Ռաիսի․ Իրանի արտաքին քաղաքականությունը կենտրոնացած է կապերի ամրապնդման վրա
Իրանի արտաքին քաղաքականությունը կենտրոնացած է հարևանների և դաշնակիցների հետ կապերի ամրապնդման և տնտեսական դիվանագիտության զարգացման վրա։
Այդ մասին Իսլամական հեղափոխության հաղթանակի 43-րդ տարեդարձի կապակցությամբ մի խումբ օտարերկրյա դեսպանների հետ հանդիպման ժամանակ հայտարարել Է Իրանի նախագահ Իբրահիմ Ռաիսին, փոխանցում է Tasnim-ը։
Նրա խոսքով՝ աշխարհի երկրների, հատկապես հարևանների հետ հարաբերություններում Իրանի մոտեցումը հիմնված է ոչ թե մարտավարական, այլ ռազմավարական նկատառումների վրա։
«Մեր մոտեցումը աշխարհի երկրների, հատկապես մեր հարևանների հետ հարաբերություններում կրում է ոչ թե մարտավարական, այլ ռազմավարական բնույթ, և մենք հաստատուն ենք մեր հավատքի մեջ՝ հույս ունենալով, որ հարևանների հետ աշխատանքն ավելի շատ փոխադարձ և ընդհանուր շահեր կբերի աշխարհի բոլոր երկրներին», - ասել է նա։
Նա հավելել է, որ Իսլամական հեղափոխության «հստակ ուղերձները» դեմ են անկախ պետությունների ներքին գործերին համաշխարհային տերությունների հեգեմոնիային և միջամտությանը, պաշտպանում են ճնշվածներին և աջակցում անկախությունը ներքին և արտաքին քաղաքականության մեջ։
Ռաիսին նշել է, որ դիվանագիտության նոր մոտեցման ձգտման մեջ Իրանը փորձում է նոր գլուխ բացել երկկողմ կամ բազմակողմ համագործակցության ոլորտում, որպեսզի պաշտպանի տարածաշրջանային և արտատարածաշրջանային անվտանգությունն ու կայունությունը և բավարարի փոխադարձ պահանջները։
Այդ ուղղությամբ կարևոր քայլերի շարքում նա նշել է Չինաստանի հետ համապարփակ ռազմավարական գործընկերության մասին համաձայնագրի կնքումը 25 տարի ժամկետով, Ռուսաստանի հետ համանման պակտի ստորագրումը, Եվրասիական տնտեսական միության և Շանհայի համագործակցության կազմակերպության հետ համագործակցության ընդլայնումը:
Զուգահեռաբար Իրանը նաև հատուկ ուշադրություն է դարձնում աֆրիկյան, լատինամերիկյան և եվրոպական պետությունների հետ համագործակցության զարգացմանը՝ հավասարակշռված, դինամիկ և խելամիտ արտաքին քաղաքականությանը համապատասխան, հավելել Է նա, տեղեկացնում է News.am-ը։
ПОСЛЕДНИЕ ОТ АВТОРА
-
2024-04-23 11:08
Правительство Армении во главе с премьер-министром Николом Пашиняном официально обязалось передать в ближайшее время Азербайджану территории, затребованные Баку на севере Армении. Вооруженные силы соседнего государства без каких-либо усилий займут позиции, позволяющие им контролировать северные области у армяно-грузинской границы.
-
2024-04-23 11:03
В действиях властей Армении относительно шагов по передаче Азербайджану четырех сел очевидны противоправные действия. Подобную точку зрения EADaily выразил политолог Айк Нагапетян.
-
2024-04-23 10:58
Владимир Путин 22 апреля провел переговоры с Ильхамом Алиевым — президент Азербайджана прибыл в Москву с рабочим визитом. Последний раз он был в российской столице почти год назад — в мае 2023-го на трехсторонних переговорах по урегулированию карабахского конфликта.
-
2024-04-23 10:50
Полковника запаса Миграна Махсудяна, участвующего в борьбе против сдачи территорий в Тавуше, вызвали в Следственный комитет. Об этом он сообщил в беседе с корреспондентом Sputnik Армения.