2022-06-02 09:16
Ара МЕЛИКСЕТЯН
ՀԵՐԹԱԿԱՆ ՄԱՆԻՊՈՒԼՅԱՑԻԱՆ
Հայաստանում միջին աշխատավարձը 2018 թվականից աճել է 60 հազար դրամով կամ 34,4%-ով։ Այս մասին հայտնել է ՀՀ վարչապետ Նիկոլ Փաշինյանը՝ խորհրդարանում 2021 թվականի պետբյուջեի կատարողականի քննարկման ժամանակ, հաղորդում է ԱՌԿԱ-ն։
«Միջին աշխատավարձը 2018 թվականին եղել է 173 հազար 996 դրամ, 2021 թվականին եղել է 233 հազար 965 դրամ, այսինքն՝ տեսնում ենք, որ 60 հազար դրամով միջին աշխատավարձն աճել է, աճը կազմել է 34,4 տոկոս»,- նշել է նա։
ԲԱՅՑ ԱՆՀՆԱՐ Է ԼՌԵԼ. ԻՆՉՊԵՍ ԱՍՈՒՄ ԵՆ՝ ԶԱՐՄԱՑՐԵՑ։ Թող ավելի լավ է հիշեր, թե ինչպես էր նույն այդ 2018- ին ասում, թե իբր երկրի տնտեսությունը պատրաստվում է թռիչքի, իսկ «ուղևորների» գլուխը թլսորում էր աղքատությունն արմատախիլ անելու խոստումներով։ Ասենք, տվյալ հայտարարությամբ Փաշինյանը չի զարմացնում այն պատճառով, որ Հայաստանի պատմության վերջին երեք տասնամյակների ընթացքում եղել են քառամյա ժամանակահատվածում միջին աշխատավարձի ցուցանիշի աճի շատ ավելի շոշափելի տեմպեր։ Բայց այդ մասին՝ քիչ անց. Իսկ մինչ այդ ուշադրություն դարձնենք նախորդ տարվա ընթացքում աշխատավարձերի աճին վերաբերող մի շատ հետաքրքիր նրբության վրա։ Հավանաբար, հենց այդ նրբությունն է գաղտնազերծում աշխատավարձային «հաջողության» բանաձևը, որով հպարտանում է այս իշխանությունը։
Նախորդ տարվա հունվարին Հայաստանում միջին աշխատավարձը, ըստ Վիճակագրական կոմիտեի տվյալների, կազմել է 192 հազար դրամ։ Հաջորդ 10 ամիսների ընթացքում այն աստիճանաբար, և ամենակարևորը՝ սահուն աճել է, նոյեմբերին հասնելով 202 հազար դրամի։ Սակայն դեկտեմբերին իսկական հրաշք կատարվեց. այդ ցուցանիշը միանգամից հասավ 255 հազար դրամի։ Դրան հարկ է ավելացնել ևս մի փոքր նրբագիծ. պետական մասնահատվածում աշխատավարձի դեկտեմբերյան աճն առավելևս «թռիչքային» էր՝ հունվարին 164 հազարից մինչև 178 հազար դրամ՝ նոյեմբերին, իսկ դեկտեմբերին՝ ցատկ մինչև 244 հազար դրամի։ Այսինքն մեկ ամսում (դեկտեմբերին) աշխատավարձերը պետական մասնահատվածում աճել են 37%-ով, մինչդեռ մնացած ողջ տարվա ընթացքում աճը կազմել է ընդամենը 8%։
Առաջին հայացքից ակնհայտ է աշխատավարձերի աճի անոմալ դինամիկան։ Իրականում դա անոմալ է այնքանով, որքանով անոմալ է այս կառավարության «պարգևավճարային» քաղաքականությունը։ Դեկտեմբերը պարգևավճարներ բաժանելու ամենաակտիվ ժամանակահատվածն է։ Ըստ էության, հենց դա է դեկտեմբերյան աշխատավարձային «հրաշքի» ողջ առեղծվածը։ Այլ հարց է, թե որտեղի՞ց այդքան փող՝ պարգևավճարներ բաժանելու համար։ Նամանավանդ հետպատերազմյան և հետկովիդային բյուջեում։ Այս հարցի պատասխանը հեշտ է գտնել ֆինանսների նախարարի խոսքերում, որոնք հնչեցին կրկին իսկ խորհրդարանում։ Տիգրան Խաչատրյանը, մասնավորապես, նշեց, որ նախորդ տարի Հայաստանի պետական պարտքն աճել է 6,4%-ով։ Թերևս սա այն ամենն է, ինչ պետք է իմանալ միջին աշխատավարձի աճի պատճառների և այդ աճն ապահովող ֆինանսական աղբյուրների մասին։
Իսկ հիմա Փաշինյանի պարծանքի առարկայի՝ 4 տարում աշխատավարձերի 34-տոկոսանոց աճի մասին։ Իրականում պարծենալու բան նա չունի։ Նախ, սպառողական գների ահռելի աճը նույն ժամանակահատվածում գործնականում «խժռեց» բարձրացած աշխատավարձերը։ Միայն անցած տարի, միայն պաշտոնական վիճակագրության համաձայն, գների աճը կազմել է 7%: Երկրորդ. համեմատության համար արժե մի փոքր անդրադարձ կատարել անցյալին՝ երկրորդ և երրորդ նախագահների կառավարման տարիներին։ Օրինակ, Ռոբերտ Քոչարյանի պաշտոնավարման առաջին քառամյակի ընթացքում միջին անվանական աշխատավարձը Հայաստանում աճել է գրեթե կրկնակի (22 հազար 700 դրամից հասնելով 43 հազար 445 դրամի)։ Սերժ Սարգսյանի կառավարման առաջին չորս տարիներին աճը կազմել է 24%, նույնիսկ այն դեպքում, երբ դա գլոբալ ֆինանսատնտեսական աննախադեպ ճգնաժամի ժամանակաշրջանն էր։ Երրորդ. Փաշինյանի ներկայացրած թիվը տարբերվում է Վիճակագրական կոմիտեի հրապարակած թվից։ Այսպես, Փաշինյանական քառամյա թավշե ժամանակահատվածում միջին անվանական աշխատավարձը երկրում աճել է 18, այլ բնավ ոչ 34,4%-ով։
Ուրեմն ինչո՞վ կարող է հպարտանալ Փաշինյանը։ Թերևս միայն՝ թվերով մանիպուլյացիաներ անելու իր ունակությամբ։ Այդ հարցում նա իսկապես բացառիկ է և աննախադեպ։
ПОСЛЕДНИЕ ОТ АВТОРА
-
2025-07-19 10:06Премьер-министр Армении Никол Пашинян заявил на пресс-конференции в среду, что через 20 лет видит страну в составе Европейского союза, передает Sputnik Армения. По его словам, Армения стремится к членству в ЕС и ведет работу в этом направлении. "Мы с европейскими партнерами зафиксировали, что это непростой процесс, который требует согласия всех стран-членов. Кроме того, государство должно соответствовать критериям ЕС", - отметил Пашинян. Он подчеркнул, что в Армении реализуются реформы, направленные на соответствие этим требованиям. "Есть два сценария: страна станет членом ЕС или нет. Но даже в случае отказа Армения достигнет уровня европейских стандартов", – добавил премьер.
-
2025-07-18 09:35Министр экономики Армении Геворг Папоян сообщил об отправке в Россию очередной партии армянского коньяка, передает АРКА. «В период 1-14 июля российско-грузинскую границу пересекли и на территорию России въехали 103 грузовика, груженых бутилированным коньяком из Армении», - написал он в своем ФБ.
-
2025-07-16 11:28В рамках стратегии «Global Gateway» ожидается, что инвестиции ЕС в Армению достигнут 2,5 млрд евро, что будет способствовать инклюзивному росту и развитию связей, говорится в совместном заявлении по итогам трёхсторонней встречи премьер-министра РА Никола Пашиняна, председателя Европейского совета Антониу Кошты и председателя Еврокомисси Урсулы фон дер Ляйен, передает АРКА.
-
2025-07-11 09:48Правительство Армении на заседании в четверг одобрило предложение о подписании кредитного соглашения с Международным банком реконструкции и развития (МБРР, структура ВБ) по программе «Туризм и региональная инфраструктура Армении» на 120,5 млн евро, передает АРКА. Как заявил замминистра экономики Армении Арман Ходжоян, программа нацелена на поддержку семи отдельных туристических кластеров из 20-ти в общинах Арени, Дилижан, Двин, Гюмри, Джермук, Горис и Ехегис с целью стимулирования винного, оздоровительного, приключенческого, культурно-образовательного туризма, а также экотуризма в различных областях Армении. Он сообщил, что общая стоимость программы, которая будет реализована до конца 2030 года, составляет 120,5 млн евро, из которых 24,1 млн софинансирует правительство.