2022-02-16 09:16
Информагентства
0
Դատավոր Արշակ Վարդանյանը՝ Կարեն Անդրեասյանի հայտարարության մասին
Գործադիր մարմնի ներկայացուցիչների համար սովորական բան է դարձել դատավորների մասին այդպիսի հայտարարություններ անելը։ Այս մասին NEWS.am-ի հետ զրույցում ասաց ՀՀ վերաքննիչ քրեական դատարանի դատավոր Արշակ Վարդանյանը՝ անդրադառնալով ՀՀ արդարադատության նախարար Կարեն Անդրեասյանի այն հայտարարությանը, թե Հայաստանում, կոպիտ հաշվարկներով, 40 կոռումպացված դատավոր կա։
«Վաղ թե ուշ այդ հարցը բարձրաձայնելու ենք, որ օրենսդիր և գործադիր իշխանությունները դատական իշխանության հեղինակությունը բարձրացնելու փոխարեն քայլեր են ձեռնարկում, որոնք, ըստ էության, հասարակության մոտ վստահության շեմն են իջեցնում։ Անընդհատ 40 դատավորի ցուցակը շեշտվում է, վատ դատավորը ո՞րն է, լավ դատավորը ո՞րը. այդ չափանիշները երևի պարոն Անդրեասյանը գիտի և կլուսաբանի»,- ասաց դատավորը։
Նրա խոսքով՝ Դատավորների միության անդամները քննարկում են՝ ինչ եղանակով ներազդել նախարարի վրա. «Այս ամենին արձագանք լինելու է, կփորձենք հասկանալ՝ որն է ավելի գործուն միջոց։ Տպավորություն է, որ դա միգուցե լավ աշխատելոճի ցուցանիշ է. ինչքան դատավորներին վիրավորես, որքան գունեղ, այնքան լավ»։
Անդրադառնալով Սյունիքի մարզի ընդհանուր իրավասության դատարանի դատավոր Բորիս Բախշիյանի վերաբերյալ քրեական գործին՝ Արշակ Վարդանյանն ասաց՝ ինքը և Դատավորների միության նախագահ Ալեքսանդր Ազարյանն այցելել են ՔԿՀ, սակայն Բորիս Բախշիյանին չի հաջողվել տեսակցել, քանի որ պատվաստման հետ կապված խնդիրներ են առաջացել։
«Մեր տեսանկյունից Բախշիյանի գործն առանձնահատուկ է։ Դատավորի նկատմամբ կալանքի շեմը մի քանի անգամ բարձր է։ Նա 3 անչափահաս երեխա ունի, մշտական բնակության վայր ունի, լիազորությունները դադարեցված չէ, կասեցված է. այս պայմաններում կալանք են ընտրել։ Ես չեմ վիճարկում դատական ակտը, բայց զարմանալի է՝ ինչո՞ւ հատկապես կալանք, այլ միջոցներով հնարավոր չէ՞ր զսպել։ Մենք իրավասու չենք օրինական ուժի մեջ մտած դատական ակտը վիճարկել, բայց անհասկանալի բաներ կան, որոնք լրացուցիչ մեկնաբանման կարիք ունեն»։
Հիշեցնենք, որ Բախշիյանին մեղադրանք է առաջադրվել ՀՀ ՔՕ 348-րդ հոդվածի 3-րդ մասով՝ անձին ապօրինի կալանավորելու հատկանիշներով, որն առաջացրել է ծանր հետևանք։ Բարձրագույն դատական խորհուրդը թույլ էր տվել դատավոր Բորիս Բախշիյանի նկատմամբ քրեական հետապնդում հարուցել, ինչպես նաև ազատությունից զրկելու համաձայնություն էր տվել: Բախշիյանին կալանավորելու որոշումը կայացրել է Երևան քաղաքի ընդհանուր իրավասության դատարանի դատավոր Դավիթ Արղամանյանը։ Դատավոր Բախշիյանը կալանքի տակ է փետրվարի 7-ից։
ПОСЛЕДНИЕ ОТ АВТОРА
-
2024-04-25 19:24В Тавуше протестующие окружили пост военной полиции. Ранее тавушцы перекрыли мост, в районе которого сегодня планировалось провести работы по разминированию. Около моста протестующие установили палатку.
-
2024-04-25 19:22Представители блока «Мать Армения» во главе с Андраником Теваняном находятся в Тавушской области.
-
2024-04-25 19:18Сегодня несколько членов движения «Вместе» были задержаны, они пытались перекрыть улицу. Об этом заявил во время акции протеста бывший премьер-министр Армении, член движения «Вместе» Грант Багратян.
-
2024-04-25 19:16На основании геодезических измерений, проводимых в рамках работ по уточнению координат на границе между Республикой Армения и Азербайджанской Республикой по состоянию на 25 апреля 2024 года установлено 20 пограничных столбов, сообщает пресс-служба армянского правительства.
