Շարունակում են բողոքել ԱՊՊԱ–ի թանկացման դեմ. ի՞նչ նոր պահանջ ունեն վարորդները
Երևանի կենտրոնում կրկին մեկնարկել է ԱՊՊԱ–ի թանկացման դեմ բողոքի ակցիան։
Այս անգամ վարորդները հավաքվել են Շահումյան հրապարակի մոտ, որտեղից նրանք երթով շարժվելու են դեպի Հայաստանի ապահովագրական բյուրո։
Պահանջը շարունակում է նույնը մնալ` չեղարկել ԱՊՊԱ–ի թանկացումները։
Ակցիայի մասնակիցներն իրենց ձեռքում պահում էին` «ԱՊՊԱ–ն չի թանկանալու», «Վերանայեք բոնուս–մալուս...» գրությամբ պաստառներ։
«Մենք այսօր երթով շարժելու ենք դեպի ԱՊՊԱ բյուրո, ոստիկանության հետ ամեն ինչ համաձայնեցված է, ինչպես նախորդ անգամ։ Այնտեղ արդեն կներկայացնենք մեր պահանջները։ Մեր պահաջների մեջ ավելացել է ևս մեկ կետ` ԱՊՊԱ բյուրոյի պետի հրաժարականը (գործադիր տնօրեն՝ Վաղինակ Եղիազարյան - խմբ.)։ Երրորդ կետի մասին մի փոքր ավելի ուշ կխոսենք»,– նշեց ակցիայի մասնակից վարորդներից Արտուշ Մաթևոսյանը։
Նա հավելեց, որ քայլեր անելուց առաջ արդյունք են ակնկալում, գնալու են մինչև վերջ ու իրենց բողոքները շարունակական են լինելու։ ԱՊՊԱ բյուրոյի ղեկավարի հրաժարականը պահանջում են, քանի որ հույս ունեն, որ կգա մեկը, ով կլսի իրենց, կհասկանա բողոքներն ու խնդիրները։
Վարորդը նաև շեշտեց, որ առաջիկայում, եթե իրենց խաղաղ բողոքներն արդյունք չտան, ապա դրանք կվերածվեն անհնազանդության ակցիաների։
Ակցիայի մեկ այլ մասնակից էլ ընդգծեց, որ իրենք 3000 դրամով թանկացման պատճառով չեն բողոքում, այլ իրենք ավելի առաջ են նայում։
«Տարիներ շարունակ մեքենա եմ վարում և մինչ օրս վթար չեմ ունեցել, սակայն եթե լինի նման բան, ապա այն կթանկանար։ Վերջերս մերկասառույց էր ճանապարհին, ու մեքենաս մի պահ չկարողացա կառավարել, սակայն, բարեբախտաբար, վթար չեղավ։ Եթե լիներ ու հարվածեի որևէ թանկարժեք մեքենայի, իմ ԱՊՊԱ–ն ավելի շատ կթանկանար։ Եթե 1 մլն–ից ավելի լիներ փոխհատուցումը` կթանկանար 300 տոկոսով։ Ինչի համար ես այդքան գումար պետք է վճարեմ»,– նշեց վարորդը։
Ակցիայի մասնակիցները երթով շարժվեցին դեպի Ապահովագրողների բյուրո, որի ընթացքում նրանք «վուվուզելներով» ազդանշաններ էին տալիս` այսպիսով արտահայտելով իրենց բողոքը։
«Այսօրվանից արդեն թանկացումներն ուժի մեջ են մտել, մյուս փուլն էլ մարտի 1-ից է լինելու։ Այսօր եկել ենք Ապահովագրողների բյուրո, փորձելու ենք նրանց հետ կառուցողական զրույց ունենալ։ Մենք, եթե 10 օր առաջվանից աղմուկ չբարձրացնեինք այս թեմայով, շատերն այսօր արթնանալու էին ու չիմանային, որ ԱՊՊԱ–ն թանկացել է։ Թաքուն օրենքներ չպետք է մշակեն ու ուժի մեջ մտնեն»,– նշեց ակցիայի մասնակիցներից Արտակ Խաչատուրովը, որը նաև փաստաբան է։
Նա ընդգծեց, որ ակցիաներից մեկը հնարավոր է անցկացնեն Ճանապարհային ոստիկանությունում, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2024-04-18 20:23
Церковь Сурб Ованнес Мкртич (Св. Иоанна Крестителя) в Шуши полностью разрушена. Об этом свидетельствуют снимки со спутника, опубликованные в сети Karabakh Records, передает Sputnik Армения.
-
2024-04-18 18:48
Россия говорит полуправду, потому что тяжелая российская государственная машина не принимает исторические, геополитические решения на основе лишь одного заявления. Об этом в беседе с корреспондентом NEWS.am заявил член группы «Альтернативные проекты» Ваге Ованнисян.
-
2024-04-18 18:45
Вывод российских ВС из Карабаха ставит последнюю точку над «и». Об этом написал в открытом письме на своей странице в Facebook бывший премьер-министр Армении Вазген Манукян, которое адресовано первому заместителю председателя комитета Государственной думы РФ по делам СНГ Константину Затулину, передает News.am.
-
2024-04-18 18:42
Нарушая моральные нормы, некоторые политические и общественные деятели не постеснялись обвинить Армянскую Церковь во лжи и мошенничестве. Об этом говорится в заявлении директора Информационной системы Первопрестольного Святого Эчмиадзина Есаи Артеняна в ответ на запросы относительно заявления епископов от 9 апреля.