Последние новости

Տիգրան ԱԲՐԱՀԱՄՅԱՆ․ Ի ՊԱՏԱՍԽԱՆ ՏԱՐԱԾԱՇՐՋԱՆԱՅԻՆ ՍՊԱՌՆԱԼԻՔՆԵՐԻ՝ ՀՀ ԻՇԽԱՆՈՒԹՅՈՒՆԸ ԳԼԽԱՏԵՑ ԶՈՒ-Ի ԳԼԽԱՎՈՐ ՇՏԱԲԸ

Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը կարևորում է Հայաստանի և Արցախի անվտանգությունն ապահովող կառույցների հատուկ միջոցառումների իրականացումն և զգոնության բարձրացումը։

Պատգամավորը վստահ է՝ Ուկրաինայի շուրջ ստեղծված իրադրությունը նաև մեր տարածաշրջանի համար կարող է վտանգավոր հետևանքներ ունենալ։

«Եվ ի՞նչ արեց ՀՀ իշխանությունը։ Այո՛, ի պատասխան տարածաշրջանային սպառնալիքների՝ գլխատեց Զինված ուժերի գլխավոր շտաբը։

Պաշտոնից ազատվեց ԳՇ պետը, ԳՇ պետի ամենափորձառու տեղակալը և այդ փոփոխությունները տարածվեցին վարչության պետերի և ավելի ցածր օղակների վրա։ Ես չեմ քննարկում նոր նշանակվող կադրերին, որոնց գրեթե բոլորին ճանաչում եմ, խնդիրը տուրբուլենտ ժամանակաշրջանում կտրուկ կադրային շարժերի գնալն է։

Միաժամանակ անթույլատրելի եմ համարում, երբ տարբեր օղակներում կադրային ոչ մրցակցային իրավիճակի և սղության պայմաններում զինված ուժերում այսպիսի հաճախականությամբ կադրային փոփոխություններ են իրականացվում, որն ավելի շատ «կադրային ջարդ» է հիշեցնում։

Եթե սա է զինված ուժերի «բարեփոխում» ասվածը, ապա միանգամից արձանագրենք դրա վախճանը և մտածենք մեր հետագա քայլերի մասին», - ընդգծել է Աբրահամյանը։

Aysor.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ