական իշխանության անկախությունը և հեղինակությունը կասկածի տակ դնող որևէ գործողություններից, դատական իշխանության ներկայացուցիչներին` գործել բացառապես ՀՀ Սահմանադրությամբ և օրենքներով իրենց վերապահված լիազորությունների շրջանակներում, ԲԴԽ-ին՝ ՀՀ Սահմանադրությամբ և «ՀՀ դատական օրենսգիրք» ՀՀ սահմանադրական օրենքով սահմանված լիազորություններն իրականացնելու միջոցով ապահովել դատարանների և դատավորների անկախությունը։
ՀՀ փաստաբանների պալատի խորհուրդը նաև որոշ կետեր է արձանագրել․ օրենքով նախատեսված այլ լիազորություններ, ինչպես նաև դատավորի կարգավիճակից բխող իրավունքներ իրականացնելիս դատավորն անկախ է, դատարանը գործը քննում և լուծում է Սահմանադրությանը և օրենքին համապատասխան՝ գործի հանգամանքները գնահատելով իր ներքին համոզմամբ, դատարանը օրենքով լիազորված է կալանավորումը որպես խափանման միջոց կիրառելու մասին որոշումներ կայացնել, իսկ խափանման միջոց ընտրված կալանքի օրինականության և հիմնավորվածության դատական ստուգումը կատարվում է ՀՀ վերաքննիչ քրեական դատարանի կողմից:
Նիստին ներկա են եղել խորհրդի նախագահ Սիմոն Բաբայանը, խորհրդի անդամներ Էմին Բեգլարյանը, Պավել Գյուլումյանը, Ռուբեն Հակոբյանը, Հարություն Հարությունյանը, Կարեն Մեժլումյանը, Կարեն Սարդարյանը, Մարինե Ֆարմանյանը, Լիլիթ Ղազանչյանը և Մանե Կարապետյանը, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2024-04-23 13:09Вчера на встрече с премьер-министром главам сел Тавуша сказали, что ничего не меняется, что будет еще хуже, то есть будет полноценная сдача, поэтапно, но очень быстро – в течение дней и недель. Об этом заявил в беседе с журналистами 23 апреля глава партии «Демократическая консолидация», политолог Сурен Петросян.
-
New2024-04-23 13:05Демаркационные работы между Арменией и Азербайджаном на территории сел Баганис и Воскепар общины Ноемберян содержат крайне опасные риски. Об этом говорится в заявлении, распространенном мэрией Ноемберяна.
-
New2024-04-23 13:00После возрождения в Ереване и январских показов спектакля «Во весь голос» по произведениям В. Маяковского Степанакертский русский драматический театр выпустил еще две весенних премьеры.
-
New2024-04-23 12:57Правительство Великобритании добилось утверждения обеими палатами парламента законопроекта о высылке нелегальных мигрантов в Руанду. Принять билль, который Палата лордов в течение дня несколько раз возвращала в Палату общин, добиваясь внесения поправок, удалось только после полуночи.
